Bandièra01 1180x150: Comuna de Tolosa

Actualitats

Pas pus de veïculs nòus de benzina e diesèl en Danemarc, als Païses Basses e en Norvègia

Aqueles tres païses an enebit la venda de veïculs nòus amb motor d’explosion partir de 2025

| Ruben de Rijcke
Danemarc, Païses e Norvègia son los primièrs païses del Mond qu’an començat de luchar contra los motors de carburants d’origina fossila, en enebissent a partir de 2025 la venda de veïculs nòus amb de motors d’explosion, que sián de benzina o diesèl.
 
Danemarc es lo país d’Euròpa amb la politica mai ferma devèrs las energias renovelablas e la consciéncia de sos ciutadans es nauta. Copenaga es la vila del continent mai lèsta per circular amb bicicleta. Pendent lo debat parlamentari, los partits d’esquèrra volián interdire, a partir de 2025, totes los veïculs de benzina e diesèl. Los de drecha volián solament enebir las veituras nòvas. Fin finala se proïbirà las veituras nòvas.
 
Als Païses Basses, lo Congrès a aprovat l’enebicion de vendre de veïculs nòus diesèl e de benzina a partir de 2025. Se i a l’aprobacion del Senat, se prevei que s’interdirà tanben los veïculs ibrids.
 
En Norvègia, lo Parlament a aprovat aquela mesura a l’unanimitat, amb lo vòte favorable de totes los grops politics. De remarcar que lo 24% dels veïculs d’aquel país son ja electrics. Ça que la, Norvègia es un dels grands productors de petròli d’Euròpa.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Aurélien Paris
4.

Bonjorn,
Auriatz de ligam en franchiman, angles o scandinave amb mai d'informacions? Especialement site del parlament o referéncia del leis?

Ai cercat, mai pas trobat.

  • 1
  • 0
Pirolet
3.

S'es pas qu'un primièr pas cap als transpòrts collectius va plan. Si que non se remplaçarà la guèrra del petròli per la guèrra del liti. Ja totas las cobejanças se visran cap a Bolívia. D’aquí que las ianquis fagan un còp d’estat per contrarotlar l’aur blanc…

  • 1
  • 0
francesc palma
2.

Una passa endavant en la luita contra la contaminacion de las grans vilas. Urra !

  • 2
  • 0
Sidòni
1.

Òu, quin coratge ! Sobretot vengut d'un país productor de petròli... Qu'es pas aquí que se pòdon veire de causas coma-quò !

  • 2
  • 0

Escriu un comentari sus aqueste article