Actualitats
Auvèrnhe-Ròse-Alps presidís los Quatre Motors d’Euròpa
Un “maridatge civilizat” amb Catalonha, que “se separa de manièra civilizada” d’Espanha
Lo president de la region Auvèrnhe-Ròse-Alps, l’arpitan Laurent Wauquiez, prenguèt aqueste diluns passat a Barcelona la presidéncia de l’associacion Quatre motors per Euròpa (vidèo de la ceremònia). S’agís d’un ret creat en 1988 que compren los territòris d’Auvèrnhe-Ròse-Alps, Catalonha e Aran, Baden-Württemberg e Lombardia amb la tòca de refortir lor posicion en Euròpa. Wauquiez es estat nomenat per un an e defendrà durant aquel periòde tres objectius tematics, dont la transformacion del modèl industrial pel numeric.
L’independéncia de Catalonha: una “separacion civilizada”
Fins a ara, lo president dels Quatre Motors èra lo president de la Generalitat de Catalonha Carles Puigdemont, que Wauquiez li diguèt qualques mots a prepaus de l’independéncia de Catalonha. Remarquèt qu’”al delà de la separacion civilizada” que la defend Catalonha, los quatre motors “contunhan ensems”. Puigdemont respondèt en afirmant: “Sèm un maridatge durable, los Quatre Motors d’Euròpa. Los maridatges civilizats son los que perduran, pr’amor que son fondats sus una relacion d’egal a egal. Quand es pas aital, çò de mai civilizat es una separacion”.
Una “posicion geoestrategica colossala”
Puigdemont aprofechèt l’eveniment per remarcar la “posicion geoestrategica colossala” que presenta l’ensems de la region arpitanooccitana amb Catalonha e Aran e Lombardia. “Euròpa fariá ben de cultivar aqueles territòris”, que, segon lo president catalan, son la clau “per las solucions” a de problèmas europèus coma la crisi dels refugiats, lo cambiament climatic, la crisi economica, los escambis universitaris, etc. “Se tot aquò se fa pas en comptant activament amb las regions mai dinamicas, totes aqueles projèctes se menaràn pas a bon tèrme pas e demoraràn coma mèra literatura europèa", çò concluguèt.
L’independéncia de Catalonha: una “separacion civilizada”
Fins a ara, lo president dels Quatre Motors èra lo president de la Generalitat de Catalonha Carles Puigdemont, que Wauquiez li diguèt qualques mots a prepaus de l’independéncia de Catalonha. Remarquèt qu’”al delà de la separacion civilizada” que la defend Catalonha, los quatre motors “contunhan ensems”. Puigdemont respondèt en afirmant: “Sèm un maridatge durable, los Quatre Motors d’Euròpa. Los maridatges civilizats son los que perduran, pr’amor que son fondats sus una relacion d’egal a egal. Quand es pas aital, çò de mai civilizat es una separacion”.
Una “posicion geoestrategica colossala”
Puigdemont aprofechèt l’eveniment per remarcar la “posicion geoestrategica colossala” que presenta l’ensems de la region arpitanooccitana amb Catalonha e Aran e Lombardia. “Euròpa fariá ben de cultivar aqueles territòris”, que, segon lo president catalan, son la clau “per las solucions” a de problèmas europèus coma la crisi dels refugiats, lo cambiament climatic, la crisi economica, los escambis universitaris, etc. “Se tot aquò se fa pas en comptant activament amb las regions mai dinamicas, totes aqueles projèctes se menaràn pas a bon tèrme pas e demoraràn coma mèra literatura europèa", çò concluguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Efectivament, és pas la region parisenca que presidirà aquesta associacion, segur que ho compredran pas que eles sian pas los caps de l'associacion. Amb la contaminacion que havem d'aguantar, la sobrepoblacion e los embossos de circulacion, e vene los Auvernha-Roses-Alps e los posan a presidir, mentre que lo govern de Paris nos posan al galhiner (los locs de les entrades mai baratas)
Tot çò que pòt far tocar la realitat dels nòstres países als dirigents franceses es de bon prene!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari