Bandièra01 1180x150: Comuna de Tolosa

Actualitats

Letra del rei d’Espanha contra l’independéncia de Catalonha

Lo rei d'Espanha, Joan-Carles I de Borbon (drecha) e lo sieu filh e successor, Felip de Borbon (esquèrra)
Lo rei d'Espanha, Joan-Carles I de Borbon (drecha) e lo sieu filh e successor, Felip de Borbon (esquèrra) | Jaume d'Urgell

Lo monarca apèla a las “valors que brilhèron pendent la transicion”. Lo govèrn catalan respond que s’i sentís pas identificat: “Dempuèi fòrça temps, en Catalonha, se prepausa de proposicions e de solucions qu’en cap de cas son de quimèras”, çò diguèt lo pòrtaparaula del govèrn catatan, Francesc Homs.


Dimars passat se publiquèt una letra del rei espanhòl Joan-Carles I de Borbon ont fa un apèl a l’unitat dels espanhòls. Just una setmana après l’istorica manifestacion independentista a Barcelona, aquela letra dobèrta del rei afirma que las dificultats se superaràn solament se los espanhòls agisson “amassa e en remar a l’encòp”. Borbon apèla “a las valors que brilhèron pendent la transicion democratica” e apond que dins las circonstàncias actualas, “dividir de fòrças e perseguir de quimèras” seriá pièger.
 
Coma o explican de fonts del burèu del rei a l’agéncia Europa Press, lo messatge es estat una iniciativa del rei Joan-Carles, e mai se consultèt lo president del govèrn espanhòl, Mariano Rajoy, qu’aprovèt l’iniciativa.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèire I d'Aragon, de Catalonha e d'Occitània Barcelona e Zaragoza e Tolosa
3.

La quimèra es de crèire qu'unes pòbles serián faits per remar, mentre d'autres serián faits per se far transportar, mercés a las remadas dels primièrs…Juan-Carles es rei des Castelhans, mas los Catalans son republicans.

  • 2
  • 0
Escareasc L'Escarèa
2.

Ua autra posicion de la siu part seria estacha estonanta... Mas li catalans an respondut.

  • 4
  • 0
Pirolet
1.

Sembla que, entre que de tant secutar las ninfas la Reina li fa lo morre e que lo gendre s'es enfangat fins al còl dins d'afars mai que dobtoses, aquel òme ensaja de tornar trapar una credibilitat mas fa pas que desparlar. Se pòt afanar, digús o crei pas pus fòra los profitaires. Cada còp se veson mai de drapèus republicans dins las manifestacions. Sabi pas se Santiago Carrillo (RIP) diriá encara aquò de "Siái pas reialista mas sonque juancarlista".

  • 6
  • 0

Escriu un comentari sus aqueste article