Bandièra01 1180x150: Comuna de Tolosa

Actualitats

Crisi de fisança politica als Estats Units per las informacions que Trump auriá reveladas a Russia

Lo president Donald Trump auriá descobèrt d’informacions secretas, en provenença d’Isràel e sus l’autoproclamat Estat Islamic, al ministre dels afars estrangièrs de Russia

Crisi de fisança politica als Estats Units. Segon The Washington Post, lo president Donald Trump auriá revelat d’informacions secretas sus l’autoproclamat Estat Islamic al ministre dels afars estrangièrs de Russia, Sergei Lavrov. Aquela informacion, publicada diluns passat,  foguèt desmentida per l’Ostal Blanc, mas puèi foguèt confirmada pel quite Trump qu’afirmava sus Twitter qu’el aviá “tot lo drech de o far”.
 
Legalament, lo president a drech de desclassificar quina informacion que siá se vòl, mas lo fach a provocat un enòrme escàndol politic perque refortís l’imatge que se fasiá durant la campanha, çò es que Trump èra vengut president gràcias a Russia, e aquò met grèvament en question l’espionatge estatsunidenc envèrs sos aliats a causa d’una autra accion malavisada del president.
 
A mai, l’accion es encara pus grèva se prenèm en compte que l’informacion que Trump auriá destapada a Lavrov èra classificada coma “code-word information”, una sòrta de classificacion qu’implica que se deu pas mostrar als aliats e quitament pas a cap de membre del govèrn dels Estats Units. Alavetz, de la mostrar a las autoritats russas a un moment que Russia e los Estats Units senton de tensions per la guèrra de Siria, a generat fòrça dobtes sus la capacitat de Trump d’exercir coma president.
 
 
L’informacion proveniá d’Israèl
 
 
Sabèm pas quina es l’informacion que Trump a descobèrta a Russia, que The Washington Post  decidiguèt de l’explicar pas. Segon d'autres mèdias, tocariá los plans de l’EI per cometre d’atemptats sus d’avions comercials amb de bombas amagadas dins d’ordenadors personals.
 
Aquela informacion Israèl la liurèt als Estats Units, segon The New York Times.
 
 
L’UE contunharà de partejar d’informacions amb los Estats Units
 
L'Union Europèa (UE) contunharà de partejar sas informacions d’intelligéncia amb los Estats Units, malgrat tot aquel escàndol, car es “un sòci màger”, çò rapòrta Público que cita un naut foncionari comunautari.
 
 
Russia ridiculiza e rebuta aquelas informacions
 
De son costat, Russia a ridiculizat aquelas informacions. Dimars passat, la pòrtavotz del ministèri dels afars exteriors rus, Maria Zakharova, recomandèt de legir pas los jornals dels Estats Units perque aquò “non solament pòrta prejudici mas es tanben perilhós”, çò rapòrta Reuters.
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
6.

JF Kennedy president dels EUU assassinat per la CIA i L'FBI, encarregada l'execucion a un assassin de la mafia. Bob Kennedy favorit de les eleccions dels EEUU, assassinat pels mateissos. Martin L. King assassinat per l'FBI. Marilyn Monrow assasinat per membres de la mafia per encarrec de la CIA e l'FBI. Cop d'estat de Chile obra de la CIA amb lo consentiment del president dels EEUU. Cop d'estat del Brasil, Cop d'estat d'Argentina, Panamà,.................. Olof Palmer president de Suecia assassinat per la CIA. etc.

  • 0
  • 0
Jig
5.

#4 Faribòlas.
Estremar un policièr qui investiga sus vos n’ei pas ua pròva de valentia, qu’ei ua pròva de corrupcion.
L’FBI qu’ei ua institucion au servici de la lei e de l’ordi, pas deu poder en pè. Las institucions qu’an un foncionament e lo president que s’ac deu aver dab contrapoders (Checks and Balances). Que s’apèra l’Estat de dret. Lo president qu’ei un justiciable com los auts. E eth tanben qu’ei au servici deu son país, pas lo contra. N’a pas lo mandat de fóter de pillas las institucions democraticas d’un país, la justícia, la premsa libra, l’educacion, la santat entà enriquir la soa clica de sacamands.
Que n’ac comprénitz pas, b’ei ua endica de la vòsta (non-)comprenença deus Estats de dret en generau. Per bonastre n’atz pas escriut las leis estatsunidencas. Los USA qu’an enqüèra un sistèma qui fonciona e lo Trumpident que s’i a ganhat un enquestaire dedicat.
Quan anoncièn la nominacion deu proseguidor independent qu’ei demorat embarrat en la Casa Blanca. Silenci ràdio. Çò qui hasè? Que v’ac voi díser : qu’èra au burèu ovau a brusà’s per tèrra en bavassant e borruglant, mentre qu’Ivanka e Jared assagèvan de l’ataisar e de l’empachar de tweetejar miaças e intimidacions. Ah! lo valent òmi!

Mes au mensh la dreta qu’etz coerents : que v’estimaratz tostemps mei hidar los còdis nuclears a un sociopata mafiòs destermenat, per tant que sii de dreta, que non pas a un diplomata pasible e planpausat, se per cas ei d’esquèrra. Better dead that red!
Aquò rai, lo vòste campion irange que fenirà en pleitejant l’alzheimer entà pas crebar en preson. O lhèu que huegerà lo país.

A l’entant lo Trumpident que part dar un torn per contradas, e que vam arríder un bon còp. Que’vs predisi ua cagada per jorn en mejana (minimum), que lo Bush Jr. va semblar Einstein au par d’eth.

  • 1
  • 1
Francesc Palma
4.

El president de la CIA ha estat pas elegit pels ciutadans, cal lo fotre fora si té pas la confiança del President electe dels EEUU. Tramp ha demostrat ser una persona valenta llevant al president de L'FBI. Quan es elegit un nou president ha d'elegir los carrecs que sian de sa confiança. E sobretot a l'FBI i la CIA que son càrrecs molt importants que a vegades han mai poder que lo mateis president dels EEUU.

  • 1
  • 2
Jig
3.

#2#3 Rebromb : n’ei pas Clinton qui ei a la Casa Blanca qu‘ei Trump. E aqueste b’ei ua auta sòrta d’alquimista, ben: tot çò qui tòca que v’ac devira en bren toxic.
Clinton qu’estó encusada de desinvoltura dab los secrets d’Estat per la fauta tecnica d’utilizar un servider mau protegit. Los republicans que la volèn fóter en ua sot. Mes uei lo Trumpident que desglara los medishs secrets a un ahoalh d'espions rus e güeratz qu’ei un diplomata egrègi?!
E totun qu’ei eth medish qui tweetegè, quan n’èra pas que candidat : "Crooked Hillary e la soa equipa qu’estón subernegligents dab informacions sensiblas e hautament classificadas. Inapta tà la presidéncia!"
E lo Paul Ryan horní’n : "Compte hèit de la soa manca de discrecion e de judici, H. Clinton que presenta un risc excessiu". Que la discrecion e lo judici lo Trump n’a de sobras, ben…
Mes tot aquò que ve’n fótetz. Avetz lejut l‘article solament? Lhèu atz combat pr’amor qu’a Jornalet emplegan majusculas e pontuacion?
Çò que Trump a revelat aus rus met en dangèr la vita deus informators suu terrenh qui ajudan a combàter Daesh. Qu’a divulgat causas de las qui revelan pas solament aus aliats, de tant que son chacudas. E n’ac a pas pas hèit com escambi d’informacion senon pr’amor que s’ei lengat en ua desbondada de vantariòu: ”Qu’èi de suberbonas endicas! qu’èi los melhors informators! E sàbetz qué? Tè, escotatz aquò…"
Ua auta consequéncia qu’ei adara los servicis de rensenhaments aliats deus USA, tant en Euròpa com au Pròishe Orient, adara que vòlen limitar los escambis dab los escotaploja ianquis, de paur de s’i riscar la seguretat. Despuish tres dia lo Pótin que pateish ua crisi de priapisme!

Tà l’interferéncia dab la ua enquèsta judiciària en cors, qu’ei cobèrta per lo títol 18 deu còdi penau estatsunidenc, arren mei:
https://www.law.cornell.edu/uscode/text/18/1503
https://www.law.cornell.edu/uscode/text/18/1504
N’ei pas benpensança, qu’ei la lei, e aus USA lo president n’ei pas ensús de la lei.

Mes bon, com trasto de dreta qu’atz lo dreta de deféner unhaut trasto de dreta; Lo Trump e vos que heretz un beròi par d’esclòps. Òsca per la solidaritat. E’u seguiratz en preson quan l’i getin?

  • 2
  • 2
chauchar dins la fanga
2.

chaucharai encar'n cop dins lo fangolhàs, amb France-info que veni d'escotar onte una jornalista diplomada de la ben-pensança nos afortis que Trump tant podriá èstre destituït (empeachment) perqué dins una conversa amb lo boss dau FBI fai quauquei mes l'auriá menaçat de lo garçar defora, en cas que contunhèsse sei maniganças contra eu, en enquestant sus la supausada conspîracion russa, e ara l'a fach ! e a agut ben rason, que lei servicis secrets de pertot dins lo mond son jamai estats un parangon de vertut e que dependon de l'executiu

  • 2
  • 2

Escriu un comentari sus aqueste article