Bandièra01 1180x150: Comuna de Tolosa

Actualitats

Shens papèrs: un filme en occitan e berbèr sus la tolerància e la dobertura a l’autre a l’entorn de la musica e la dança

S’es lançada una campanha de micromecenatge per n’assegurar la difusion pus larga possibla

L’associacion Art’Òc ven de nàisser amb lo filme Shens papèrs, un cort metratge musical de granda qualitat ont se mescla la vida vidanta d’una familha sens papièrs, lo cant e la dança. Lo filme, rodat a Aush, es escrich e realizat per Philippe Espinasse, corealizat per Eva Cassagnet e filmat per Amic Bedel. Compta amb l’ajuda preciosa del CAMOM per l’enregistrament de la cançon.
 
La còla d’Art’Òc definís lo filme coma “tolerància, dobertura a l’autre jos las paraulas justas en occitan e en cabil”, amb lo fons de la musica entestanta e lo pas dels dançaires del rondèl. Un trentenat de dançaires participèron al rodatge del 8 de març passat a Samatan (Savés) per donar vida a un rondèl.
 
Lo filme se difusarà al Hestiv’Òc, a Clap de Lenga, Lenga, Ciné32, e Òc-Tèle.
 
 
Campanha de micromecenatge
 
Per finançar aquel filme, la còla d’Art’Òc a lançat una campanha de micromecenatge sul sit d’Ulule.fr. Lo finançament servirà a la pòstproduccion del filme, çò es pagar lo montaire, crear d’afichas, de DVD, prepausar lo filme a un maximum de festenals e assegurar sa difusion pus larga possibla. Un mejan formidable de fomentar la convivialitat, la tolerància e la lenga occitana.

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cristòl L. MOISSAC
5.

A prepaus del film SHENS PAPÈRS e de l'association ART'OC podètz escotar l'entrevista recenta de Felip ESPINASSE e de Marielle MIRANDE dins los podcasts de l'emission TIFA-TAFA sus Radio D'Oc http://radiodoc.org/emissions/tifa-tafa/podcasts.html?view=metaudio (sus radiodoc.org Emissions > Tifa-Tafa > podcasts > n° 191)

  • 8
  • 0
Espinasse Joan-Miquèu Pavia
4.

#1 aimi la tua analisi fina de la dança e deus vestits : dins la seria coneria màger te pausas suu podium... torna legir, espia lo film e après poiràs servir un devis plan ficelat....

  • 10
  • 0
Gèli Grande Lairac en Agenés
3.

Plan bona iniciativa qu'aquesta pelicula amasigò-occitana o occitanò-amasiga

Pichona remarca : Dins lo vocabulari de l'article se parla de rondèl. Fa mai de 40 ans que barrutli dins los balètis, ai ausit a parlar de rondèu e pas jamai de rondèl.

  • 9
  • 0
Lo Muòl
2.

Saria pas un remake de "singin'in the rain" ?

  • 0
  • 0
lo papet crepusculari
1.

dins la cristologia decadenta lei sensa-papier an levat de caçola lei paures que rintran au paradis via una autorota e non pas per un trauc d'agulha, vaqui doncas un documentari ben pensant e pios, amb de dansas folcloricas en tenguda de vila; se pot preferir ,lei costumas folclorics, emai berberes que son força polits. aquo dich, me pensi que lei problèmas ligats ais amazigs seràn pas tratat. per ieu, son multiples : parlan una lenga qu'ei pas aquela dau Coran, aquo influis dessus sa religiositat ? resiston mai au jihadisme , s'assimilan o s'integran mièlhs que lei arabofones ? e capitan ben dins l'economia modèrna ? son mai laïcs que leis autres ? son pas tant couvassas ? Son de nacionalistas credibles ? coma se son agut comportats quora li a agut en Argeria la victoria electorala dau FIS e la guerra civila que s'enseguissèt ? Vaqui de questions que bessai lo filme li respondrà...Disi be(n)sai, mai podriáu dire be(n)lèu mai pas segur

  • 7
  • 24

Escriu un comentari sus aqueste article