Bandièra01 1180x150: Comuna de Tolosa

Actualitats

Ara l’energia del Solelh es illegala dins l’estat espanhòl

Intrèt ièr en vigor la nòva lei qu’enebís e perseguís l’autoconsume d’electricitat

| Greenpeace
Ara l’energia del Solelh es illegala dins l’estat espanhòl. Ièr diluns intrèt en vigor una lei que l’aprovèt lo govèrn de Mariano Rajoy per empedir l’autoconsume d’electricitat. Segon aquel còde, se pòt pagar de multas de 30 milions d’euros s’òm capta l’energia del Solelh per far d’electricitat, segon çò que denonciava lo jornal alternatiu Kaosenlared. Aquel jornal soslinhava que las companhiás electricas d’Espanha son administradas per de conselhièrs, d’èx-presidents e d’èx-ministres dels dos principals partits de l’estat, PSÒE e PP, e que poirián aver influit dins la propòsta d’aquela lei.
 
 
Protèsta de Greenpeace
 
Dins un comunicat, l’organizacion ecologista Greenpeace afirma que “lo govèrn del Partit Popular sembla decidit a protegir los interèsses de las grandas companhiás d’electricitat”. Acusan lo govèrn de Rajoy d’empedir “la democratizacion de l’energia” e de “combatre pas lo cambiament climatic”. En mai d’aquò denóncia que lo Ministèri de l’Indústria a pas detalhat cossí se farà complir las complèxas exigéncias tecnicas requeridas per modificar las installacions: “Es impossible de complir las obligacions qu’an establit”.
 
Per tant, Greenpeace a lançat una peticion en linha. “Dins lo país del Solelh, i a pas cap de sens d’entrepachar los ciutadans que produsiscan lor electricitat pròpria, amb una font qu’es renovelabla, abondosa e a bon mercat, e que poiriá reduire la nòstra dependéncia energetica, generar d’energia d’un biais sostenable e descentralizat e desvolopar l’economia ciutadana”, çò ditz l’organizacion environamentala.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Radagast Fangòrn
6.

Segon Green Peace, “lo govèrn del Partit Popular sembla decidit a protegir los interèsses de las grandas companhiás d’electricitat”. E qu'esperavan, coma lo PSOE e coma lo PSF, lo PP es un partit de dreita e donc, defend los interèsses de qualques rics al mesprés de totes los autres. Es la regla del genre, non ?

  • 2
  • 0
Francon Sant Joan
5.

En mon país i a pus de consciéncia, per ço que ieu veni d’una illa pron pichona i lo damatge environamental es pus conegut. Ça que la aquí en Espanha i a pauc de consciéncia dins lo govèrn car i a de monde que vol protegir las grandas companhiás electricas i creson pas en lo cambiament climatic.

  • 4
  • 0
jiròni B. Limòtges
4.

#1 Adiu Pjm,
Comprèner l'amic Günther mesma si qu'es per me un pauc radicau, mas de tot biai, fau los trobar los tipes... Uèi, la "testa de la piramida" es invisibla, catada, intucabla. Sabem quauques còps mesma pas qui qu'es. Qu'es un daus ponhs que me parèis complicat per crear lu sentiment generau qu'una luta per chamjar lu sistemi es possibla.

Bona jornada a tots

  • 3
  • 3
pjm pjm
3.

"C’est pourquoi je déclare avec douleur mais détermination que nous n’hésiterons pas à tuer les hommes qui, par manque d’imagination ou de cœur, n’hésitent pas à mettre l’humanité en danger et à se rendre ainsi coupables de crimes contre elle."
Günther Anders

  • 9
  • 3

Escriu un comentari sus aqueste article