Actualitats
Tròban de pròvas de cultura de ris en China fa 9000 ans
La cultura del ris seriá estada cultivada pels umans dempuèi una epòca plan mai anciana que non se pensava
La descobèrta es estada realizada per una còla internacionala de scientifics e es estada publicada a la revista ScientificReports. Lo cap de la còla d’arqueològs, Yunfei Zheng, de l’Institut Provincial d’Arqueologia de Hangzhou, a confirmat qu’aquesta cultura de ris chinesa se pòt situar entre las primièras de l’umanitat.
Los arqueològs an trobat de pròvas de ris dometjat a, Huxi, un luòc que fa partida de la cultura shangshan, al país de Yongkang, dins la província chinesa de Zhejiang. De mai, tanben son estats trobats d’espleches pro sofisticats coma divèrses tròces de ceramica o d’autres faches de pèira. Tanben s’i es trobat d’òsses d’animals, de carbon e de granas de plantas.
Aquestes arqueològs an pogut confirmar que lo ris trobat a Huxi es pas constituit de plantas salvatjas mas de ja dometjadas. Aquò es un fach fòrça important al nivèl arqueologic mondial pr’amor que seriá lo primièr còp que son trobadas de pròvas de culturas de plantas dometjadas e fa mai de 9000 ans, çò que seriá la data mai anciana confirmada arqueologicament fins a uèi lo jorn.
La primièra cultura umana de ris
Aital, mai del 30% del ris trobat portava los signes d’èsser de ris destinat a èsser plantat per n’aver puèi mai, çò que vòl dire qu’aqueste ris seriá doncas destinat a la consumacion umana e qu’es pas fruch de l’azard. En mai à d’aquò, lo ris trobat es de desparièras sòrtas, e aquò tanben confirmariá la cultura del ris umana mai anciana mas tanben lo sieu classament segon la sieuna destinacion.
Tot aquò confirmariá que la cultura del ris seriá estada cultivada pels umans dempuèi una epòca plan mai anciana que non se pensava. E plan mai en aqueste continent asiatic, pr’amor que fins a uèi, las descobèrtas mai ancianas de cultura umana èran estadas fachas dins la cultura natufiana de Palestina, fa 7000 ans. La fam que l’auriá patida l’umanitat après la retirada de glaç de la darrièra glaciacion seriá alavetz arribada abans e auriá provocat las primièras culturas umanas de plantas, en aqueste cas, de ris. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Los arqueològs an trobat de pròvas de ris dometjat a, Huxi, un luòc que fa partida de la cultura shangshan, al país de Yongkang, dins la província chinesa de Zhejiang. De mai, tanben son estats trobats d’espleches pro sofisticats coma divèrses tròces de ceramica o d’autres faches de pèira. Tanben s’i es trobat d’òsses d’animals, de carbon e de granas de plantas.
Aquestes arqueològs an pogut confirmar que lo ris trobat a Huxi es pas constituit de plantas salvatjas mas de ja dometjadas. Aquò es un fach fòrça important al nivèl arqueologic mondial pr’amor que seriá lo primièr còp que son trobadas de pròvas de culturas de plantas dometjadas e fa mai de 9000 ans, çò que seriá la data mai anciana confirmada arqueologicament fins a uèi lo jorn.
La primièra cultura umana de ris
Aital, mai del 30% del ris trobat portava los signes d’èsser de ris destinat a èsser plantat per n’aver puèi mai, çò que vòl dire qu’aqueste ris seriá doncas destinat a la consumacion umana e qu’es pas fruch de l’azard. En mai à d’aquò, lo ris trobat es de desparièras sòrtas, e aquò tanben confirmariá la cultura del ris umana mai anciana mas tanben lo sieu classament segon la sieuna destinacion.
Tot aquò confirmariá que la cultura del ris seriá estada cultivada pels umans dempuèi una epòca plan mai anciana que non se pensava. E plan mai en aqueste continent asiatic, pr’amor que fins a uèi, las descobèrtas mai ancianas de cultura umana èran estadas fachas dins la cultura natufiana de Palestina, fa 7000 ans. La fam que l’auriá patida l’umanitat après la retirada de glaç de la darrièra glaciacion seriá alavetz arribada abans e auriá provocat las primièras culturas umanas de plantas, en aqueste cas, de ris. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La china, breç de l'umanitat que trabalha e cultiva la terra, es l'intuicion dau preistorian occitan Pèire Telhard de Chardin que faguèt força escavacions en China e qu'après sa mort fuguèron publicadas seis obras completas dins leis annadas 1950. Vaqui ne la tiera : 1° le phénomène humain ( que li aguèt una traduccion catalana) ;2° l'apparition de l'homme 3°la vision du passé 4° le milieu divin 5° l'avenir de l'homme 6°l'énergie humaine. Dins la revista occitano-catalana de Montpelhier "vida nova" de Max Roqueta e Miquel Guinart -numero 21,22 e 23, podètz legir un estudi de Pèire Pessamessa Teilhard de Chardin remarcas d'una filosofia modèrna, de grands preistorians provençaus de vuei coma Henry de Lumley o Jean Courtin van dins la meissa draia e fan de descubèrtas a Taltaüll, a terra amata que nos mostran l'acension umil e penosa de l'umanitat e clavarai amb una citacion de Teilhard subre "la passion terrestra que es la saba de tot l'esforç uman", tot aquo ,luenh luenh dei juocs videos
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari