Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Era Val d'Aran que reclame investiments en carretères entà melhorar-ne era seguretat

Eth país occitan que demane as institucions der Estat espanhòu es infrastructures previstes

Reformar era carretèra N230 ei reaument important per qüestions de seguretat
Reformar era carretèra N230 ei reaument important per qüestions de seguretat

Es pressupòsti d'investiments en infrastructures der Estat espanhòu entar an 2012 non contemplen cap eth melhorament dera carretèra N-230 ath sòn pas pera Val d'Aran, maugrat qu'era ministra de Foment, Ana Pastor, se comprometec a completar-lo en responsa a diuèrses interpellacions de CiU e Entesa en Senat.


Maugrat es diferéncies logiques de partit, aguest tèma que desvelhe ua grana unitat entre es principaus formacions araneses. Entà Àlex Moga, baile de Vileha e Mijaran, reformar era carretèra N230 "ei reaument important per qüestions de seguretat". Deth sòn costat, Francés Boya, ex-sindic d'Aran e cap dera oposicion ahig que "era carretèra ei des ans 40 e es sòns murs son en tren d'esbaussar-se". Ath delà "era carretèra a un naut indèx d'accidentalitat e eth transit de camions ei de 500 per dia". 

Moga explique qu'actuauments "s'execute ua òbra d'urgéncia en aguest tram de carretèra de 3,4 milions d'èuros" çò qu'ei insufisent. Eth baile deth cap-lòc aranés ditz que ce que reauments vòlen "ei era definicion deth trajècte sense passar per Vielha e ua temporalitat d'òbres que sigue realista". Ath delà, Moga planh qu'enes darrèri sèt ans s'age investit fòrça en Pirenèu aragonés e s'age "deishat era Val d'Aran de costat" maugrat qu'er executiu precedent "informèc diuèrsi viatges dera immediata reforma". Boya ajuste qu'er executiu precedent "executèc eth tunèl nau e hec era melhora deth vielh entàs merces perilhoses". En çò que tanh ad aguest tram de carretèra "i a un projècte redigit en fasa d'estudis ambientaus que s'a d'executar".


Ferriòl Macip

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ferriòl Macip
4.

#3 En un costat dera termièra politica se ditz "carretèra" e en aute "rota". Quin ei eth francisme o quin er espanholisme? Totun, en aranés cau emplegar carretèra e en rèste de variantes rota. Alavetz que cau hèr ce que diden es sabents ;-). Mercés brave lector!

  • 0
  • 0
David Barcelona
3.

carai! de res! i això que no en sé d'occità! dubtaria, també, de "carrèteres", si més no en occità... estrada, carrièra, etc., però aquí ja no m'hi atreveixo. Ah! enhorabona pel diari! des que l'heu tret que me'l llegeixo cada dia! per molts anys! plan mercés!

  • 0
  • 0
Ferriòl Macip
2.

#1 As plan arrason. Mercés pera arremèrca.

  • 0
  • 0
David Barcelona
1.

no sé pas aranès, i volia demana si l'ús de la paraula "inversió" és correcte? "inversió" en el sentit de posar diners a un lloc és un castellanisme modern. La paraula original és "investir", que ve del llatí "investire". Mireu com es diu a les demés llengües europees. En català costaria recuperar un "investir", però potser en aranès encara hi sou a temps. Així no reclameu inversions, sinó reclameu que s'investeixi en carretères...

  • 0
  • 0

Escriu un comentari sus aqueste article