Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaRoergueSegalar Roergat

Se prepara l’Universitat Occitana de la Guépia amb de novetats

Lo programa inclutz de corses, de projeccions, de concèrts, d'animacions, e un concors d’istòrias en occitan amb de prèmis, e ongan un fum de novetats pensadas pels enfants e pels adolescents

| Lenga Viva
L’Universitat Occitana de La Guépia (Segalar Roergàs) se debanarà del 10 al 15 de julhèt. Prepausa un luòc e un temps d’ensenhament, d’animacion, d’estudi, mas es tanben, una endevenença mannada de rescontres (e de convèrsas) improbables endacòm mai: los escolans dels corses pòdon parlar amb d’occitanofòns “naturals” del vesinat coma amb d’escrivans, d’intellectuals e d’artistas de renom, los vièlhs savis als joves lançats, la cultura sabenta rescontra la cultura populara, los estrangièrs rescontran los del país sus de questions d’istòria e de patrimòni. Tot aquò dins un ambient al còp estudiós e pausadís, amb los pès chimpats dins l’aiga de Viaur e d’Avairon, e amb la consciéncia d’aprestar, en primadièrs, l’avenir del país.
 
Lo programa prepausa cada jorn de corses de lenga sus quatre nivèls e d’obradors de traduccion, de cant e de danças. Tanben de conferéncias e d’aperitius musicals amb Xavier Vidal, Ministèri del Riddim, Les Boudoumen, Carabal Trio. En mai d’aquò se projectarà los filmes Le Chant des fous de George Luneau e Camin de lenga de Sylvain Roux.
 
Lo programa prepausa tanben una passejada toponimica, un concors d’istòrias en occitan amb 500 èuros en prèmis e de concèrts e de balètis amb los Pompièrs de la Guépia, Manu Théron e lo Balèti dau Papet e Poupa Greg.
 
Las novetats d’ongan son los estagis de cant, dansa e tamborin per d’enfants e adolescents, l’estagi de cant pels adultes, e lo talhièr de cant matinal guidat per Manu Théron.
 
E de soslinhar las projeccions de dessenhs animats pels enfants, e filmes e documentaris pels joves, de libres pels mainatges.
 
Mentre que se tendrà l’eveniment, la mediatèca de La Guépica aculhirà l’exposicion “Los amics de Joan de l’Ors”.
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Rotland
3.

#1

''Le français, c'est la langue de la pluralité !'', Félix Marcel Castan.

  • 0
  • 2
Guepiòl
2.

Es dins Tarn e Garona.

  • 0
  • 5
lo passejaire Tolosa
1.

Es pas per dire, aquela universitat d'estiu se vira de mai en mai cap a la musica occitana o d'endacòm mai.Benlèu qu'aquò es una bona causa? sabi pas. Tot aquò mercé a Claudi Sicre, mas me sembla que se parla de mens en mens occitan dins aquela universitat «Occitana». Gara de pas pèrdre de vista la lenga !!!

  • 11
  • 0

Escriu un comentari sus aqueste article