Bandièra01 1180x150: Comuna de Tolosa

Actualitats

Peticion en linha per evitar “la desfiguracion de Montsegur”

Occitània e Libertat refusa que l’endrech istoric siá tractat coma un pargue tematic o un complèxe toristic

Convocats per l’associacion ciutadana foissenca Occitània e Libertat, un rescontre se tenguèt dimenge passat un còp de mai a Montsegur. Faguèron una commemoracion de remembre de las victimas de la guèrra de 1209-1244, quand l’armada francesa, amb lo sosten del Vatican, envasiguèt “una partida màger d’Occitània jol pretèxt de combatre una eretgia religiosa”.
 
Mas lo 772n anniversari d’aquela desbranda pòrta ongan una revendicacion aponduda car se protèsta contra cèrts projèctes d’amainatjament del sit. Dins aquel sens, Occitània e Libertat es a amassar de signaturas en linha per demandar que se bastisca pas de construccions ni mai que se faga pagar per accedir al Prat dels Cremats.
 
Lo projècte previst per la comuna amb lo sosten de la region se nomena Montsegur 2020 e prevei de bastir un bastiment d’aculhença al pè del castèl, amb d’informacions, de lavabòs, un portanèl... e la creacion d’un musèu nòu. Son còst es estimat a 586 000 èuros e cèrca d’obténer lo labèl “grand site de France” (grand sit de França).
 
Mas Occitània e Libertat refusa que l’endrech istoric siá tractat coma un pargue tematic o un complèxe toristic. “Montsegur es un santuari e tanben un cementèri. La tragèdia que s'i debanèt cogís de nòstra part memòria, respècte e umilitat”, çò afirma lo collectiu, que demanda que “tota construccion, se se deu bastir, demòre invisibla dins la perspectiva actuala del sit” e que “l'accès al Prat dels Cremats e al monument demòre liure e a gratis per totes, e aquò lo sant clame de l'an”.
 
“Degun comprendriá pas que calguèsse pagar per accedir als monuments als mòrts de nòstras vilas e als cementèris”, çò precisa Occitània e Libertat, que remarca que “d’uèi e de totjorn, lo sit tira sa fòrça del silenci e de l’estat natural que ne fan un quadre incomparable”.
 
 
 

Sit web de la peticion en linha sus change.org

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
10.

D'acord amb Tu Danís, si fem l'ull per ull, ara caldria humiliar a Paris i el Vaticà, no és mala idea.
Però pensant, no és millor aprofitat el que tenim, i fer amb ell el que puguem, i si és poc assaltar el que fasi falta.
Les situacions difícils requereixen solucions difícils.
I crec que a Occitània passa per l'unió de tots i llançar-s'hi i no importen els impediments s'ha de fer, com passa a Cat.
A que no sabeu que passa? Bé, segur que en teniu una idea.
Qui sap potser una confederació? Desprès de la llibertat? El somni de Pere el Catòlic i en Ramon de Tolosa?
Bé, ja direm.
Visca la Terra...Lliure!
"El Tàrrega".

  • 0
  • 0
Etienne de Dover Dover
9.

This is not good and will end in more tears for the lovers of these lands.

  • 0
  • 0
Etienne de Dover Dover
8.

Non, Non, Non. Pas possible.

  • 0
  • 0
"Tàrrega" Igualada (PP.CC.)
7.

Montsegur marca un moment històric, hi si reprenem l'història aquí, i si donem la volta l la truita i en fem una victoria. El sacrifici i el valor d'aquella gent, és una victòria pel demà.
Crec que tot està per aconsseguir,i nomès ho hem d'agafar.
Agafe-m'ho!
Fins la victòria!
L'Ernest, "El Tàrrega".

  • 0
  • 0
Francesc Palma de Mallorca
6.

Efectivament se los visitants que van amb lo cor estret a Montsegur,se podran adderir a la causa occitana se hi ha un bon pissador e cagador e que los facin pagar pas 1 E.

  • 2
  • 2

Escriu un comentari sus aqueste article