Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaBordalésEntre Duas Mars

Pelagrua: los escolans deu collègi vos convidan au Carnavau Occitan

Se debanarà divés lo 17 de heurèr de 13h a 16h. Lo tèma d’ongan son los eròis

Los escolans deu collègi de Pelagrua (Entre duas Mars) vos convidan au Carnavau Occitan que se debanarà divés lo 17 de heurèr de 13h a 16h. Cada an i a un tèma e ongan son los eròis.
 
Lo carnavau es ua manifestacion de carrèra. Se debana segon la tradicion occitana: après desguisà’s i a un passacarrèra dins la vila de Pelagrua au son deus fifres e deus tambors de la companhia Gric de Prat. Devath la plaça cobèrta, remesa de la clau de la vila a Sent Pançard, perseguida deu marrit Sent Pançard dins la vila, puish jutjament en occitan e cremacion.
 
Ongan esperam mei de 500 escolans d’establiments exteriors. Es un dia hestiu on las galejadas e las peguessas son permesas. Cantam e dançam au son de las ripataulèras.
 
Un vrespèr aufèrt per la comuna clavarà aquesta jornada hestiva e sonarà l’ora de las vacanças.
 
— Jutjament: Sent Pançard, Galapian, t’acusi d’aver mes la pagalha!
 
— Cantas de Carnavau: Carnavau qu’ei arribat (debuta de la hestejada), Se Canti, Joan Petit, Lo Curè de la Capèla (plaça cobèrta), Fuma la Pipa, Enguan n’auram milhada chichòr, Carnavau qu’avè (desfilat), Adiu Praube Carnavau (cremacion)
 
— Danças de Carnavau: Farandòla (debuta e fin deu Carnavau), Joan Petit que dança, Saut de Lapin o Joan de la Rèula, La Giga, La Fricassèja, Tica Marion, Dança de l’Ors (plaça cobèrta).
 
Adishatz e bon carnavau!
 
 
 
 
Los escolans deu collègi Camp d’Eimet de Pelagrua
Matisson, Romana, Hugo, Alícia, Quimèa, Lòic, Florian e Bastian

 
fffff fffff
 Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.
 
Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
 
Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
1.

Cal donar la paraula a l'estela del jovent.
Urrà, Urrà, Estela del Sud, Urrà !

  • 3
  • 0

Escriu un comentari sus aqueste article