Bandièra01 1180x150: Comuna de Tolosa

Actualitats

Escòcia tornarà metre l’independéncia del país sus la taula

L’SNP decidís de recomençar, l’estiu que ven, la campanha independentista e de prepausar lèu un referendum

La Conferéncia Nacionala del Partit Nacional Escocés (SNP) decidiguèt dissabte de tornar metre en marcha la campanha per l'independéncia del país a partir de l’estiu amb l’objectiu de prepausar e de ganhar lèu un referendum.
 
La presidenta del país, e cap de l’SNP, Nicola Sturgeon, diguèt que l’SNP a mai de sosten que jamai, e que cal transformar aquel sosten en una campanha per l’independéncia d’Escòcia, mai que mai se la rèsta del Reialme Unit vòta de quitar l’Union Europèa.
 
Lo mes de mai venent, auràn luòc las eleccions escocesas, e segon los sondatges, los independentistas obtendràn una victòria clara.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Wojciech L'Hospitalet del Llobregat (Segona Occitània de Catalunya)
2.

Eth independentisma escocès vai perdre eth referéndum. Faire un autre es pas lo milhor péth era sua imatge.

  • 0
  • 0
Donat lo grammatician
1.

se au referendon previst, ,lo reiaume-unit vòta per una sortida de l'Euròpa serà de pan benesit per leis independistas escocès que voudràn li restar e de rebomb per leis independentistas catalans que demonstracion serà facha que podràn restar dins l'euròpa ara ço que sabèm pas se dins un parèu d'ans l'Euròpa aurà subre-viscut ais envasions barbaras, tèrme patentat de l''istòria de França, mai belèu qu'aqui seriáu mièlhs inspîrat d'emplegar lo tèrme alemand per definir lo meteis fenomèna die Völkerwanderung, la migracion dei pòbles

  • 4
  • 6

Escriu un comentari sus aqueste article