Bandièra01 1180x150: Comuna de Tolosa

Actualitats

L’Ofici de Torisme de Tolosa met en valor l’occitanitat de la Ciutat Mondina

A mes en plaça una formacion per que sos guidas pòscan entresenhar los toristas sus l’istòria, la microtoponimia e la lenga del país, e a organizat una vesita guidada de “Tolosa l’Occitana”

L’Ofici de Torisme de Tolosa ven de prepausar a sos guidas una formacion per que sián en estat d’entresenhar los toristas, e tanben los tolosans, sus l’istòria e la microtoponimia de la ciutat, e quitament dire qualques mots en occitan, çò rapòrta lo Blòg Occitan de France 3.
 
En mai d’aquela formacion, l’Ofici de Torisme a mes en plaça una vesita guidada de Tolosa l’Occitana, definida coma “un novèl percors que vos conta la cultura occitana al passat e al present”.
 
La vesita comença a la Plaça del Capitòli e finís a l’Ostal d’Occitània. En passant per la Carrièra del Taur, abans d’arribar a Sant Sarnin, passa per la botiga de Macarèl e la Librariá Occitana.
 
Ne podètz veire en seguida lo reportatge de l’emission occitanofòna de France 3 del 18 de febrièr passat. 

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Monfort es mort es mort ! Visca Tolosa ciutat gloriosa e poderosa !

  • 6
  • 0

Escriu un comentari sus aqueste article