Bandièra01 1180x150: Comuna de Tolosa

Actualitats

Ara fa 5 ans. Montpelhièr: maucontentèir contra l'MSA

Grafitis devant lo sèti de la Mutualitat Sociala Agricòla (MSA), a Montpelhièr, denoncian las complicacions ocasionadas per la reorganizacion territoriala deus servicis

| Kafeole



Lo messatge d'interpellacion a Olivier Gibelin, president deu Conselh d'Administracion de l'MSA Lengadòc, èra signat deu CRAV, per brembar la tradicion de contestacion e de luta deus vinhairons deu país.


Lo Comitat Regional d'Accion Viticòla revendiquèt mantunas accions dempuish 1998 contra establissaments publics o infraestructuras variadas. Aqueras accions volèvan defénder los interests deus vinhairons occitans, frent a las crisis de concurréncia o de suberproduccion ligadas a la concentracion capitalista. Lo CRAV, istoricament, se volè movement sendicau. Fondat per Jean Vialade, se reclamèt de la tradicion de la Confederacion Generala deus Vinhairons deu Mijorn, eishida de la susmauta de 1907 e presidit a l'epòca per Ernèst Ferrolh, conse de Narbona e personatge emblematic d'aquera susmauta.

Uèi lo dia, la contestacion pòrta sus la reorganizacion deus servicis a l'MSA. Com dens mantunas autas administracions, los mejans baishan, e las antenas localas s'an d'adobar. Atau, lo foncionament de la caisha de Montpelhièr es estat capvirat dempuish 2010. Adara, l'estructura amassa Erau, Losèra e Gard, dens un foncionament deus complicats. Retards importants dens la gestion deus dorsèirs son constatats cada dia, agravats encara per l'informatizacion, pauc a pauc, d'aqueras administracions. Lo maucontentèir fàcia a l'MSA es generalizat, dens aqueth país qu'a causit de votar peu Front Nacionau endessús de la mejana estatala (22,3% dens Erau, 25,5% e purmèira causida deus electors deu Gard).


Pèir-Joan Masdiset



abonar los amics de Jornalet




 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Es pas cap bona elegida votar a la merdassa per protestar, cal votar a los comunistas, Podem, l'esquerra,...que son los que defensan als trabalhadors.

  • 1
  • 0

Escriu un comentari sus aqueste article