CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 22 d'agost

Actualitats

Divendres, 22 d'abril de 2016, 03h00 Cultura,Escòla

Valadas Occitanas > Valadas Occitanas

Escambi musicau occitan deus joens

Peu prumèr còp, liceans de tres estats se tròban entà hèr un concèrt en occitan


Comentaris Un comentari    
Marrit Flac Bon Plan bon Fabulós (11 vòtes)
carregant En cargar


53 joens qu’estúdian l’occitan aus licèus de l’Isla de Baish (Gasconha Tolosana), Sent Gaudenç (Comenge) e Vielha (Val d’Aran) angón rescontrar joens de las Valadas Occitanas d’Itàlia au licèu de Coni. Los liceans gascons que profieitèn d’aqueth escambi, deu 10 au 15 d’abriu, tanben entà véser las vilas de Coni, Saluças e Turin. La montanha qu’estoc tanben lo parat de randolejar peus sendèrs de Sant Pèire, en la Vath Varacha (Val Varacha), o a l’entorn deus Chichos de Vilar. Los responsables d’aqueth escambi estón Joan Pau Ferrèr e Nicolau Rei Bèthvéder deu costat francés, Miquèu Segalàs Mir deu costat espanhòu e Elena Giordanengo per Itàlia.
 
 
Alidé Sans e Saber Système
 
La musica serviscoc de ligam puèi que, dab l’ajuda d’Alidé Sans, Mathilde Mélard e Thibaut Dupoux de l’Isla de Baish, Marie Reuge e Amandine Savelli de Sent Gaudenç hascón ua represa d’ua cançon de Bob Marley en occitan. La cançon es ua represa de Three little birds que s’apèra Non te’n hèsques en occitan. Aquera cançon poirà estar presentada dins l’encastre deu hestenau licean que la region de Tolosa organiza.
 
Lo concèrt se debanèc lo 13 d’abriu e durèc duas oras dins lo Licèu Edmondo de Amicis de Coni. Prumèr, estoc l’aranesa Alidé Sans que joguèc 6 o 7 cançons davant un public estrambordat. Puèi, estoc lo torn deus liceans gascons dab la represa en gascon de Bob Marley. S’acabèc dab un grop de joens occitans de las Valadas, Saber Système, que cantèn en italian, francés, espanhòu e occitan. Tots estón encantats per l’arsec deu cantaire Antonio Rapa que se saboc ahuecar tota aquera joenesa.
 
Lo maire de Coni, Frederico Borgna, tengoc a estar present e laudèc l’importància d’aqueth escambi. S’adrecèc aus joens atau:
 

“Auei Euròpa s’embarra suu era medisha, hòrabanish. Vosauts mostratz ua auta cara d’Euròpa, on la draubertura sus l’aute compta. Occitània, qu’es sus tres estats, es au centre d’aquesta Euròpa e la sua cultura pòrta aquestas valors.”
 
 
L’occitan recula
 
Discors plan sentit, mès la dura realitat es que la transmission de l’occitan dins las Valadas Occitanas d’Itàlia qu’es ara quasi copada. Los liceans gascons, en bèth devisar dab los lors correspondents italians, podón véser ua situacion susprenenta. Dins las generacions deus mens de 30 ans los qu’an l’occitan coma lenga naturala son rars. Maugrat la reconeishença per Itàlia, en 1999, de l’occitan coma lenga d’Itàlia, los occitanistas deishèn l’ensenhament. Pr’aquò, en 2016, ua lenga absenta de l’ensenhament es condemnada a la mòrt. Cau saber que dins las Valadas n’i a pas nada escòla, nat collègi, nat licèu qu’ensenhen l’occitan. Lo simbòl mès terrible que podón véser los liceans estoc lo magnific Espaci occitan de Draonier, on i a salas entaus corses d’occitan entaus adultes, que costeja lo licèu on la lenga deus trobadors es totalament absenta… La lenga d’òc es encara l’idiòma usuau deus mès de 40 ans dins las valadas montanhosas de Piemont, mès miaças de las pesucas arriban: manca de trabalh en comun deus occitanistas locaus, desastre de l’ensenhament, senhalizacion bilingüa rara e fantasiosa.
 
Ça que la, e lo concèrt hèit amassa ac mòstra, ua cèrta presa de consciéncia monta entà hèr víver l’occitan de l’auta part deus Aups. De notar, d’aulhors, que Saber Système, dab Gai Saber, seràn de concèrt a la debuta de julhet a l’Isla de Baish entau hestenau Escota e Minja.
 
 
 
 
Nicolau Rei Bèthvéder



publicitat
BANER1-2-3: DGPL TRADUCTOR



Comentaris

22 d'abril 23.33h

Aquestas amistats qu'es fan en aquestes rescontres solen ser molt bons a vegades duraders. Se coneisser es la primera causa per se poder estimar (aimar).


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • D.R.

    Tren e occitan

  • © Laurenç Revèst

    Menton, 'a vivaroalpenca maritima

  • Asuèlhs comengeses. © Franc Bardòu

    Asuèlhs Comengeses

  • Omenatge a Aragon. © Franc Bardòu

    Omenatge a Aragon

  • © Aure Séguier

    Carnaval Biarnés 2017

  • País de Rasés. © Franc Bardòu

    País de Rasés

  • Era còlha dera ADÒC ath trabalh

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Franc Bardòu

    Asuèlhs Bigordans

  • A Gavotina marítima: Recabruna Cab Martin, a vila vielha e o castèl dau sécolo X

  • © Franc Bardòu

    Tèrra albigesa

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Occitan e economia: "occitanitat mai o mens visibla"

  • © Josep Carpintero

    Presentacion dera ANC Val d'Aran en Vielha, 28/12/2013

  • © Aure Séguier

    Carnaval Biarnés 2017

  • Estivada 2013. © Guillem Sevilla

    Estivada 2013

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



37%



20%



0%




Vots 104 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)