Actualitats
Estat espanhòl: una fèsta nacionala plan contestada
Lo 12 d’octòbre, Espanha celèbra lo jorn de l’Ispanitat, que rend omenatge a la descobèrta d’America per Cristòl Colomb en 1492
En Catalonha, que se tròba dins la darrièra linha drecha de son procès devèrs l’independéncia, i aguèt pas cap d’acte oficial de fèsta. Aperaquí 5000 espanholistas manifestèron per l’unitat d’Espanha, dont un grop reduch d’ultradrechistas que faguèron lor pròpria manifestacion. Mentretant, una manifestacion mai nombrosa mostrava lor refús del faissisme e la polícia trabalhèt per evitar los afrontaments.
La consolessa de Barcelona, Ada Colau, qu’arriba pas d'aver una posicion clara en favor de l’independéncia, manifestava son refús de la fèsta del 12 d’octòbre e de sa significacion. “Vergonha a un estat que festeja un genocidi, e mai o fa amb una desfilada militara que còsta 800 000 èuros”, çò disiá la consolessa sus Twitter amb las etiquetas “res a festejar” e “resisténcia indigèna”.
Vergüenza de estado aquel q celebra un genocidio, y encima con un desfile militar q cuesta 800mil €! #ResACelebrar#ResistenciaIndigena
— Ada Colau (@AdaColau) 12 d’octubre de 2015
Dins aquel sens se manifestèt tanben la comuna de Madrid, amb sa consolessa esquerrista, Manuela Carmena. Aquí, dimècres passat, la comuna de la capitala espanhòla penjava la wiphala, çò es lo drapèl del pòble aimara, a l’ora d’ara oficializat en Bolivia, e qu’es emplegat pertot en America coma simbòl de la resisténcia indigèna.
La Junta Municipal de Centro conmemora el 12 de octubre colocando la wipala pic.twitter.com/71kyalhFAu
— Ahora Madrid Centro (@AhoraCentro) 11 d’octubre de 2016
Revòlta dels conselhs municipals
Un quarantenat de conselhs municipals anoncièron que barrarián pas durant la fèsta del 12 d’octòbre, en trabalhant coma per un jorn obrant. Lo cas de Badalona, qu’es la tresena vila de Catalonha per sa populacion e que se situa dins la banlèga de Barcelona, es lo que mai de rambalh a generat.
La representant del govèrn espanhòl en Catalonha portèt en justícia la decision del conselh municipal, e un jutge obliguèt de barrar la comuna. Ça que la, los elegits decidiguèron de dobrir l’ostal de la comuna e d'i trabalhar, en estraçant davant las camèras de television la senténcia del jutge que los obligava de barrar. Los conselhièrs municipals foguèron acompanhats per un considerable rassemblament de solidaritat ont se trobava la deputada aranesa Mireia Boya.
Vídeo | L'Ajuntament de #Badalona obre les seves portes #obrimlajuntament#resacelebrar@SERCatalunyapic.twitter.com/YzpEe5gRIo
— CUP #resacelebrar (@cupnacional) 12 d’octubre de 2016
Ara, la justícia a dobèrt una instruccion penala contra la municipalitat de Badalona, en seguida d’una denóncia facha pel Partit Popular.
Omenatge a la Gàrdia Civila en Aran
Mentretant, en Aran se recuperèt la celebracion de Nòstra Dòna del Pilar, patrona d’Espanha e de la Gàrdia Civila e de la Pòsta. Dins aquel sens, Bossòst aculhiguèt un rassemblament d’omenatge a la Gàrdia Civila.
Un eveniment que, segon Mireia Boya, rebatiá d’imatges d’autres tempses.
Mentrestant, avui, a l'Aran, els polítics...
— Mireia Boya Busquet (@yeyaboya) 12 d’octubre de 2016
No em poseu el dit a la nafra, va. pic.twitter.com/C1b8NnD87g
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
No val la pena fer cap comentari, merda i mes merda, deia un jove que comec, per tant, això...
Visca la Terra...Lliure!
L'Ernest, "El Tàrrega".
No cresi qu' a Madrid volhan celebrar la descoberta d'America, sinon la conquesta. A mai Colom és un linatge catalan e las quaranta actas notarialas genovesas, foren fetas en temps de Mussolini lo faissista. D'entre totas elas, la que mai los serveis, diu que Colom moriguet als 55 ans, mas los documents espanhols reials diuen que moriguet als voltants dels setanta, mai o mens. Luitet a la guerra civila catalana, amb lo bàndol de la Generalitat contra lo rei Joan l de la nostra corona, e portà una nau de guerra del rei René de Provença que haguet un enfrontament amb una nau Ferrandina. Lo seu filh Ferren era historiador e diguet que son paire volia pas dire d'ont era. Cristòfol Colom diguet al final de sa vida, lo temps posarà lum perquè se sàpiga la veritat.
Per qualqu’uns espanhòls cal los mercejar per la conquista. L’empèri repàpia.
La fòto d'Aran es espantosa
Los espanhòls podon celebran una fèsta nacional se volon çò far. Mas celebrar sens ren de consciéncia la descobèrta de America coma lor fèsta nacionala es fòrça marrit. Lor responsabilitat en la mòrt de mantuns indigenas, genocida o non es, pas contestabla. I a pas de legenda negra en o remembrar. An de collons per far una desfilada militara atal que volguèsson tornarmai far aicesta conquista. Los pòbles indigenas e las nacions americanas doncas an de rasons per lor asirança d’aqueste desplec vergonhós de fòrça, que es plan fotut e fa paur. La conquista americana foguèt pas una fèsta. Solide que Espanha raubèt pro d’aur e d’argent dels indigenas e repartiguèron lor tèrras en bòrias pels conquistaires: Espanha esdeveniguèt un gran empèri per çò. Sembla coma se foguèsse 1492 autre còp, an pas de vergonha per lor despolhament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari