Bandièra01 1180x150: Comuna de Tolosa

Actualitats

Occitània es un país atractiu pels estudiants de l’Estat francés

| Laurent Jégou

Lo magazine L’étudiant publiquèt lo palmarés de las vilas ont fa bon estudiar en França. Las metropòlis occitanas son plan plaçadas e amb al cap de lista Tolosa dins una mèscla dels critèris causits pel magazine estudiantin.


Cal notar tanben que, totjorn segon aquel classament, sus las dètz metropòlis primièras, la mitat son de metropòlis occitanas: la ja dicha Tolosa (1a) e tanben Montpelhièr (3a), Marselha-Ais (4a), Bordèu (5a), Niça (9a).
 
Se pòt notar mai presisament Marselha-Ais (5a) dins lo domèni cultural; Limòtges la primièra que lo lotjament es mai aisit; Montpelhièr en tèsta per las sortidas; Tolosa (3a) e Marselha-Ais (5a) an un bon rai internacional; Pau (3a) e Bordèu (4a) son distinguidas per l’evironament; dins las mai esportivas se trapa Avinhon (2a).
 
Son plan organizadas al nivèl des transpòrts Tolosa (1a); Bordèu (3a); Marselha-Ais e Niça (5a); e fin finala per l’emplec seguent Tolosa (1a).
 
Lo nòstre país es doncas plan atractiu pels estudiants de França mas lo motiu principal per mudar cap a una region alunhada, segon la meteissa enquèsta, es lo camp d’estudi causit, la cerca de racina es pas una rason primièra mas compta, pasmens pas tant que l’amor qu’es lo segon motiu de mudança. Òsca que se trapa l’amor dins lo (e del) país nòstre!
 
 
 
 
Eric Massol

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Julien Marsilha
2.

"Son plan organizadas al nivèl des transpòrts [...] Marselha-Ais"

Moahahah !
Molon De Rire :D

  • 0
  • 0
Pirolet
1.

Se acaban afilhats al Med'òc, benvenguts!

  • 3
  • 0

Escriu un comentari sus aqueste article