Bandièra01 1180x150: Comuna de Tolosa

Actualitats

Los imatges de la destruccion de Cizîr après lo secutament de l’armada turca

De setembre a febrièr, l’armada de Turquia ataquèt per tèrra e per aire aquela vila curda per liquidar la resisténcia del PKK

| Emrah Gurel / AP
La vila de Cizîr, d’aperaquí 130 000 abitants, dins lo Curdistan del nòrd, a patit dempuèi setembre passat un enòrme secutament de l’armada turca per ensajar de liquidar los pòls de la resisténcia del Partit dels Trabalhadors de Curdistan (PKK). L’operacion repressiva acabèt en mièg febrièr e l’armada turca empleguèt tota sòrta d’armas, quitament l’aviacion.
 
Segon las autoritats turcas, l’operacion “antiterrorista” a provocat la mòrt de sièis cent personas. Segon las organizacions de dreches umans, la majoritat èran de civils desarmats.
 
Lo govèrn turc diguèt que s’agissiá d’un cobrifuòc. Mas los qu’an pogut tornar en vila an trobat una desolacion comparabla a la qu’an patida Kobanê e d’autras vilas devastadas per la guèrra de Siria. Qualques jornalistas an publicat d’imatges que mòstran la destruccion espantanta. O podètz verificar dins aquesta galariá de fòtos e tanben dins aqueste vidèo.
 

 
A la fin de julhet, lo PKK decidiguèt de metre fin a la trèva unilaterala declarada fa mai de dos ans. Considèran que l’estat turc a pas avançat dins las negociacions, e mai qu’agredís, e que fa pas res per evitar las agressions contra los curds, en tot profechar del conflicte en Siria e Iraq.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

manjacostel Murèth
1.

Espèri que los turcs van dintrar dins Euròpa , que l'UE serà lo monde de libertat de deman e nosautres los occitans franceses serem fièrs de caminar ambe elses ambe totes los mòrts de las nòstras guèrras colonialas e de l'esclavatge , que ne' n faguèrem de millions de mòrts .
Solide que son pas encara a la malha los turcs , an tuats qualques millions d'armenians, bon ara es lo torn dels kurdes , mas son pas encara al nivèl dels angleses , dels espanhòls , dels franceses e autres païses del monde liure en tèrme de chaplas ...E dels germans aladonc!
Que sèm un club pron barrat. Una plaça sul podiòm aquò s'amerita!

  • 0
  • 0

Escriu un comentari sus aqueste article