Bandièra01 1180x150: Comuna de Tolosa

Actualitats

Lo govèrn turc s’es apoderat del principal jornal del país

De manifestacions a Istanbul e d'autras vilas en favor de la libertat d'expression

| Bilâl ŞAHİN
Lo govèrn de Turquia s’es apoderat del jornal Zaman. Dissabte passat, la polícia intrèt dins los burèus del quotidian a Istanbul en complissent un decret del govèrn d’Erdoğan. Ara las autoritats designadas pel govèrn bailejan lo jornal. Zaman èra conegut per sa denóncia de las practicas governamentalas e de la corrupcion.
 
Mentretant, per carrièras, de milièrs de personas an manifestat en divèrsas escasenças davant lo sèti del jornal, e son estadas reprimidas per la polícia qu’a emplegat violentament de gases lacrimogèns, de canons d’aiga e de balas de goma.
 
Los emplegats del jornal reüssiguèron a publicar una edicion dissabte que denonciava l’accion del govèrn turc, en parlant del “jorn de la vergonha tocant la libertat d’expression”.
 
Es pas lo primièr còp que lo govèrn d’Erdoğan pren lo contraròtle de l’informacion, que fa dos ans bloquèt Twitter.
 
Podètz obténer mai d’informacions independentas de Turquia a travèrs de Bianet.org.
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
4.

Lo govern turc lo mai terrorista, parell a l' Arabia Saudita e a lo pentagrama pas musical.

  • 1
  • 0
Casa Marselha
3.

Segur qu'es una marrida nòva per la libertat d'expression en Turquia mai fau faire mèfi: lo jornau en question, Zaman, es clarament d'obediéncia islamista, conservatora e nacionalista. Es atacat ara perque Gülen s'es fachat ambe Erdogan, aquò fa pas de Gülen nòstre amic .. en tot cas pas lo mieu

  • 1
  • 0
Guilhèm Thomas Tolosa
2.

#1 Aquò a res a véser amb los dreches de las femnas.

  • 3
  • 2
Donat lo grammatician
1.

Turquia, Arabia saodita, 3 miliards d'euros que seràn lèu multiplicats per dos, legion d'onor e venda d'armaments, vaqui de metòdes curiós per luchar contra la sharia e per lei drechs de l'òme (e lei drechs deis femnas amb sei burquàs enclastradas dins sei palais de mil e una nuechs e leis òtels de luxi parisencs

  • 2
  • 9

Escriu un comentari sus aqueste article