Bandièra01 1180x150: Comuna de Tolosa

Actualitats

La 23a edicion del Camin de la Ceba se farà lo 21 de mai que ven

Aquela caminada istorica en Montanha Negra evòca l’anciana rota per anar crompar de plantons de ceba, e s’espèra 500 participants

La 23a edicion del Camin de la Ceba se debanarà lo 21 de mai que ven. En aquela ocasion, la còla de l’obrador d’occitan de l’Ostal dels Joves de Masamet prepausa una brava caminada en Montanha Negra, al despart de Masamet, fins a la Bastida Esparveirenca, ont cadun marcha a son ritme.
 
La tòca de la caminada es totjorn la meteissa: “Anar crompar de plantons de cebas a la Bastida, coma o fasián los nòstres rèires, un còp èra. E mai que mai, caminar amassa, dins la beutat dels païsatges, dins un ambient coral. Amb d’estapas golardas”. Son previstas tanben d’animacions musicalas.
 
Los 500 participants esperats sus la jornada poiràn percórrer un vintenat de quilomètres per arribar a la Bastida Esparveirenca a travèrs de l’espectaclós païsatge de la Montanha Negra. Ongan s’organiza una pausa cafè a la glèisa de Sant Sarnin.
 
Per mai d’informacions e las inscripcions, vesitatz lo sit: www.camindelaceba.fr.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Thomas Tolosa
2.

Cal pas cridar ceba sul camin de la ceba :)

  • 3
  • 0
Francesc Palma
1.

Brava gent, faire país e cultura culinària, car la seba es molt bona per la circulacion de la sang

  • 2
  • 0

Escriu un comentari sus aqueste article