Actualitats
Claudi Alranq es lo pairin de la promocion 2016-2017 d’ensenhaires de las Calandretas
La “batejada” d’aquela promocion se tenguèt lo 13 de decembre passat a Pesenàs
L’establiment Aprene, que forma los ensenhaires de las Calandretas, organizèt lo 13 de decembre passat la “batejada” de la promocion d’aprenents de 2016-2017 a Pesenàs (Besierés).
Ongan, los batejats son 13 e causiguèron Claudi Alranq coma pairin. Abitant de Pesenàs, Alranq es plan conegut dins la vila e endacòm mai per sas recèrcas sul teatre d’òc e sul patrimòni cultural immaterial, per sas creacions teatralas e d’eveniments, tant coma per sas performanças artisticas en tant que meteire en scèna, comedian, contaire e defensor de la lenga e de la cultura occitanas.
Lo principi de la “batejada” es, pels futurs ensenhaires de las Calandretas, de demandar a una personalitat de l’encastre de la lenga o la cultura occitanas de li manlevar son nom. Se lo pairin accèpta, es atal que se nomenarà la nòva promocion de futurs regents. Al moment de l’eveniment, los estudiants presentan lor demanda dins una mesa en scèna.
En pèça joncha podètz trobar lo jornal de la còla amb d’explicas e de comentaris d’aquela serada.
Ongan, los batejats son 13 e causiguèron Claudi Alranq coma pairin. Abitant de Pesenàs, Alranq es plan conegut dins la vila e endacòm mai per sas recèrcas sul teatre d’òc e sul patrimòni cultural immaterial, per sas creacions teatralas e d’eveniments, tant coma per sas performanças artisticas en tant que meteire en scèna, comedian, contaire e defensor de la lenga e de la cultura occitanas.
Lo principi de la “batejada” es, pels futurs ensenhaires de las Calandretas, de demandar a una personalitat de l’encastre de la lenga o la cultura occitanas de li manlevar son nom. Se lo pairin accèpta, es atal que se nomenarà la nòva promocion de futurs regents. Al moment de l’eveniment, los estudiants presentan lor demanda dins una mesa en scèna.
En pèça joncha podètz trobar lo jornal de la còla amb d’explicas e de comentaris d’aquela serada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una bona causida!
Per veire se los calandrins se boton a enauçar lo teatre d'òc!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari