Actualitats
Una “Diada” de Catalonha Nòrd contra lo populisme occitanofòb
A l’ocasion de la commemoracion del Tractat dels Pirenèus, la CUP organizèt a Perpinhan un acte de revendicacion delà lo nom de la region qu’adoptava un ton conciliant amb los occitans
Dissabte passat, 5 de novembre, aguèron luòc a Perpinhan las celebracions de la “diada” de Catalonha Nòrd, que commemòra uèi, 7 de novembre, l’anniversari del Tractat dels Pirenèus, que la separèt politicament de la rèsta de Catalonha. Ongan la “diada” a agut un caractèr politic mai marcat a causa de la polemica sus la denominacion “Occitània” per la region que resulta de la fusion de las ancianas regions Lengadòc-Rosselhon e Miègjorn-Pirenèus.
Durant lo matin, la CUP (Candidatura d'Unitat Populara) organizèt un acte sus la Plaça dels Peluts entitolat “La question es lo nom? Decidiscam-o tot!” qu’adoptèt un ton conciliant amb los occitans, en volent luchar tanben contra lo populisme occitanofòb qu'an noirit las reclamacions de la part de sectors catalanistas.
L'acte comptèt amb la participacion de Gerard Joan Barceló, president d'Iniciativa per Occitània e de Mireia Boya, deputada aranesa al Parlament de Catalonha.
L'intervencion de Barceló virèt entorn de l'unitat de la nacion occitana e dels avantages e dels inconvenients de la causida del nom “Occitània”. Expausèt que lo nom de la region foguèt pas una causida del movement occitanista, e que la societat, tant la catalana coma l'occitana, poguèt pas decidir que lo nom dins una reforma territoriala autoritària e gerida unilateralament per París.
Barceló mençonèt tanben lo fach que la volontat de qualques occitanistas èra que lo nom del país sortiguèsse sus las mapas, mas ajustèt qu'aquò deviá èsser acompanhat de la creacion d'una collectivitat territoriala unica per la Catalonha Nòrd.
Mas sus l'autre costat de la balança, Barceló metèt lo fach de que la region es una part fòrça pichona d'Occitània (solament lo 37% del territòri e lo 35% de la populacion), e que provòca la division entre Lengadòc, lo territòri mai central d'Occitània, e los territòris que son demorats en defòra de las mapas.
Per conclure l'intervencion, assolidèt que cap de militant se pòt pas sentir satisfach d’aquela denominacion e que çò essencial es la gestion del territòri e de sas competéncias, en apelant a la fraternitat de las luchas catalanas e occitanas per recuperar l'identitat e la dignitat.
Puèi parlèt Mireia Boya per explicar la relacion entre la Val d'Aran e Catalonha, après l’elaboracion de l'estatut d’autonomia de 1977, en passant per las divèrsas avançadas dins l’autogovèrn (Leis d'Aran e Estatuts d'Autonomia) per tal de pervenir a detalhar los acòrdis e los desirs d’aquesta estapa de creacion de la nòva republica coma mandat popular qu'an recebut tant lo Parlament coma la Generalitat de Catalonha.
Boya expausèt lo projècte que lo prepausa la CUP, çò es una relacion bilaterala entre catalans e occitans araneses, e afortiguèt que lo desir personal sieu, qu’ela transmet a travèrs de sa preséncia dins la cambra catalana, es que lo nòu país se constituisca jos lo nom de Republica de Catalonha e Aran.
Fin finala, Boya faguèt una crida a l'onestetat e a la bona volontat del movement catalan de l'esquèrra independentista, en ensajant de conciliar las sensibilitats catalanas e occitanas en un moment de tensions a causa de la question del nom de la region, en daissant de costat los "discorses populistas" de qualques sectors catalanistas situats sus “la drecha reaccionària", en una clara allusion a las atacs occitanofòbas de Convergéncia Democratica de Catalonha Nòrd e de son partit successor, Oui au Pays Catalan [Òc al País Catalan], fondat lo 15 d'octòbre passat.
De legir l’opinion de Marta Serra sus Vilaweb: «Occitània no és l'enemic, però alguns l'han triat com a tal. Perquè és fàcil, desconegut i fràgil.»
Durant lo matin, la CUP (Candidatura d'Unitat Populara) organizèt un acte sus la Plaça dels Peluts entitolat “La question es lo nom? Decidiscam-o tot!” qu’adoptèt un ton conciliant amb los occitans, en volent luchar tanben contra lo populisme occitanofòb qu'an noirit las reclamacions de la part de sectors catalanistas.
L'acte comptèt amb la participacion de Gerard Joan Barceló, president d'Iniciativa per Occitània e de Mireia Boya, deputada aranesa al Parlament de Catalonha.
L'intervencion de Barceló virèt entorn de l'unitat de la nacion occitana e dels avantages e dels inconvenients de la causida del nom “Occitània”. Expausèt que lo nom de la region foguèt pas una causida del movement occitanista, e que la societat, tant la catalana coma l'occitana, poguèt pas decidir que lo nom dins una reforma territoriala autoritària e gerida unilateralament per París.
Barceló mençonèt tanben lo fach que la volontat de qualques occitanistas èra que lo nom del país sortiguèsse sus las mapas, mas ajustèt qu'aquò deviá èsser acompanhat de la creacion d'una collectivitat territoriala unica per la Catalonha Nòrd.
Mas sus l'autre costat de la balança, Barceló metèt lo fach de que la region es una part fòrça pichona d'Occitània (solament lo 37% del territòri e lo 35% de la populacion), e que provòca la division entre Lengadòc, lo territòri mai central d'Occitània, e los territòris que son demorats en defòra de las mapas.
Per conclure l'intervencion, assolidèt que cap de militant se pòt pas sentir satisfach d’aquela denominacion e que çò essencial es la gestion del territòri e de sas competéncias, en apelant a la fraternitat de las luchas catalanas e occitanas per recuperar l'identitat e la dignitat.
Puèi parlèt Mireia Boya per explicar la relacion entre la Val d'Aran e Catalonha, après l’elaboracion de l'estatut d’autonomia de 1977, en passant per las divèrsas avançadas dins l’autogovèrn (Leis d'Aran e Estatuts d'Autonomia) per tal de pervenir a detalhar los acòrdis e los desirs d’aquesta estapa de creacion de la nòva republica coma mandat popular qu'an recebut tant lo Parlament coma la Generalitat de Catalonha.
Boya expausèt lo projècte que lo prepausa la CUP, çò es una relacion bilaterala entre catalans e occitans araneses, e afortiguèt que lo desir personal sieu, qu’ela transmet a travèrs de sa preséncia dins la cambra catalana, es que lo nòu país se constituisca jos lo nom de Republica de Catalonha e Aran.
Fin finala, Boya faguèt una crida a l'onestetat e a la bona volontat del movement catalan de l'esquèrra independentista, en ensajant de conciliar las sensibilitats catalanas e occitanas en un moment de tensions a causa de la question del nom de la region, en daissant de costat los "discorses populistas" de qualques sectors catalanistas situats sus “la drecha reaccionària", en una clara allusion a las atacs occitanofòbas de Convergéncia Democratica de Catalonha Nòrd e de son partit successor, Oui au Pays Catalan [Òc al País Catalan], fondat lo 15 d'octòbre passat.
De legir l’opinion de Marta Serra sus Vilaweb: «Occitània no és l'enemic, però alguns l'han triat com a tal. Perquè és fàcil, desconegut i fràgil.»
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#16 Çò que disses es una messorga. Pòdi citar un fum d'especialistas en Filologia Romanica que ne dison lo contrari. Benlèu cresi qu'as escrich una afirmacion, sense cap fundament filologic, en responsa (mai que mai contestacion) a una afirmacion qu'es pas mieuna: la unitat scientifica del catalan. "Eppur si muove".
#15
la romanistica internacional aclarix que el català és un dialecte de l'occità.
La unitat scientifica de la lenga catalana es pas mesa en question dins la Romanistica. En Perpinyà, Lleida, Maó, L'Alguer e Castelló se parla, coma própria, la mateissa lenga: lo catalan.
Lo problèma dels Països Catalans es pas Occitània. Lo problèma d'Occitània es pas los Països Catalans. Los problèmas d'Occitània e de los Països Catalans son la trinitat jacobina: Espanha, França e Itàlia.
#8
el franquisme li va fer molt de mal al nostre valencià
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari