Bandièra01 1180x150: Comuna de Tolosa

Actualitats

Dictaia interregionala occitana au Collègio Vento 2017

Dins l’encastre d’a 20a edician d’a Dictaia interregionala Occitana, u professors interessats prepausan aquesta setmana a u ses scolaros d’e acadèmie concernie per l’ensenhament d’a lenga occitana (Niça, Ais-Marselha, Montpelhier, Tolosa, Bordèu, Lemòtges

L. Revèst, professor d’occitan mentonasc a mes en valor o cors de Lenga d’Òc au collègio Vento e l’occitan dau país mentonasc per a mesma ocasian en prepausar a la classa de 5a + 3a (ensenhament de complement, apelat avansh «opcian»), de participar a aquel eveniment dijòus passat.
 
O responsable dau Centre Cultural Occitan País Nissart e Alpenc —egalament professor d’occitan niçard dintre o stabliment Sasserno a Niça—, Cristòu Daurore, a fach o despiaçament per explicar l’originalitat d’aquesta dictaia interregionala, realizaia despui 20 anes dintre tot o spaci occitan dau Piemont occitan en Itàlia fins a l’endrech que l’occitan es lenga oficiala, en Val d’Aran (despui de 1990) e cooficiala en Catalonha (damb o catalan despui de 2006) en Espanha.
 
Es a primiera vòta qu’es organizaia a Mentan dins l’encastre d’u corses au collègio Vento.
 
U collegians an participat a la dictaia, una còpia sensa error (20) e de pròpi bons resultats (de 19,5 a 17) per u autres! E subretot un 100% de collegians satisfaches!
 
Un extrach d’un tèxt occitan vivaroalpenc (mentonasc) A legenda dau Pescaluna scrich per o professor e adaptat au nivèl d’u collegians es estach prepausat per l’ocasian. Tanben, o tèxt d’a dictaia es estach registrat e serà difusat sus a webràdio occitana basaia a Niça, Ràdio Nissapantai.com.
 
Una ocasian de mai de scríver e sentir a lenga dau Prèmi Nobel de Literatura de 1904, Frederic Mistral, e de veire que l’occitan es una lenga de creacian.
 
 
 
 
Laurenç Revèst
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Òsca pels coratjoses del País Niçard e de Provença que contunhan de luchar a suberna per la lenga!

  • 3
  • 0

Escriu un comentari sus aqueste article