Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheAuvèrnheCastanhau

Orlhac: presentacion del filme Lo paure Baptista

Una representacion catalana assistiguèt a l’acte en sosten de l’accion culturala. Presentaràn lo filme a Barcelona, Santa Coloma de Queralt e Santa Coloma de Farners, dins l’encastre d’una segonda jornada

Dissabte passat a Orlhac (Castanhau) se presentèt davant un auditòri de 150 personas lo filme Lo paure Baptista. S’agís d’una òbra de Giral Roussiés, parlada en occitan e producha per Arsène Images, una associacion occitana e occitanista d’aquela vila. De remarcar que lo realizaire poguèt pas veire acabada son òbra; Giral Roussiés moriguèt abans la fin del rodatge, que foguèt alestit per Olivièr Antony. L’acte de dissabte al Lycée Saint Geraud d’Orlhac foguèt tanben un omenatge a Roussiés e a son trabalh de tantas annadas en favor de la lenga e la cultura occitanas.
 
Lo paure Baptista pòrta al lengatge cinematografic un passatge del roman Les òmes de l’ecir, de l’infatigable difusor de la lenga occitana Fèliç Daval e amb una larga òbra ja publicada. Es interpretada per d’actors non professionals, dont los escolans de la Calandreta del Vernhat. 
 
Rodada dins los vilatges de Girgòls, Raulhac, Sant Julian e Marmanhac, l’istòria raconta la vida aimabla e enrasigada dins la tèrra de las gents de Cantal dins los ans setanta. Una vida que risca de desaparéisser, engolida pels tempses modèrnes que despòblan las societats ruralas e arrancan l’identitat de lors gents. Lo projècte es estat finançat amb d’apòrts particulars d’Arsène Images e una ajuda del Crédit Agricole Centre France.
 
Una representacion catalana, de Santa Coloma de Queralt e Santa Coloma de Farners, assistiguèt a l’acte en sosten de l’accion culturala. Una comission ciutadana de las doas vilas organizèt en 2014 una Jornada Occitana per difondre l’identitat, la lenga e la cultura d’aquela nacion demest los catalans. Cal remembrar que l’occitan es lenga oficiala per la lei del quite Parlament de Catalonha.
 
La comission catalana a lo projècte de presentar lo filme a Barcelona, Santa Coloma de Queralt de Santa Coloma de Farners, dins l’encastre d’una segonda jornada.
 
 
 
 
Ramon Sargatal
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Pujol Sèta
4.

#3 A ton vejaire ?

  • 6
  • 1
Simca Simca Simca 1000 City
3.

#1 Umor involontari o franca ironia ?

  • 0
  • 0
francesc palma
2.

La feina ben faita dona prest o tard lo sieu profiet. Cal comptar amb Catalunha, la magnífica nacion que ajudarà sempre a sos fraires occitans.

  • 4
  • 0
Guilhèm Pujol Sèta
1.

E ben, aqui sèm rassegurats ! Amb d'iniciativas de tria coma aquèsta, segur que la lènga es sauvada.

  • 14
  • 2

Escriu un comentari sus aqueste article