CAPÇALERA2: AMICS DE JORNALET

Jornalet, gaseta occitana d'informacions

Diluns, 25 de setembre

Actualitats

Divendres, 17 de febrièr de 2017, 03h00 Societat,Politica,Lenga,Escòla,Economia,Cultura

Gasconha > Bearn > Palés

Assisas de la Lenga Occitana: Bayrou revendica l’unitat de la lenga

Lo cònsol de Pau demanda a l’Universitat que faga tota sa plaça a la lenga del país


Comentaris 3 comentaris    
Marrit Flac Bon Plan bon Fabulós (8 vòtes)
carregant En cargar


Yannick Pouey, François bayrou, Mohamed Amara e Charline Claveau-Abbadie dins l'inauguracion de las Assisas de la Lenga Occitana
© Unuaiga





Àudios
Etiquetas
assisas de la lenga occitana, bayrou, medòc, pau, talamoni

Lo cònsol màger de Pau, François Bayrou, a revendicat l’unitat de la lenga occitana, e a reclamat a l’universitat que faga tota sa plaça a la lenga del país. Atal o diguèt l’elegit centrista dins l’encastre de las Assisas de la Lenga Occitana que se tenguèron dimars e dimècres passat a l’Universitat de Pau e dels païses de l’Ador.
 
Amb aquel discors, Bayrou remembrava que l’universitat palesa autreja pas mai la licéncia d’occitan dempuèi un vintenat d’annadas e que l’ensenhament de la lenga nòstra se resumís a tres unitats d’ensenhament liuras al nivèl de la licéncia e del mastèr. “Qu’ei legitim que l’especialista e tròbe aquera formacion, mès jo que defendrèi mordicus l’idèa que n’ei pas qu’entaus especialistas”, çò diguèt lo cònsol en revendicant que l’occitan siá pas solament considerat coma matèria d’ensenhament.
 
Après remembrar lo presitigi de l’occitan dins l’istòria, mai que mai en Bearn, Bayrou revendiquèt l’unitat de la lenga occitana. “La lenga qu’ei ua... n’i a pas duas o tres que n’i a qu’ua”. E mai se defendèt que cadun es liure de l’apelar coma creirà, siá occitan, bearnés o gascon, çò rapòrta Sud-Ouest.
 
 
Talamoni i portèt l’experiéncia de Corsega
 
Al delà dels debats, François Bayrou profechèt la participacion del president de l’Assemblada de Corsega, Jean-Guy Talamoni, per escambiar d’avises.
 
Talamoni expliquèt l’experiéncia de Corsega, dels ligams qu’an amb las autras lengas e culturas de l’estat francés e la situacion del còrs, de sa plaça dins la vida vidanta, de son ensenhament, de las accions en sa favor, en tot preveire un combat aspre.
 
Dins aquel sens, respondèt a las questions de nòstres confraires de La Setmana, Ràdio País e Ràdio Occitània, que podètz escotar dins l’àudio çai jonch.
 
 
Las Assisas de la Lenga Occitana
 
Las Assisas de la Lenga Occitana se son debanadas amb la tòca de rassemblar d’universitaris, d'ensenhaires, d'elegits, de directors d’institucions, de tecnicians de collectivitats qu'òbran dins lo quadre de las politicas lingüisticas. Dimars e dimècres passats, aquel rescontre a confrontat las diferentas problematicas dins los domenis de l’ensenhament, dels mèdias, de l’economia e de las politicas publicas, amb la tòca de prepausar d’amiras pel desvolopament en Bearn.
 
Son estadas organizadas pel Movement Estudiant d’Occitània (Med’òc) de Pau, en partenariat amb l’Universitat de Pau e dels Païses de l’Ador, l’InÒc Aquitània e lo Congrès Permament de la Lenga Occitana (CPLO). La conferéncia inaugurala la faguèt lo sociolingüista alemand Georg Kremnitz, especialista de l’occitan e del catalan.
 
 


abonar los amics de Jornalet
 



publicitat



Comentaris

17 de febrièr 21.52h

Visca Bairou !, l'Universitat coma màxima autoritat acadèmica pot far molt per la lenga nostra.


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

17 de febrièr 11.02h

“La lenga qu’ei ua... n’i a pas duas o tres que n’i a qu’ua”. E mai se defendèt que cadun es liure de l’apelar coma creirà, siá occitan, bearnés o gascon… E òc. Atal soi liure ieu de dire qu'ai un can, un canidat, un mammifèr, un animal. La bestiòta que viurà al mieu costat non serà mens la meteissa. Mas a moment donat, caldriá ben çaquelà qu'un elegit oficial dit "nacional" truquèsse del ponh sus la taula per remembrar LEGALAMENT que l'occitan es pertot l'occitan, ... Legir mai


Valoriza aqueste comentari:   votar positiu 26   votar negatiu 0
Respondre comentari replica Comentari inadeqüat   Formulari d'abús de comentari

17 de febrièr 08.43h

Oc ben, òc ben !
De qual s’en maina de çò que dis Vayron ?
Trent’ ans que vespralha dins totis los nauquets…

Enfin, part per far plaser vèsi pas a de que servis çò que dis aquel d’aqui.
L’occitan a pas mestièr d’encantacions remolinairas, nimai de sansonha al repic ufanós

Ventalha t’ai pron vista, ara cal pagar truquet amb d’accions realas


Valoriza aqueste comentari:   votar positiu 1   votar negatiu 10
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Espanha a perdut Catalonha definitivament

Lo 20 de setembre passat, Espanha perdèt definitivament Catalonha. Aquel jorn, la Gàrdia Civila espanhòla intrèt de matin dins plusors sètis del govèrn de la Generalitat, ...
giny

Lo temps

Mapa
  • sol Agen 22 12
  • sol Aush 22 12
  • nuvols Bordèu 22 12
  • sol Briançon 17 6
  • sol Caors 21 12
  • sol Carcassona 18 10
  • sol Clarmont-Ferrand 18 12
  • sol Confolent 18 11
  • sol Gap 23 11
  • nuvols La Canau 22 12
  • sol La Gàrdia 20 11
  • nuvols La Torre de Pèlitz 19 13
  • sol Limòtges 18 11
  • nuvols_parcials Lo Borg Sant Dalmatz 19 14
  • sol Lo Puèi de Velai 18 10
  • sol Marselha 24 14
  • sol Montpelhièr 21 14
  • nuvols Naut Aran 17 5
  • sol Niça 13 6
  • sol Nimes 25 13
  • nuvols Pau 18 11
  • sol Peireguers 18 11
  • sol Rodés 19 12
  • sol Tolon 23 12
  • sol Tolosa 22 13
  • sol Valença 20 11

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Asuèlhs comengeses. © Franc Bardòu

    Asuèlhs Comengeses

  • © Aure Séguier

    Carnaval Biarnés 2017

  • © Laurenç Revèst

    Nimes e preséncia d'occitan

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Aure Séguier

    Carnaval Biarnés 2017

  • Pòrt de Niça: Li galeras

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Dau castèu de Grimaud

  • © Franc Bardòu

    Asuèlhs de Lauragués

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Asalaís Moniguet

    Montpelhièr la lengadociana

  • © Aure Séguier

    Carnaval Biarnés 2017

  • Val d'Aran, cap de Gasconha

  • Estivada 2013. © Guillem Sevilla

    Estivada 2013

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Coserans al còr

  • © Aure Séguier

    Carnaval Biarnés 2017

  • La Primada de Montsegur, 17 de març 2012

    Primada de Montsegur, 17 de de març 2012

giny

Vidèos

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)