Bandièra01 1180x150: Comuna de Tolosa

Actualitats

Alemanha a legalizat lo maridatge omosexual

Lo Bundestag a aprovat una lei que dona los meteisses dreches als parelhs eterosexuals e omosexuals, quitament per quant a l’adopcion

La dièta federala alemanda a votat en favor de legalizar lo maridatge omosexual. E mai s’en 2001 s’aprovèt las unions civilas entre doas personas del meteis sèxe, ara la lei balha los meteisses dreches als parelhs eterosexuals e omosexuals, quitament per quant a l’adopcion.
 
393 deputats an votat en favor de la legalizacion, 226 contra e quatre se son abstenguts.
 
La lei l’a promoguda lo Partit Socialdemocrata, en desacòrdi amb los conservators d’Angela Merkel (CDU) e lors aliats bavareses mai tradicionalistas de la CSU, amb qui fa coalicion de govèrn. La decision a pas gaire agradat a la CDU e a la CSU per doas rasons: d’un costat perque constituís una rompedura de l’acòrdi de govèrn e de l’autre perque an prepausat de far un vòte de la mai nauta importància just abans las vacanças parlamentàrias. Totun, a la suspresa generala, Angela Merkel, ostila personalament a la dobertura del maridatge als omesexuals, declarèt diluns que laissariá votar los deputats en consciéncia. De fach, qualques deputats conservators jonguèron los socialdemocratas, los ecologistas e la senèstra radicala en favor del tèxt.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
18.

#17 Fotre non pas ! Seriosament : siái ben la persona dau comentari n°11 e mon parlar es raiòu, sens ges de dobtança.
Personalament, siái un sens-partit. Aime la mesura, l'equilibri, lo sen. Comprene pas qu'òm ague besonh de tot aparar per justificar son amor de la libertat. Ven un moment qu'un libertari deu se pausar de questions. Una libertat sens constrencha es pas sens consequença.
Parièr dinc l'educacion d'un enfant :
1) Se pausa lo quadre ;
2) Lo quadre estent pausat, la libertat ven plena dedinc aqueste quadre.

França es vengut lo país de la licença : un grand merdièr onte chascun vòu virar l'aiga a son molin. Es aquò l'ideau d'una societat amaisada, armoniosa ? Per de qué anar enjuscas lo bot de la foliá per compréner a la fin qu'aquò-z-èra una error per l'equilibri collectiu ?
Culpabilizatz tant, monde, de passar per "faissistas", se refusatz de dire de òi e sustot, de sosténer la legalizacion de demandas desrasonablas ? E vos disètz ciutadans ? E votatz amai ? E afortissètz que vos batètz per l'avenir de las generacions avenidoiras ? Vesètz pas ce que s'aprèsta d'a passets ?
Erosament que lo restant de la natura fonciona pas d'un biais ideologic mès estintiu, naturau.

Esforcessiam-nos d'aveire mai d'eime en mai de nòstra consciença, entre deure decidir coratjosament e responsablament !

  • 3
  • 0
Anonimèta vernissada Aigasvivas
17.

#16 Dobte grandàs : seria-ti pas "Lachaud" qu'escriu aquò a la plaça de "Lo raiòu" ? Usurpacion d'identitat ? Personnalitat multiplas o conversion metamorfòsi faiçon Péguy a la catedrala de Chartres ? Lo mistèri es total

  • 18
  • 2
Lo raiòu Cevenas
16.

Estent que me tape pas los uèlhs e que barrunle per mai d'un blòg, capitère recentament aquel de "France Catholique", ieu que me sente pas crestian mès de tradicion crestiana e dovrit a d'autres ponchs de vista, dau moment que lo perpaus es "pròpre" e respectuós. E ben, ne'n finisse pas d'èstre revoltat per l'actualitat que legisse. Deuriái èstre pus filosòfe e seguir lo conselh dau comentaire "E passa que t'ai vist".

Mès voldriái vos far partatjar quauques articles tant bien escrichs, argumetats emb d'aquò pus ESSENCIAU, que pòdon pas laissar endiferent, me pense. Partètz a la consulta dals articles recents tractant de la PMA. N'i aurà saique benlèu per rebecar que l'argumentacion es corteta de còps que i a... mès l'ESSENCIAU i es dich, empassant las consideracions religiosas.

Per acabar, sariái tentat d'esprimir d'autras causas que sente venir despuèi un bòn sassic, causas sostengudas per una evolucion faussament revolucionària de las mentalitats e que nos menan despuèi la Revolucion Francesa a ce qu'escriguère dinc los dos darrièrs paragrafes de mon comentari n°1.
Aquela evolucion en fin finala me fai de mai en mai aluentar d'una certana sensibilitat-ideologia que son discors, dau mai avançam, dau mai ven calhet. E me n'avise dinc certans mitans politizats, dinc certans mitans culturaus, sus certans blògs. Quicòm es a virar. Òi. A mièja paraula. Mès pas forçadament coma o laissan pensar las aparenças. Segon ieu (benlèu que me sarai trompat, veirem ben...), quicòm qu'anarà pas dinc lo sens tant esperat per los "babàbòbòpròlos" e autres "sens-culòtas" d'un famós Mes de Mai, totes combatents de la Modernitat. Vese puslèu una evolucion que farà l'afaire dals manejaires (sens fe ni lei ni mai poder, que lo poder l'an fisat a l'argent !) d'una dialectica eiretada de la... Santa e Immaculada Trinitat "Ròsa, Martèl e Faucilh". Ba ! Aquò's pas mièlhs de l'autre costat !

Se valon totas las mariòtas quand perseguisson menimosament despuèi 200 ans la tradicion deïcida e la somesa de tota Vida. Normau : son au servici dau diu "Argent" !
Me parlessiatz pas pus de votar per los representants d'aquel flèu de Republica ! Tenètz ! L'idèia de monarchia me guincha... (diable !) ... ... ... ... farà benlèu son camin... ... ... ...

  • 23
  • 2
Simca Simca Simca-1000-City
15.

#8#9#10#12 Per informacion, en Alemanha la zoofilia es pas un delicte. E es pas una galejada, es la sorprenenta realitat. Per los que son sceptics, reportage d'Arte à l'appui.En Alemanha la zoofilia es pas un delicte. De que ne pensatz ?

  • 22
  • 0
Tututut Fochielandia
14.

#13 Siam per alestir una zoophilic-pride !

  • 19
  • 1

Escriu un comentari sus aqueste article