Bandièra01 1180x150: Comuna de Tolosa

Actualitats

Reüssida del traductor en linha de l’occitan

La Generalitat de Catalonha ven de publicar las donadas d’aquel esplech unic en la nòstra lenga

La Generalitat de Catalonha ven de publicar las donadas del traductor automatic de l’occitan, que mòstran un emplec considerable e doncas, un interès creissent per la creacion de tèxtes dins la nòstra lenga. Long de 2015, lo traductor automatic a atengut un total de 221 288 sollicitacions de traduccion e a traduch 12 148 886 mots.
 
Lo servici en linha del govèrn de Catalonha permet de traduire en linha, en occitan estandard e en aranés, de tèxtes de fins a 2500 caractèrs e tanben de paginas web. En mai d’aquò, permet d’inserir un boton de traduccion dins un sit web per s'i connectar dirèctament.
 
Aquel projècte unic es òbra de la Direccion Generala de la Politica Lingüistica (DGPL), del Departament de Cultura de la Generalitat de Catalonha, e la la tresena pagina web mai vesitada de las que prepausa. La DGPL mena a  bon tèrme d’iniciativas divèrsas per la nòstra lenga, dont la Mòstra de Cinèma Occitan.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Francés Blanc
1.

Es ua atruna ende har verificacions.

  • 2
  • 0

Escriu un comentari sus aqueste article