Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaMauras

França demanda d’ajuda a Euròpa pels incendis en Provença

Las flamas an devastat mai de 5000 ectaras e an obligat l’evacuacion de mai de 12 000 personas

| Nicolas Hulot
L’estat francés a demandat l’ajuda de l’Union Europèa per poder contrarotlar los incendis que creman l’èst d’Occitània, mai que mai dins las Mauras. Las flamas an devastat mai de 5000 ectaras e an forçat l’evacuacion de mai de 12 000 personas, qu’an pas encara pogut tornar en cò lors. Fòrça èran a passar de sojorns de vacanças dins de campings del país.
 
E mai se ièr lo Mistral bufèt amb plan mens d’intensitat, e s’ara sembla que lo fuòc siá de melhor escantir, lo primièr ministre francés anèt sus plaça en tot avertir que la situacion es totjorn malaisida.
 
 
Podètz ajudar? Cercatz d’ajuda?
 
Lo jornal La Provence prepausa un mejan rapid per cercar o proposar d’ajuda a causa d’aqueles incendis que patís Provença. Vos cal un lotjament temporari? Vos cal un mejan de transpòrt? Far gardar vòstre animal de companhiá? D’informacions practicas?
 
Per gerir l’ajuda, an mes en marcha l’etiqueta #SOSincendiesProvence sus Twitter, e en complement amb un formulari en linha que podètz trobar sus aqueste ligam.


 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Estevenòt Tornafuèlha
3.

Contrarotlar, contraròtle e incendi
E cal pas díser mestrejar un incendi, la mestresa d'un incendi?
Aquesta acception es un anglicisme, ailàs espandit en francés.
Se pòt díser en anglés: the fire is under control, birth control (contraception)

Etimologicament i'a lo ròtle e lo contraròtle per verificar lo primièr; un ròtle estant un libret; aquò coma amb un chequiêr.

  • 2
  • 0
Garibardi
2.

#1 Aquò dit, França ven ja de demandar ajuda a Occitania (linguisitica) per un fòc alambrat en Occitania…

  • 1
  • 0
Pirolet
1.

E ont es lo Chevènement?
Quand èra Sinistre de l'Interior, e que i aguèt un incendi a Port Bou, coma los pompièrs franceses èran venguts ajudar los catalans, diguèt qu'èra la pròva que las autonomias èran incapablas de se desempatolhar solas. Qualques meses mai tard, son los pompèrs catalans que venguèron ajudar los franceses per un incendi dins l'Albèra. Lo Chevènement rectifiquèt pas. E ara, de qué ditz sus l'eficacitat del centralisme jacobin aplicats als pompièrs?

Aquelas colhonadas d'un obsedit del jacobinisme, que sas tropas son capablas de passar del "chevenementisme" al Front National (cf Philipot e d'autres) an pas res a veire amb lo problèma vertadièr de la construccion destimborlada e de l'irresponsabilitat d'un fais de mond que daissa far.

  • 2
  • 0

Escriu un comentari sus aqueste article