Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaPaís de Grassa

Grassa: uèch ferits per una fusilhada dins lo licèu Tocqueville

L’assalhidor seriá un escolan de 17 ans, qu’auriá consultat, abans de passar a l’acte, de sits internet qu’evòcan de tuariás dins las escòlas estatsunidencas

| Daily Express
Uèch personas leugièrament nafradas, dont tres tocadas per las balas, es lo bilanç d’una fusilhada que se debanèt ièr devèrs 13h al licèu Tocqueville de Grassa.
 
La proteccion civila activèt sul pic sa cellula sòciopsicologica, del temps que lo ministre de l’Interior, Bernard Cazeneuve, e la ministra de l’educacion, Najat Vallaud-Belkacem, anavan a Grassa.
 
L’agressor foguèt detengut sul pic. Èra pas conegut de la polícia. S’agís d’un escolan de 17 ans que tirèt sul provisor e dos autres escolans. Èra armat d’un fusilh, de doas armas de ponh e de doas granadas. Cinc autras personas foguèron feridas en causa d’un movement de la molonada.
 
Segon la jornalista Sophie Neumayer, lo suspècte auriá consultat, abans de passar a l’acte, de sits internet qu’evòcan de chaples dins las escòlas estatsunidencas.
 
 
 
 
La darrièra fòto que l’assalhidor publiquèt sus son compte de Facebook es tanplan explicita.
 

 
Per mai d’informacions, recomandam lo seguiment que ne fan los jornals locals Nice Matin e La Provence e tanben Twitter.
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
3.

1) Quora parlarem de bòn dals imatges violents, de la mesa en espectacle de la sofrença e de la mòrt, de la femna-objèct que pòplan los escrans d'ordinator e los programas de television ?
Quora parlarem coratjosament de l'enfluença marridassa de las valors "materialisme", "endividualisme", "moneda", "competicion", "lei dau pus fòrt" ?
Quora parlarem dau respèct d'aquò bèl e san per l'esperit, dau respèct de la vida coma morala universala ?
Quora ausarem s'acampar per s'autorizar de pensar nòstres rapòrts umans, nòstras vidas e ansin recuperar chascun lo poder sus aquestas ? Per ofrir a la fin quicòm mai qu'un asuèlh sorne e una endrona a la jovença !
Quora, digatz ?! Quante personatge politic ausarà queste discors ?! Pas ges.
Dingús mai que chascun de nautres e totes ensems o poirem !

2) Per quant a la remarca anecdotica dau vesin comentarèl, i a de joves qu'an de laugièiras entonacions "miègjornalas". Mès tot aquò's laugieiret de segur.

  • 1
  • 0
E Passa Que T Ai Vist Lo Clapàs (Montpelhièr)
2.

Los "#Grasse" metuts en linha pel Jornalet son tras que representatius de las psicòsis d'interpretacions contradictòrias ont nos trobam cada còp qu'arriba un drama d'aquesta mena. D'un punt de vista sociologic, i-a tanben quicòm mai, benlèu anecdotic mas dolorosament representatiu per una aurelha occitana : l'afar se passa a Grassa e cap dels joves liceans entrevistats dins los reportatges vists a la tele an l'accent provençal. Totis te charran amb un accent ponchut de pas creire. Es a de detalhs coma aquò qu'òm fai aquela constatacion simpla e dramatica : gràcia als mediàs seus, Paris a capitat a faire parisenquejar Occitània tota, ai !

  • 6
  • 0
lachaud
1.

Se passa ren d'autre en Provença que daus atemptats e de las fusilhadas?

  • 5
  • 0

Escriu un comentari sus aqueste article