Bandièra01 1180x150: Comuna de Tolosa

Actualitats

crotz-tolosaCreated with Sketch.Provença

Marion Maréchal-Le Pen se retira temporàriament de la politica

L’eiretièra politica del clan Le Pen justifica “de rasons personalas e politicas”, mas desapròva los accents “esquerristas” de l’actuala direccion

| Rémi Noyon
La deputada del Front Nacional (FN) del departament de Vauclusa, Marion Maréchal-Le Pen, se retira temporàriament de la politica. L’eiretièra politica del clan Le Pen o expliquèt ièr dins una letra que mandèt per e-mail a LeDauphiné Libéré. Dins aquela letra longassa qu’adreiça a sos electors del departament, Maréchal-Le Pen reconeis que sa decision constituís “un esquinçament afectiu” mas la justifica per “de rasons personalas e politicas”.
 
Deputada d’un departament que correspond al Comtat Venaicin e tòca País d’Egues, País d’Ate, País de Saut Provençau e Tricastin, Maréchal Le Pen representarà pas ara sa circonscripcion a las legislativas. En mai d’aquò, deu ara passar la man al conselh regional de la region nomenada Provença Alps-Còsta d’Azur, ont es presidenta del grop FN, lo sol partit de l’oposicion davant Los Republicans.
 
E mai se Maréchal Le Pen aviá considerat dempuèi longtemps sa retirada politica, es la desfacha electorala de sa tanta que l’auriá precipitada. La jove politiciana de 27 ans ten de desacòrdis politics amb la linha politica de Marine Le Pen, mas subretot amb lo vicepresident del partit xenofòb Florian Philippot, çò rapòrta Libération.
 
Marion Maréchal-Le Pen desapròva los accents “esquerristas” de l’actuala direccion de l’FN, e se ditz convencuda qu’ela seriá pas en capacitat de far valer son ponch de vista, dins un partit desprovesit de tota cultura de debat.
 
La neboda de Marine Le-Pen, e felena de Jean-Marie Le Pen, representa lo costat mai conservator e catolic de l’FN e es mai pròcha de las idèas politicas de son grandpaire. Mas lo patriarca, a 88 ans, a criticat que sa felena aja decidit de quitar la politica a un mes de las legislativas, çò que representa  un còp dur pels ultradrechistas que comptavan ne far la figura de recampament dels sceptics de Marine Le Pen.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
8.

Val pus una retirada a temps.

  • 0
  • 0
Lo Muòl Carpan city
7.

#4 L'occitanisme est cès e mut. Crei que son detz milhons de faissistas quan votat lepen...
agacha qu'es un bon metòd per escafar lo problèma... Puèi dins d'abòrd lo problèma existís pas.
es lo gra 0 de l'analisi !

  • 4
  • 1
Leoun
6.

Uno de mens. Nostro belo Comtat respirara que meiour.

  • 14
  • 2
Marijuana Bernis (La Papèssa) Avinhon
5.

#4 Paure Sirius a l'amor deçauput ! Coma te comprenèm ! Qu'èra mistolina 'quela chatona de Marion, verai ?

  • 15
  • 3
lo punt de vista de Sirius
4.

per ara, comptarem dins nostre bèu pais 10 milions 600 xenofobes qu'an votat blu marina, de saubre se son pereu antisemitas ? Crèsi pas? qu'aquo ei l'apanatge dei populacions dei barris sensibles qu'an votat Macron.. Homofobes ? amb lo numero 2 dau partit Philippon, non ! islamofobes e aqui an rason, que la religion de Bafomet es l'obscurantisme fach terrorrisme, racista ?non, perqué lei musulmans de raça jauna, turca, negra fan prova dau meteis fanatisme e de la meteisse estupidat e pasmens son de raça diferenta d'aquela dau profèta

  • 3
  • 21

Escriu un comentari sus aqueste article