Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCabardés

Lo vam dels 20 ans de Fasètz la Lenga en Cabardés

L’associacion per la promocion de l’occitan festeja sos 20 ans amb un programa de qualitat per sa quinzenada d’animacions del 21 de febrièr al 4 de març

Coriandre animarà la serada-balèti del dissabte 25 de febrièr a Ventenac de Cabardés
Coriandre animarà la serada-balèti del dissabte 25 de febrièr a Ventenac de Cabardés | Coriandre
Fasètz la Lenga en Cabardés festeja los 20 ans d’existéncia de l’associacion amb un programa de qualitat per sa quinzenada d’animacions del 21 de febrièr al 4 de març. L’associacion s’apièja sus una carta per la promocion de l’occitan passada amb las cinc comunas partenàrias: Argon, Mossolens, Puègnautièr, Ventenac de Cabardés e Vilagalhenc.
 
Los 20 ans seràn especialament marcats per la jornada res-non-còsta del dissabte 25 de febrièr que se debanarà a Ventenac de Cabardés de vèspre: jòcs pels enfants (Ludule), mòstras de joguinas e d’objèctes de fusta, un balèti pels mainatges amb Sors Les Mains d’Tes Poches (17h), una conferéncia sus l’istòria occitana per Alèm Surre-Garcia (17h) e lo concèrt balèti amb Coriandre (21 h).
 
La dobertura de la manifestacion se farà tre lo dimars 21 de febrièr a Mossolens amb un recital del grop vocal Cossí que Siague (18h) e l’espectacle sus Pinocchio de Renat Sette (21 h). L’endeman (dimècres 22), l’Ostal de Cabardés d’Argon aculhirà un recital de l’un dels primadièrs de la cançon occitana modèrna: Eric Fraj.
 
Divendres 24, a Puègnautièr, la pèça Moi, Gaston Dominici, assassin par défaut tornarà amb un agach provençal sus aquel famós afar judiciari.
 
Dimenge 26, a Vilagalhenc, se poirà descobrir de matin lo biais de preparar una banha cauda e lo vèspre vos passejaretz long del Trapèl.
 
Lo dimars de ser (28 de febrièr, a Ventenac) serà vertadièrament un Dimars Gras amb la taulejada que virarà a l’entorn d’una gostosa mongetada animada per Tarabastar.
 
Dimècres 1r de març, una quina en occitan se debanarà a Argon. Divendres 3 de març, a Mossolens, Maria-Odila Dumeaux farà dintrar dins lo mond magic dels contes.
 
Novèla serada de tria per clavar amb la prestacion del grop polifonic niçard Còro de Berra, lo dissabte 4 de març à Vilagalhenc.
 
Tot lo programa çai jos e sul sit de Fasètz la lenga en Cabardés.
 
Per tota entresenha: +33(0)6 31 55 58 57. A aqueste numèro: inscripcion obligatòria per la taulejada del 28 de febrièr (15 èuros)
 
Al +33(0)4 68 25 19 78: inscripcion per l’obrador-cosina del dimenge de matin 26 de febrièr a Vilagalhenc.
 
Aquesta quinzenada d’animacions Fasètz la Lenga en Cabardés es organizada amb los sostens del conselh regional de la Region Occitània, del conselh departamental d’Aude, de l’Aglomeracion de Carcassona, de las Comunas d’Argon, Mossolens, Puègnautièr, Ventenac de Cabardés e Vilagalhenc.
 
Son partenaris de la manifestacion: la FAOL, l’Institut d’Estudis Occitans-Aude e Patrimònis, Vals de Cabardés. Localament, portan ajuda a la manifestacion: lo Fogal sòciocultural de Mossolens, lo Servici Cultural de Puègnautièr, lo Club Léo-Lagrange de Ventenac de Cabardés e l’AREP-Villegalhenc.
 
Las ràdios Ràdio-Lenga d’Òc-Narbona et RCF-Pays d’Aude consacran de cronicas e emissions especificas a la quinzenada.
 
 
Lo programa
 
 
dimars 21 de febrièr, Mossolens
 
— 18 h: estrena; batejalha de La Placeta de l’Escòla; sala E-Combes: dobertura oficiala; recital del grope vocal Cossí que siague
 
— 21 h, sala E-Combes: espectacle Pinocchio, per René Sette, 8 èuros
 
 
dimècres 22 de febrièr, Argon, ostal de Cabardès
 
— 18h30: obrador d’occitan
 
— 21 h: recital d’Eric Fraj, 8 èuros
 
 
divendres 24 de febrièr, Puègnautièr
 
— 18h30, sala de la tor: obrador d’occitan
 
— 21 h , Na Loba: Moi, Gaston Dominici, assassin par défaut pel Teatre de la Mediterranèa, 12 èuros
 
dissabte 25 de febrièr, Ventenac, la jornada dels 20 ans, animacions a res-non-còsta: Espaci René-Douce e Distillariá
 
— 14 h: jòcs pels enfants (Ludule), mòstras (joguinas de Rogièr Fages; òbras d’Estefan Pandolfo)
 
— 17 h: balèti per mainatges amb Sors les mains de’tes Poches
 
— 17 h: conferéncia d’Alèm Surre-Garcia Occitània dins l’istòria
 
— 19 h: aperitiu sopar (5 èuros)
 
— 21 h: concèrt balèti amb Coriandre
 
 
dimenge 26 de febrièr, Vilagalhenc:
 
— 10 h, pichon fogal: talhièr-cosina animat per Mirelha Braç: la banha cauda (5 èuros)
 
— 13h30, sala polivalenta: rendètz-vos per la passejada: bocla entre Vilagalhenc e Argon amb Patrimònis-Vals de Cabardés. Espertinar confiments e vin caud al retorn
 
 
dimars 28 de febrièr, Ventenac de Cabardés, Espaci René-Douce
 
— 19h: taulejada animada per Tarabastar (15 èuros, sus inscripcion: +33(0)6 31 55 58 57)
 
 
dimècres 1r de març, Argon, Ostal de Cabardés:
 
— 21 h: quina en occitan (10 èuros los 3 cartons)
 
 
divendres 3 de març, Mossolens, sala E-Combes:
 
— 18h30: talhièr d’occitan
 
— 21 h: Los contes de Marie-Odile Dumeaux, 8 èuros
 
 
dissabte 4 de març, Vilagalhenc, sala polivalenta:
 
— 21 h: recital de polifonias amb lo Corou de Berra, 12 èuros




Alan Roch

 
Carta d’abonament pels espectacles pagants: 38 èuros
 
 
 
 
abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Urra ! Lo Cabardes.

  • 3
  • 0

Escriu un comentari sus aqueste article