Actualitats
Après la victòria de Trump, lo “vai-te’n cagar” general arriba en Euròpa
Totjorn desorientada pel Brexit, Euròpa s’afronta a d’eleccions venentas que pòdon far espelir los partits xenofòbs e populistas
“The times they are a-changin” çò canta Bob Dylan e çò meteis nos contan los jornals d’Euròpa aprèp la gola de plastre de las eleccions als Estats Units. La Repubblica, La Vanguardia, El País, The Washington Post... contan que la primièra felicitacion recebuda per Donald Trump del mond politic europèu foguèt la de Marine Le Pen, felicitacion a Trump e al pòble american “liure”.
La premsa nos avertís de tot çò qu’arriba.
França: Le Pen passa davant François Hollande dins los sondatges
Es una possibilitat plan reala que Le Pen siá un jorn presidenta de França. Le Pen passa davant dins tots los grops d’atge, exceptat las personas de pus de 65 ans. Saique benlèu serà un jorn de 2017, las eleccions son a la prima.
Olanda: match nul
Lo Partit de la Libertat (Partij voor de Vrijheid, PVV), partit populista, xenofòb antiislam, liberal, d’extrèma drecha, a recebut lo sosten del Front Nacional de Marine Le Pen. Son lidèr, Geert Wilders, adaptèt lo 26-04-2016 la divisa del Brexit: “Make The Netherlands Great Again!” Lo PVV vòl un referendum per far sortir Olanda de l’UE, coma lo Reialme Unit. Veirem ben lo 15 de març. Los sondatges veson un match nul amb los conservators liberals del Partit Popular per la Libertat e la Democracia (Volkspartij voor Vrijheid en Democratie, VVD)
Àustria deu tornar far las eleccions lo 4 de desembre
Lo partit de la Libertat d’Àustria (FPÖ, Freiheitliche Partei Österreichs) pòt passar davant los ecosocialistas dels Verds (Die Grünen). Las eleccions del 22 de mai foguèron contestadas per d’irregularitats dins lo comptatge dels vòtes. Ecosocialisme o extrèma drecha? I a pas de plaça al mitan. Dins tres setmanas tot austrian se deurà polarizar. Las eleccions contestadas las ganhèron Los Verds per aperaquí 30 000 vòtes.
Itàlia, 4 de desembre tanben
I a pas d’eleccions previstas per aquel jorn, mas i a un referendum, lo referendum de la reforma constitucionala. S’aquela reforma obten pas lo sosten dels ciutadans italians aquela nuèch i aurà l’anonci de la renóncia del primer ministre Matteo Renzi. Perqué seriá necessària aquela reforma? Vaicí un exemple: Donald Trump entamenarà lo 58n govèrn dels Estats Units, lo primièr govèrn es de 1789; semblariá doncas que la jove republica italiana es mai vièlha. La Republica Italiana a conegut 63 govèrns dempuèi sa naissença en 1947. E cap de govèrn es pas arribat a la fin de la legislatura.
La Liga del Nòrd foguèt lo sol partit politic a prene partit per Trump, Matteo Salvini, secretari general de la Liga del Nòrd, rescontrèt Donald Trump en abril de 2016. Totun, los sondatges anóncian que Beppe Grillo podriá ganhar d’ipoteticas eleccions aprèp la desfacha del referendum.
En Alemanha
En Alemanha los eurosceptics de drecha populista, antiimmigracion, antièuro... de l’Alternativa per Alemanha (Alternative für Deutschland, AfD), arrèstan pas de montar dins los sondatges.
“O Farem tot petar”
Als Estats Units a ganhat Donald Trump.
Avèm vist las donadas. Es lo moment de nos pausar las questions corrèctas.
E serián de colhons los 60 072 551 votants de Donald Trump?
E serián de faissistas los 6 820 477 votants de Marine Le Pen al segond torn de las passadas eleccions regionalas?
E serián de neonazis la màger part dels austrians que vòtan per lo FPÖ?
Los joves sens formacion, los caumaires, los paures, los paures qu’an pas d’espèr rasonable de quitar d’èsser paures, los que vertadièrament vivon e patisson l’emigracion... son los que vòtan per Trump/FPÖ/PVV/C’s/Front Nacional...
Son lo proletariat autentic. Son los que votèron pel Brexit. Son los que benlèu votaràn pel Nexit, son los que benlèu un jorn votaràn pel Frexit.
Lo proletariat emmaliciat vòta pas exactament pel liberalisme, pel sobeiranisme... Vòta per l’“O farem tot petar”.
Òc, lo proletariat, estatisticament, vòta drecha populista. Perqué deuriá votar socialista se los partits socialistas los an negligits, los an daissats tombar?
Es un partit socialista, lo Parti Socialiste? Es un partit socialista, lo Partido Socialista Obrero Español? Ieu, personalament, coneissi pas degun que los vòte amb estrambòrd. Coneguèri de nècis, mas moriguèron de vielhum i a longtemps. E coneissi tròp de socialistas que sa carta del partit fa signe de sa carrièra professionala e pro.
Mateo Salvini, secretari de la Liga del Nòrd, ne tirèt de conclusions pro coerentas. Odiguèt sus las ondas de Radio Padania Libera: “S’agís d’un carpan a la mondializacion” (...) es la venjança de las persones, del coratge, de la fiertat, dels afars dels trabalh e de la seguretat, a la cara dels banquièrs, dels especulators, dels cantadors, jornalistas e enquestaires”.
Òc, pensi que los americans an votat lo miliardari per “fotre un carpan a tot”.
Benlèu caldriá que los partits comencèsson de far de politica. Benlèu caldriá que comencèsson pas a pensar mas a agir pels negligits del sistèma. Amb l’empatia pel paure ara n’i a pas pro.
Vòli veire çò que faràn los del Movement de las Cinc Estelas. Los votèron 5 807 362 personas en 2014 (lo 21,2% dels vòtes) per las eleccions al Parlament Europèu. Ai pas comprés lor ligam amb lo Partit per l’Independéncia del Reialme Unit al Parlament Europèu. Devon aver lors rasons.
Se pòt qu’Itàlia venga un espèr pels movements socials d’Euròpa.
Lo Movement de las Cinc Estelas, se capita plan a las eleccions previsibles, fariá ben de se pausar abans tot la question corrècta.
E son los italians e-democratas, anticorrupcion, ambientalistas, eurosceptics, antipartitocracistas, decreissentistas...?
Òc, la responsa es «non». Los italians auràn votat “O farem tot petar”.
Que pete dins lo bon sens, se vos plai.
Manèl Zabala
La premsa nos avertís de tot çò qu’arriba.
França: Le Pen passa davant François Hollande dins los sondatges
Es una possibilitat plan reala que Le Pen siá un jorn presidenta de França. Le Pen passa davant dins tots los grops d’atge, exceptat las personas de pus de 65 ans. Saique benlèu serà un jorn de 2017, las eleccions son a la prima.
Olanda: match nul
Lo Partit de la Libertat (Partij voor de Vrijheid, PVV), partit populista, xenofòb antiislam, liberal, d’extrèma drecha, a recebut lo sosten del Front Nacional de Marine Le Pen. Son lidèr, Geert Wilders, adaptèt lo 26-04-2016 la divisa del Brexit: “Make The Netherlands Great Again!” Lo PVV vòl un referendum per far sortir Olanda de l’UE, coma lo Reialme Unit. Veirem ben lo 15 de març. Los sondatges veson un match nul amb los conservators liberals del Partit Popular per la Libertat e la Democracia (Volkspartij voor Vrijheid en Democratie, VVD)
Àustria deu tornar far las eleccions lo 4 de desembre
Lo partit de la Libertat d’Àustria (FPÖ, Freiheitliche Partei Österreichs) pòt passar davant los ecosocialistas dels Verds (Die Grünen). Las eleccions del 22 de mai foguèron contestadas per d’irregularitats dins lo comptatge dels vòtes. Ecosocialisme o extrèma drecha? I a pas de plaça al mitan. Dins tres setmanas tot austrian se deurà polarizar. Las eleccions contestadas las ganhèron Los Verds per aperaquí 30 000 vòtes.
Itàlia, 4 de desembre tanben
I a pas d’eleccions previstas per aquel jorn, mas i a un referendum, lo referendum de la reforma constitucionala. S’aquela reforma obten pas lo sosten dels ciutadans italians aquela nuèch i aurà l’anonci de la renóncia del primer ministre Matteo Renzi. Perqué seriá necessària aquela reforma? Vaicí un exemple: Donald Trump entamenarà lo 58n govèrn dels Estats Units, lo primièr govèrn es de 1789; semblariá doncas que la jove republica italiana es mai vièlha. La Republica Italiana a conegut 63 govèrns dempuèi sa naissença en 1947. E cap de govèrn es pas arribat a la fin de la legislatura.
La Liga del Nòrd foguèt lo sol partit politic a prene partit per Trump, Matteo Salvini, secretari general de la Liga del Nòrd, rescontrèt Donald Trump en abril de 2016. Totun, los sondatges anóncian que Beppe Grillo podriá ganhar d’ipoteticas eleccions aprèp la desfacha del referendum.
En Alemanha
En Alemanha los eurosceptics de drecha populista, antiimmigracion, antièuro... de l’Alternativa per Alemanha (Alternative für Deutschland, AfD), arrèstan pas de montar dins los sondatges.
“O Farem tot petar”
Als Estats Units a ganhat Donald Trump.
Avèm vist las donadas. Es lo moment de nos pausar las questions corrèctas.
E serián de colhons los 60 072 551 votants de Donald Trump?
E serián de faissistas los 6 820 477 votants de Marine Le Pen al segond torn de las passadas eleccions regionalas?
E serián de neonazis la màger part dels austrians que vòtan per lo FPÖ?
Los joves sens formacion, los caumaires, los paures, los paures qu’an pas d’espèr rasonable de quitar d’èsser paures, los que vertadièrament vivon e patisson l’emigracion... son los que vòtan per Trump/FPÖ/PVV/C’s/Front Nacional...
Son lo proletariat autentic. Son los que votèron pel Brexit. Son los que benlèu votaràn pel Nexit, son los que benlèu un jorn votaràn pel Frexit.
Lo proletariat emmaliciat vòta pas exactament pel liberalisme, pel sobeiranisme... Vòta per l’“O farem tot petar”.
Òc, lo proletariat, estatisticament, vòta drecha populista. Perqué deuriá votar socialista se los partits socialistas los an negligits, los an daissats tombar?
Es un partit socialista, lo Parti Socialiste? Es un partit socialista, lo Partido Socialista Obrero Español? Ieu, personalament, coneissi pas degun que los vòte amb estrambòrd. Coneguèri de nècis, mas moriguèron de vielhum i a longtemps. E coneissi tròp de socialistas que sa carta del partit fa signe de sa carrièra professionala e pro.
Mateo Salvini, secretari de la Liga del Nòrd, ne tirèt de conclusions pro coerentas. Odiguèt sus las ondas de Radio Padania Libera: “S’agís d’un carpan a la mondializacion” (...) es la venjança de las persones, del coratge, de la fiertat, dels afars dels trabalh e de la seguretat, a la cara dels banquièrs, dels especulators, dels cantadors, jornalistas e enquestaires”.
Òc, pensi que los americans an votat lo miliardari per “fotre un carpan a tot”.
Benlèu caldriá que los partits comencèsson de far de politica. Benlèu caldriá que comencèsson pas a pensar mas a agir pels negligits del sistèma. Amb l’empatia pel paure ara n’i a pas pro.
Vòli veire çò que faràn los del Movement de las Cinc Estelas. Los votèron 5 807 362 personas en 2014 (lo 21,2% dels vòtes) per las eleccions al Parlament Europèu. Ai pas comprés lor ligam amb lo Partit per l’Independéncia del Reialme Unit al Parlament Europèu. Devon aver lors rasons.
Se pòt qu’Itàlia venga un espèr pels movements socials d’Euròpa.
Lo Movement de las Cinc Estelas, se capita plan a las eleccions previsibles, fariá ben de se pausar abans tot la question corrècta.
E son los italians e-democratas, anticorrupcion, ambientalistas, eurosceptics, antipartitocracistas, decreissentistas...?
Òc, la responsa es «non». Los italians auràn votat “O farem tot petar”.
Que pete dins lo bon sens, se vos plai.
Manèl Zabala
Un vaffanculo generale
“La libertat perd uèi e ganha lo proteccionisme; fin finala lo populisme, que siá d'esquèrra o de drecha, convergís”. Albert Rivera, president de Ciutadans. Partit del Ciutadanatge. Partit de drecha liberala, laïca, jacobina populista. Membre de l'Aliança dels Liberals e dels Democratas per Euròpa. Se compren que per Rivera los populistas son los autres. “Fòl. Aquò's la deflagracion d'una epòca. Es l'apocalipsi de l'informacion, de la television, dels grands jornals, dels intellectuals, dels jornalistas. Aquò es un «vai-te’n cagar» general. Trump faguèt un V day [jorn dela victòria] fòl. E lo mond es ja cambiat e cal interpretar aqueles senhals. E los que trabalhan e prenon de sòus per interpretar aqueles senhals son ja mòrts”. Beppe Grillo, ideològ del Movement de las cinc estelas. Partit e-democrata, anticorrupcion, ambientalista, eurosceptic, antipartitocracista, decreissentista, populista. Membre del Grop de la Libertat e de la Democracia Dirècta.
Marine Le Pen, presidenta del Front Nacional. Partit nacionalista francés xenofòb d'extrèma drecha, e sobeiranista, antimondialista, eurosceptic, antiimmigracion, populista. Membre de l'Aliança Europèa per la Libertat.
Los estatsunidencs vòlon de Donald Trump que siá lo “president de son pòble”. Uèi los Estats Units, deman França. Òsca!”. Jean Marie Le Pen, fondador del Front Nacional. | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#14 si el poble vol Pedro sanchez i a sanders per que no los ha votat? i el problema no es que les persones vulguin tot el problema es que ho demanen a l´estat com si aquest fos un déu en comptes de esforçar-se i traballar.
Los medias europeus e dels estats units estan al servei del capital que paga sos diaris,televisions,e periodistas, lo que defend és que lo poble sia docil e sumís a las sevas ordes, que no es possible voler-ho tot. Què volets a Gusana Diaz o a Rajoi, diu l'IBS (banquers e grans empresas) . Què volets a Clinton o a Tram diu l'establishment ? Mas non, lo poble sap lo que vol: a Pedro Sanchez, a Sanders. Aquestes son los límits que marca a la democràcia lo capitalisme.
#4 N'i a pro que lo pòple se laisse pensar chasca fes per un endividú e son ideologia, que se laisse gerir per un centre-embonilh ! Desrevelhem-nos a la fin !
Davalessiam per carrièiras lo jorn de las eleccions los 44 milhons de votaires en França, puslèu que de s'acorsar a las urnas !
Completament d'acòrdi emb de la conclusion de Monsur Guilhem Thomas. I faudrà venir ! Òi !
Comentari que fariá bòn desvolopar en article !
Se lo PS e lo PSOE se semblan al Democratic Party estatsunidenc son pas socialistas levat de nom.
#9 El que me molesta és el fet que els " autòctons " que no respecten la llei i voten per politics " autòctons " corruptes i xenòfobs . Els delictes no són una especialitat dels estrangers. Ja en tinc prou amb la trumpització !!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari