Bandièra01 1180x150: Comuna de Tolosa

Actualitats

Macarèl fa una crida d’ajuda

Dins una situacion d’excedent de produches e de manca de clavariá, Danís Cantournet fa una crida per que se crompe sos produches

Macarèl, l’entrepresa de merchandising occitanista, es en risc de desparéisser. Après aquerir fòrça material per assegurar la difusion a sos aperaquí 250 revendeires del mitan associatiu e occitanista, se tròba ara dins una marrida situacion financièra: a un excedent de produches per vendre, mas una manca de clavariá per pagar salaris, loguièrs, cargas, facturas...
 
Dins aquel sens, Danís Cantournet, capmèstre de Macarèl, fa una crida per que se crompe siá sul sit www.macarel.org, siá dins las botigas de Tolosa o de Sant Joan de Vedats (Montpelhierenc).
 
Macarèl es, dempuèi 15 ans, una referéncia en produches del país, dins la lenga del país, per la consciéncia del país.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alaric
29.

Los pegasolets que se boton al cuol dels carris semblon se vendre aisidament e fan veser l'estacament à la lenga!
Plan merces d apondre vostres proposicions ...

QUAL ME TOCA ROVIHLA...
e autres...


  • 0
  • 0
"Tàrrega" Igualada (PP.CC.)
28.

No es poden perdre referents, pel País, només faltaria! Tothom a comprar, i donar senyes.
Visca la Terra...Lliure!
L'Ernest, "El Tàrrega".

  • 0
  • 0
ltrobat
27.

Que soi entrat dens la cultura gascona mercés a un amic deu Gèrç. Lo purmèr escriut que legói en gascon qu'èra un recuelh de contes de Bladèr.
Donc n'èi pas briga enveja de biarnizar los gercès, los vasadés o los medoquins (biarnizar los biarnés qu'ei dejà hèra de tribalh).
Aquò ditz, qu'encoratgi los gascons (gercés, vasadés, medoquins...) que tròban lo lor parlar n'ei pas pro representat a escríver, cantar, apitar utís pedagogics, editar revistas, etc...

  • 1
  • 2
ltrobat
26.

#24 Enquèra un còp:
Ei la fauta deus biarnés se los ensenhaires deu vasadés escriven, los aficatges en biarnés meilèu que'n vasadés?
Que deplori tanben que n'i aja pas nat supòrt pedagogics en medoquin o en vasadés. Mes qu'ei çò qui empacha los regents e professors d'aquestes parçans de n'apitar? Se n'i a pas pro (o briga) d'utís dens lo vòste parlar que'n cau crear au lòc d'arcastar aus biarnés de n'aver creat abans...

  • 2
  • 5
ouxità
25.

#17 Gilabèrt Nariòo QU'EI bearnés, b'ei normau qu'emplegue la soa lenga, non ?
Qu'ei vertat qu'i a hèra chic de gascon deu Gèrs en la revista País Gascons (la mau nomada?), mes n'ac podem pas arcastar a Nariòo, que crèi...
Per çò qui ei deus tolosans, ce'm sembla que hèn totun la diferéncia entre los parlars deu Gèrs e deu Biarn. O en tot cas, n'arreduseishen pas lo gascon au sol biarnés, que passas mesuras...
#24 Qu'avem en Biarn ensenhaires lengadocians, qui hèn çò que pòden tà ensenhar en lenga locau, e qu'i a tanben regents biarnés qui son enviats en Gironda o per Las Lanas, shens coneisher la lenga precisa deu territòri, qué har? N'ac sèi pas...Segurament l'agreaccion en occitan e va reglar aqueths trebucs...

  • 2
  • 1

Escriu un comentari sus aqueste article