Bandièra01 1180x150: Comuna de Tolosa

Actualitats

Sant Seren: la 4a edicion del festenal Escambis se tendrà del 19 al 21 de mai

Après tres ans de reüssidas, lo festenal Escambis se consolida coma eveniment de cultura occitana de referéncia en Carcin

Los escolans d’occitan son totjornlos protagonistas del festenal Escambis
Los escolans d’occitan son totjornlos protagonistas del festenal Escambis | Festenal Escambis 2016
Lo festenal escambis se consolida coma eveniment de cultura occitana de referéncia en Carcin. Après tres ans de reüssidas, se prepara ara la quatrena edicion qu’ongan se tendrà del 19 al 21 de mai, tostemps a Sant Seren e a Sant Joan de la Ginèsta (Limarga). Lo festenal Escambis es organizat per l’associacion Aquí l’Òc, e receb lo sosten de Jornalet.
 
Aquel festenal en Carcin a la particularitat de s’adreiçar a un public larg: los que parlan occitan o non, los que son d’aicí o non... Tradicion e modernitat se conjugan per far descobrir e partejar nòstra cultura e nòstra lenga. Joves e mens joves se retròban dins de domenis tan variats coma lo cinèma, la musica, la dança, l’artisanat, la literatura, la poesia, l’istòria o lo conte.
 
 
Lo programa
 
Divendres 19 de mai, MJC de Sant Seren
 
— De 9h30 a 11h30: recampament amb diferentas animacions. Dobèrt al public.
 
— 12h00: menut occitan a la cantina del Collègi Joan Lurçat, que serà decorada a l’ocasion del festenal.
 
— De 14h15 a 16h: conte amb Alan Roch de Carcassona amb una adaptacion de Cendroleta, conte seguit d’una discussion.
 
— Dobèrt al public, a l’Espaci Occitan Carcinòl, lo luòc dedicat a la lenga e a la cultura occitanas en Òlt e dins lo sud de Corresa, Sant Seren:
 
— 18h: presentacion d’una mòstra sus la cauna de Puèg Mèrle pels escolans dels corses per adultes, presentacion seguida d’un repais sus reservacion.
 
— 21h: lecturas de Las sasons de la vinha amb Alan Roch.
 
 
Dissabte 20 de mai, Plaça de la Republica (jos las platanas) a Sant Seren
 
— De 10ha 16h: mercat artisanal e circ.
 
A l’Espaci Occitan Carcinòl, Sant Seren:
 
— 14h30: conferéncia amb Jòrdi Labouysse, “L’Espace occitan dans l’Histoire”.
 
MJC de Sant Seren:
 
— 16 oras: cinèma amb lo filme Paddington en occitan sostitolat en francés e en preséncia de Delfina Lafon que doblèt la votz de la maire Brown.
 
Sala de las fèstas de Sant Joan de la Ginèsta:
 
— 19h: inauguracion del festenal en présencia de personalitats, aperitiu cantat amb la corala dels ainats de Soçairac, seguit d’un repais sus reservacion.
 
— 21h30: concèrt-balèti amb La Granja.
 
— 23h: concert-balèti amb lo grop Garric.
 
 
Dimenge 21 de mai, sala de las fèstas de Sant Joan de la Ginèsta:
 
— 14h30: musica amb lo grop folcloric Lo Traïton del Segalar.
 
— 15h45: teatre amb lo grop teatral de Santa Colomba.
 
— 17h: contes, istòrias amb Francis Lasfargas de Gindon.
 
 
 
Per mai d’informacion e per las reservacions, podètz sonar al +33 (0)6 73 62 64 63 o escriure un e-mail a: aqui.loc@lap....
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
1.

Un bon programa que cal hi anar.

  • 2
  • 0

Escriu un comentari sus aqueste article