Actualitats
Besièrs: lo CIRDÒC celebrarà dimars que ven los Dreches de l’Enfant amb la Liga dels Dreches de l’Òme
Dins l’acte se descobrirà l’aficha realizada en occitan e en francés, gràcias a la participacion de mai de cinquanta escolans occitanofòns
A l’ocasion de la Jornada Internacionala dels Dreches de l’Enfant, lo CIRDÒC e la seccion de Besièrs de la Liga dels Dreches de l’Òme celebraràn dimars 22 de novembre de tantòst un acte commemoratiu sus la Plaça del 14 de Julhet a Besièrs.
A 16h se descobrirà l’aficha “Convencion Internacionala dels Dreches de l’Enfant”, realizada en occitan e en francés, gràcias a la participacion de mai de cinquanta escolans occitanofòns de las escòlas Calandreta e dels cursus bilingües de l’ensenhament public. Puèi se tendrà un moment d’escambis amb la Liga dels Dreches de l’Òme, la Confederacion Calandreta e lo CIRDÒC, a l’entorn dels dreches de l’enfant.
Ongan, lo CIRDÒC e la seccion besierenca de la Liga dels Dreches de l’Òme an trabalhat amassa per prepausar als escolans lo projècte nomenat “Dessenha-me los dreits de l’enfant”, a l’origina de la creacion de l’aficha. La tòca del projècte es de far conéisser als principals interessats de dreches per l’ora sovent desconeguts e favorizar, per un projècte pedagogic que mescla arts plasticas e trabalh lingüistic, una reflexion en classa a l'entorn d'aquelas questions.
Per mai d'entresenhas, podètz escriure a s.juan@cird... o telefonar al +33(0) 4 67 11 85 10.
Calandreta planh que França refuse un drech
Calandreta denóncia que l’estat francés aja ratificada la Convencion dels Dreches de l’Enfant amb una resèrva sus l’article 30, que tòca los dreches lingüistics, a causa de l’article 2 de la Constitucion. Per aquela rason, la federacion de las escòlas laïcas immersivas en occitan demanda la fin del refús del article 30 de la Convencion “per donar als dròlles de nòstre país lo drech de viure lor lenga e lor cultura”. En mai d’aquò, Calandreta demanda a las escòlas e federacions de far de delegacions al près dels representants locals del Defensor dels dreches e de se mobilizar per far conéisser “aquela situacion unica ont se trapan los enfants de França a respècte de la diversitat lingüistica e culturala”.
Adoptada per l’ÒNU lo 20 de novembre de 1989
La Convencion suls Dreches de l’Enfant es un instrument internacional qu’establís los dreches civils, politics, economics, socials e culturals dels enfants. Foguèt adoptada per l’Assemblada Generala de las Nacions Unidas lo 20 de novembre del 1989 e intrèt en vigor lo 2 de setembre de 1990 après que l’aguèron ratificada 78 estats membres. La Convencion compta 54 articles e dos protocòls addicionals, un sus la participacion dels mainats a de conflictes armats e un autre sus la venda e la prostitucion d’enfants e sus la pornografia infantila.
Aquela iniciativa constituís una de las reüssidas mai importantas dins la reconeissença e l’afirmacion dels dreches umans. La Convencion suls Dreches de l’Enfant es un dels tractats mai ratificats del Mond; segon l’UNICÈF, es estat ratificat per 193 estats e per gaireben totes los membres de las Nacions Unidas. La Convencion se centra sus l’enfança, fa referéncia als besonhs e dreches especifics dels mainats e obliga los estats d’obrar per lors melhors interèsses.
A 16h se descobrirà l’aficha “Convencion Internacionala dels Dreches de l’Enfant”, realizada en occitan e en francés, gràcias a la participacion de mai de cinquanta escolans occitanofòns de las escòlas Calandreta e dels cursus bilingües de l’ensenhament public. Puèi se tendrà un moment d’escambis amb la Liga dels Dreches de l’Òme, la Confederacion Calandreta e lo CIRDÒC, a l’entorn dels dreches de l’enfant.
Ongan, lo CIRDÒC e la seccion besierenca de la Liga dels Dreches de l’Òme an trabalhat amassa per prepausar als escolans lo projècte nomenat “Dessenha-me los dreits de l’enfant”, a l’origina de la creacion de l’aficha. La tòca del projècte es de far conéisser als principals interessats de dreches per l’ora sovent desconeguts e favorizar, per un projècte pedagogic que mescla arts plasticas e trabalh lingüistic, una reflexion en classa a l'entorn d'aquelas questions.
Per mai d'entresenhas, podètz escriure a s.juan@cird... o telefonar al +33(0) 4 67 11 85 10.
Calandreta planh que França refuse un drech
Calandreta denóncia que l’estat francés aja ratificada la Convencion dels Dreches de l’Enfant amb una resèrva sus l’article 30, que tòca los dreches lingüistics, a causa de l’article 2 de la Constitucion. Per aquela rason, la federacion de las escòlas laïcas immersivas en occitan demanda la fin del refús del article 30 de la Convencion “per donar als dròlles de nòstre país lo drech de viure lor lenga e lor cultura”. En mai d’aquò, Calandreta demanda a las escòlas e federacions de far de delegacions al près dels representants locals del Defensor dels dreches e de se mobilizar per far conéisser “aquela situacion unica ont se trapan los enfants de França a respècte de la diversitat lingüistica e culturala”.
Adoptada per l’ÒNU lo 20 de novembre de 1989
La Convencion suls Dreches de l’Enfant es un instrument internacional qu’establís los dreches civils, politics, economics, socials e culturals dels enfants. Foguèt adoptada per l’Assemblada Generala de las Nacions Unidas lo 20 de novembre del 1989 e intrèt en vigor lo 2 de setembre de 1990 après que l’aguèron ratificada 78 estats membres. La Convencion compta 54 articles e dos protocòls addicionals, un sus la participacion dels mainats a de conflictes armats e un autre sus la venda e la prostitucion d’enfants e sus la pornografia infantila.
Aquela iniciativa constituís una de las reüssidas mai importantas dins la reconeissença e l’afirmacion dels dreches umans. La Convencion suls Dreches de l’Enfant es un dels tractats mai ratificats del Mond; segon l’UNICÈF, es estat ratificat per 193 estats e per gaireben totes los membres de las Nacions Unidas. La Convencion se centra sus l’enfança, fa referéncia als besonhs e dreches especifics dels mainats e obliga los estats d’obrar per lors melhors interèsses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 français, langue de la république : 1992 dans la constitution
Pichona precision:
En 1989 n'i avèva pas enqüèra l'article 2 de la constitucion suu "francés lenga de la Republica", votat mèi tard, en 1999.
La rason donada en 1989 èra que en França es UN SOL pòble shens cap de minoritats, pr'amor que lo ligam entre los francés es non pas com los autes pòbles una lenga, una istòria, o una religion, etc... mès " los drets de l'Òme e deu Ciutadan "de la Revolucion de 1789, jurats lo 14 de julhet de 1790 per la Hèsta de La Federacion, fondadora de la Nacion navèra : pas mèi de "subjèctes" d'un rei de França per dret de conquista o d'eritatge, tots son volontaris per estar "francés" ( es a díser ciutadans d'un Estat on los drets deu "ciutadan" son reconeishuts, au contrari de las autas monarquias absolutistas d'Euròpa) . Es çò que commemòra la Hesta Nacionala deu 14 de julhet.
Se sabèva pas enqûèra la seguida : la mesclanha de significacion entre "francés" e "franchiman" , per los jacobins , e los governs de tota mena...
França ha signat los dreches per far drolles chovins que pensin pas amb las libertats de las nacions occitana, catala, corsa, bretona, basca,alsaciana,...Solament pensin amb lo centralisme de Pariiiiiiiiiiiiiiiiiis vai ten a cagar.
Sur internet a circulat de las fotòs ente l'òm fasia dire a un nenet de la morala, veire de las revendicacions de tipe sindicaliste. Mas los dreits daus efants es pas aquò. Es un dreit de relacion; relacion entre los parents e l'enfant, relacion entre la scolaritat e l'enfant, relacion entre la societat e l'enfant. E la relacion quò es lo repect : lo respect dau biais de viure, dau biais de pensar, dau biais d'aimar, lo respect d'envisagear sa vita au travers de l'autre. Es necessari de se respectat se-mesme avant de poder respectar l'autre.
Que pensar de la societat e daus estats nacionaus o internacionaus que disan de respectar lo dreit de chacun e de l'autre que toleran de las multinacionaus o mesme daus parents que bafoan los dreits de chacun? Quò es pas un model plan bon.
Que pensar daus parents que n'an pus consciença de la responsabilitat de parents; Los efants an daus dreits e ben que se desbrolhan tot sol. La Janilha a 36ans e doas drollas entre 5 e 10ans. Era dins la seconda partida de la trentena ente l'òm pren consciença de la crisa de la trentena. L'òm fai attencion a la prumiera rida; las drollas grandissan; van devenir de las rivalas per la Janilha que se sent deja vielha,;
Que pensatz de me qu'ai 68ans e que dissei a la Janilha " " tas dròllas son belas aura! Me, quand serai petit me farai calinar per lòr maman". Quand l'òm ven vielh l'òm dich pas per ren que lèòm tòrna tombar en enfança. L'òm a totjorn besonh de tornar trobar l'enfant interior qu'es en nos e qu'an estat brimat per una educacion stricta ente i a de las nòrmas a respectar, daus objectius a attendre, de las competicions ... L'òm deven crispats, stressats, ors en devenant vielh. Quò es pas nòstre estat normal. Nòstre enfant interior es totjorn demorat enfant; a totjorn envejant de jugar, rire. A besonh d'amor incondicionau perque l'amor uman es jamai sens condicion ; i a totjorn de las paurs, de la culpabilitat, daus intérêts differents dins la relacion. L'amor incondicionau vos ama tal que setz. Vos ditz que setz mervelhos per viure sus aquela terra.
Pus jamai de dreit de qui que sia sens dreit de la relacion!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari