Bandièra01 1180x150: Comuna de Tolosa

Actualitats

La television publica eslovèna fa una entrevista de Raül Romeva tota en catalan

Lo conselhièr dels afars exteriors de la Generalitat de Catalonha i explica que l’estat espanhòl vòl “intimidar” lo govèrn catalan en se servissent dels jutges

L’entrevista se faguèt tota en catalan
L’entrevista se faguèt tota en catalan
La primièra cadena de la television publica eslovèna emetèt dissabte passat una entrevista del conselhièr dels afars exteriors de la Generalitat de Catalonha, Raül Romeva facha tota en catalan, amb de sostítols en eslovèn. L’entrevista, d’aperaquí sèt minutas, s’emetèt dins lo jornal televisat del ser, çò esa l’ora d’audiéncia maximala.
 
L’entrevista se faguèt tota en catalan, car, segon Bergant, “èra nòstre desir de donar a nòstre public una experiéncia pus autentica en escotar las declaracions de Sénher Romeva. Mas èra tanben un biais de remembrar al public eslovèn nòstres pròpris desirs e sentiments fa aperaquí 30 ans”. Lo jornalista a aprés lo catalan pendent sas vesitas a Barcelona dempuèi 1984.
 
Romeva se trobava en Eslovènia per explicar lo procès d’independéncia de Catalonha e Aran, e dins aquel sens tenguèt de reünions amb divèrses deputats del parlament d’aquel país. 


 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
4.

Apa, canya contra espanya,o ui no, potser nomes:
Visca la Terra....Lliure1
L'Ernest, "El Tàrrega".

  • 0
  • 0
Pirolet
3.

Aquò me remembra que lo Mitterrand aviá pas res comprés a çò que se passava en Jugoslàvia. Los eslovens si, que se n’anèron de seguida abans los embolhs.

  • 1
  • 0
Pirolet
2.

Aquò me remembra que lo Mitterrand av

  • 0
  • 0
lo punt de vista de Sirius
1.

dins lo quadre marxista-revisionista de Iogoslavia dominada per lo serbo-croat,la lenga eslovèna , pron minoritària èra condemnada a disparèisser pauc a cha pâuc, ,mai tre lei primiers sobresauts dau finau iogoslava, sus de bases religiosas, Eslovènia prenguèt l'iniciativa e trenquèt lo cordon de l'emboliga e se declarèt independenta, laissant necs e bachots lei dos principaus protagonista cirilics e latins que se fasián una guerra istorico-religiosa, ben lèu complicada per la tresena força musulmana de Bosnia, coma lei ors dins sei montanhas, leis eslovènas s'èran mes a la sosta dins sei caunas

  • 0
  • 0

Escriu un comentari sus aqueste article