Bandièra01 1180x150: Comuna de Tolosa

Actualitats

La Calandreta Lemosina atacada un còp de mai

La setmana passada, v-onze personas an depausats 'na requesta au tribunau administratiu de Limòtges per contestar la subvencion atribuïda per la region Lemosin a la calandreta locala. Sostenguts notadament per la Libre Pensée, contestan los 47 000 euros acordats a l'escòla au nom dau principi “credits publics per l'escòlas publicas”.


Lo president dau Conselh Regionau, Jean-Paul Denanot, susprés per la requesta, declaret que “la region es signatària de la charta per lo manten de las lengas regionalas e qu'es per quò que subvenciona la Calandreta dempuei fòrça annadas. Un tal acharnament contra una associacion laïca, que la mission es reconeguda e legitima, es incomprensible”.
 
D'efiech, la Calandreta Lemosina pareis èsser la cibla de la Libre Pensée dempuei mai d'un an. Quela associacion jacobina e anticlericala sostenguet antan los parents de l'escòla de Landoja que s'opauseren a l'auberjament provisòri daus calandrons dins los locaus de l'escòla dau borg. Landoja, tradicionalament sonat Sent-Marçau, es un vilatge dependent de Limòtges. La merariá aviá decidit a la rentrada passada de lojtar dins una partida desafectada de quela escòla los calandrons, privats de lors locaus abituaus per un auratge violent. L'oposicion d'una partida daus parents viret a l'afrontament ideologic.
 
Un còp la Calandreta Lemosina tornada dins un bastiment privat, sos opausants s'atacan a sa sorsa de finançament. L'objectiu, si es pas clarament dich, sembla totparier èsser la disparicion de la sola escòla primària bilingüa occitan-francés de l'academia.
 
 
 
 
Maime Caillon

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Efrén Montpelhièr
4.

Veni de defendre la causa occitana sus lor blòg.

Per ièu, l'occitanisme es pas de regionalisme! Occitània es compausada d'un nombre elevat de regions francesas coma per dire de l'occitan "lenga regionala". Fals. En mai d'aquò, i a l'Aran e las Valadas e la Generalitat a fach de l'occitan, lenga oficiala, d'emplec legitim dins l'administracion catalana. Cal totjorn s'apuejar sus aquò e dire que Calandreta es associativa perque i a pas d'encastre legal possible dins l'escòla publica de l'Estat francés!

Es malaisit de se confrontar en permanéncia amb los calucs "made in France"!

  • 4
  • 1
Pirolet
3.

Aquel monde es tan intolerant coma Hitler o Mussolini. D'arribar eles al poder,los autres acabariam coma los gosses de "Matin brun".

  • 5
  • 1
Xavier Girona
2.

Aquel monde se son enganats d'adjectiu. Se deurián apelar la "Lisse Pensée".

  • 9
  • 0

Escriu un comentari sus aqueste article