Bandièra01 1180x150: Comuna de Tolosa

Actualitats

D’abelhas que morisson per pesticidas

Las abelhas trabalhadoras mas tanben las reinas son fòrça expausadas als nauts nivèls de neonicotinoïdes, de pesticidas abitualament utilizats dins l’agricultura d’uèi lo jorn

Ja fa longtemps que la populacion mondiala d’abelhas perilha. Totes los mèdias ne parlan. Mas se sap pas perqué. Ara, una còla de recercaires de l’Universitat de York an publicat un nòu estudi scientific que ne balha una responsa. L’estudi es pas definitiu e es evident que i a tanben d’autras causas, mas la conclusion confirma lor mòrt prematura.
 
Segon aqueste estudi, las abelhas trabalhadoras mas tanben las reinas son fòrça expausadas als nauts nivèls de neonicotinoïdes, de pesticidas abitualament utilizats dins l’agricultura d’uèi lo jorn. L’estonament scientific es arribat quand an pogut confirmar qu’aquela exposicion ven pas dels camps desinfectats mas dels situats a lor entorn. Per ansin las abelhas morisson fòrça abans e los pesticidas meton en dangièr la santat de tota la colònia.
 
L’estudi es estat fach en tot estudiar de colònias d’abelhas de mèl dins la província canadiana d’Ontàrio e d’autres luòcs d’America del Nòrd. Ne caldriá ara far un estudi parièr al nivèl europèu. Totun, de confirmar que l’utilizacion de pesticidas amb neonicotinoïdes es estat e contunha d’èsser polemic. D’autres estudis an negat poder afirmar que los nivèls d’aquel pesticida èran pas reals. Qu’èran pas brica realistas.
 

Un estudi qu’a durat de setmanas
 
“Es un estudi qu’a durat longtemps, çò diguèt Amro Zayed, de l’Universitat York de las Sciéncias, a Toronto. Caliá far un estudi prigond e long per poder confirmar los scenaris mai reals sus la mòrt de las abelhas. E o avèm pogut determinar”.
 
Aital, l’estudi es estat fach sus cinc colònias desparièras d’abelhas que demoravan dins de territòris situats a l’entorn de camps de milh tractats amb de pesticidas. Estudièron la vida de las abelhas dempuèi lo mes de mai fins al de setembre. Aquestas patiguèron doncas una exposicion als nenicotinoïdes almens durant tres meses, çò es pendent la sason mai activa de las abelhas en America del Nòrd, coma o expliquèt Nadia Tsvetkov, de l’Universitat York.
 
E la suspresa arribèt quand foguèt confirmat que las abelhas patissián lo pesticida non pas dels camps desinfectats de milh o sòja mas del pollèn de las flors del territòri que i aviá a l’entorn d’aqueles camps en Ontàrio e Quebèc. “Es un pesticida soluble dins l’aiga e arriba dins l’environament dels camps d’agricultura tractats amb de pesticidas”, çò soslinhèt Tsvetkov. A mai, los cercaires an pogut doncas confirmar que las abelhas qu’avián manjat de pollèn de flors a l’entorn d’aqueles camps morissián mai lèu. (Legissètz la seguida).


 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
6.

Els haurien de ruixar amb ells de pesticides, les nostres amigues no se les toca, a més això que de moment mata les Abelles, també ens acabarà matant a nosaltres.
L'Ernest, "El Tàrrega".

  • 0
  • 0
Jan l’Aisit
5.

Longtemps que vivoi en un ostau ont i a un bronhon sauvatge hens la paret. Los abelhèrs ne las an pas voludas cuélher, de tant qui son en hautor e de mau accedir; e donc la colonia que prospèra avarja e sanitosa. Que tròban flors en abonde aus òrts e aus parcs de la vesiada.
A cada autòn lo bronhon qu’ei atacat per las vèspas asiaticas. Mes las abelhas que s’an causit ua henèrcla estreita on las vèspas non pòden pas entrar, e tà dehòra que las evitan en hant bitsègas. Las vèspas que hèn magra preda.
De temps en quan que passi davant aqueth ostau ont ne vivi pas mei, e las abelhas que i son enqüèra dètz ans arron d’arribar. En vila que s’i a enebit los pesticidas, e taus predators, be’us se saben virar. Cada dus o tres ans qu’eishàmian tà enlòc mei en tot mantiéner ua colonia aquí: que son vitècas e fecondas. Deu trepader estant ne s’i ved pas bròi detalh mes la paret que deu tressudar mèu!
Entertant, las vèspas asiaticas qu’an trobat plaça en l’ecosistèma e qu’an de navèths predators (ausèths en los arbos, grepauts quan van béver a la chòpa).
Morala : la natura que cèrca tostemps un punt d‘equilibri e, se dàisham que s’ac vedi, sovent que’u se tròba. La minuta qui dàisham de salopejar, las causas que començan de s’adobar.

  • 0
  • 0
francesc Palma
4.

Las paures abelhas a mai dels pesticidas ,tenen las vespas assiàticas que se las menjan. Son unas vespas mai grans que las normals, com lo doble de grandaria que las vespas normals.

  • 0
  • 0
Enric Mala Tèsta
3.

#1 Los pesticidis non son pas franceses : son l'economia ultraliberala, qu'es tant occitana coma francesa o mondiala. Per la fortuma materiala a corta vista d'un parelh mariòls sense cap escrupuls, ne sèm totes, franceses e occitans, a crebar d'aquel fotut sistèmi.

  • 2
  • 0
Déjà venu Entre Monteleimar e Nimes
2.

#1 Les occitans y ont pris part dans une certaine mesure, eux aussi. Trop facile d'accuser à 200% les mêmes. Et c'est un occitanophone qui vous le dit. Je pourrais même faire témoigner des anciens sur le sujet. Pas facile à "encaisser" ? Je sais...

  • 4
  • 0

Escriu un comentari sus aqueste article