Bandièra01 1180x150: Comuna de Tolosa

Actualitats

Es mòrt Loulou Nicollin

L’emblematic president de l’esquipa de fotbòl de Montpelhièr nos quitèt ièr après patir un malaise cardiac

Lo president del club de fotbòl de Montpelhièr, l’emblematic Louis Nicollin, nos quitèt ièr dijòus a sos 74 ans a Nimes. Nicollin patiguèt un malaise cardiac a la sortida d’un restaurant ont festejava son anniversari e foguèt menat devèrs un espital. “Es amb una tristesa immensa que sèm assabentats del decès de nòstre president”, çò escriguèt lo club lengadocian de fotbòl sus Twitter dins la serada.
 
Nicollin creèt en 1974 lo club de Montpelhièr la Palhada, que venguèt l’actual Montpelhièr Erau Espòrt Club (MHSC segon sa sigla en francés), una esquipa d’en primièr amatora que foguèt campiona de França en 2012.
 
L’apelavan Loulou e èra lo president pus excentric de la Liga 1 de fotbòl. Èra conegut per sas polemicas mediaticas, sas declaracions discutidas e son lengatge brut e dirècte.
 
Nicollin èra tanben un òme d’afars e president del grop Nicollin, un ensemble d’entrepresas de netejatge urban, de collècta e de retractament dels degalhs domestics e industrials.
 
 
 
Los clubs de fotbòl de tot lo país an plangut lo decès de Nicollin, dont soslinham la fiulada qu’an publicada los Girondins de Bordèu, amb una fòto d’el de la cofa pintrada de las colors del drapèl francés per festejar que lo Montpelhièr èra vengut campion de França en 2012.
 
 
 
Tanben, en omenatge a l’esquipa de Montpelhièr, qu’es uèi de dòl, publicam la cançon que la compausèt Mauresca a l’ocasion de la fabulosa sason del Montpelhièr, en 2011-2012.
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Estava massa gras, acò es pas bon per la salut. Vesetz !

  • 11
  • 0
Homo Mons Puellarum Montpelhièr
2.

Bòf.

  • 13
  • 0
Eric
1.

Avèm sabut (e pas ''avèm aprés'' qu'es un francisme) la mòrt de Loulou. Èra qualqu'un a despart dins lo fotbòl. Tot còp, cercava bregas a de dirigents del club o tanben a de mond d'endacòm mai (me pensi per exemple a l'afar Pedretti quand Nicollin tenguèt de paraulas omofòbas). Qualqu'un mai es mòrt aquesta setmana: Stéphane Paille. Joguèt a Montpelhièr una sason. Aviá pas que 52 ans.

  • 2
  • 0

Escriu un comentari sus aqueste article