Bandièra01 1180x150: Comuna de Tolosa

Actualitats

Lo reüssit cortmetrage d’amor gai adolescent

Es un filmet de 4 minutas sens paraulas qu’a esmogut lo mond. Amb mai de 19 milions de reproduccions sus YouTube, lo filme s’es projectat dins un vintenat de festenals

In a heartbeat, es a dire “en un baticòr”, es un cortmetratge d’animacion qu’a reüssit a esmòure lo mond, quitament sens dialògs. Segon los realizaires, s’agís d’un “filme sus un amor omosexual e sens paraulas”. Explica l’istòria de dos gojats, qu’un d’eles, Sherwin, s’enamora de Jonathan, e son còr se lança literalament en cèrca de son amorós dins l’escòla. Shervin ensaja de reprimir son còr extravertit e atal d’escondre sos sentiments. Vòl evitar que son còr revèle son secret.
 
Lo filmet, de solament 4 minutas, a despassat los 19 milions de reproduccions sus YouTube. L’an realizat dos estudiants d’animacion del Ringling College of Art and Design de Florida, als Estats Units: lo mexican Esteban Bravo e l’estatsunidenca Beth David, qu'aguèron l'idèa de far aquela istòria en octòbre de 2015.
 
L’istòria d’aquel cortmetrage comencèt amb un succès dels bèls. Per lo menar a bon tèrme, los joves realizaires lancèron una campanha de micromecenatge en demandant 3000 dolars. N’obtenguèron 14 191.
 
Lo filme s’es projectat dins un vintenat de festenals.

 
 

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Pujol Sèta
5.

#2 L'ideologia americana del politicament corrèct, qu'es res de mai que lo vestit noù de l'ipocrisia puritana. Dire "fluides corporels" per evitar de dire "pissa, sang, mèrda, mèca,escopit, espèrma,".Dire "neutralizar quauqun" per evitar de dire "tuar quauqun". En clar cambiar de nom per escamotar una realitat destorbanta. Empachar qu'un imatge trop concrèt se forme dins l'esperit vostre. E evitar tanben de se demandar perque aquela realitat destorba al punt qu'om a besonh de ne cambiar lo nom per se donar bona consciènça.

  • 7
  • 0
francesc palma
4.

Una glosa mallorquina, un pauc ordinaria, per riure.

Ses muntanyes fan es pins
es ferrers fan ses arades
e ses dones fan es nins
a força de perdiuades

Lo natural per la supervivència de las personas es atal, mai finament qu' amb las paraulas d'aquesta glosa ,qu'és per riure.

  • 1
  • 0
Mèfi! Enlòc
3.

Quand un mot ven una insulta, un autre lo remplaça.
Per exemple puta o con...
A Tolosa a edat mejan, i aviá la Compania del Gai Saber...
Lo problèma es l'intolerància que fa de l'autra una insulta.

  • 3
  • 0
Soulié Jean-Pierre
2.

#1 Quina ideologia ?

  • 2
  • 1
Guilhèm Pujol Sèta
1.

Perque usar d'aquel eufemism anglo-saxon de "gai" per evitar de dire pedacho ? Lo mot occitan corrècte es pedacho e vol pla,n dire ço que vol dire. Lo mot "gai" qu'emplegatz per "occitanizar" lo tèrm american "gay", se-disent vengut de l'ancian francès gay = gaujos, es tan ipocrit que lo mot eufemistic "israelit" largament usat dins las annadas trenta e quaranta per evitar de dire "josiu" o lo mot "black" usitat uèi en francès per evitar de dire "negre". Farlabica-manipoli dels mots faiçon novlenga d'Orwell dins 1984 per impausar una ideologia qu'es luenh d'ésser aprovada per la majoritat, mas qu'es l'apanatge dels bobos parisencs de Libé-Télérama-LeMonde-CanalPlus. O-fasètz per vos donar l'illusion de rendre l'occitan mai glamourous a-n-aqueles ? Pfff....

  • 16
  • 2

Escriu un comentari sus aqueste article