Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasRasés

Polifonias del costat de Quilhan

Lo triò Cocanha dobrirà la 16a edicion del Festenal de Polifonias en Val nauta d'Aude aqueste divendres 25 d’agost a Quilhan
Lo triò Cocanha dobrirà la 16a edicion del Festenal de Polifonias en Val nauta d'Aude aqueste divendres 25 d’agost a Quilhan
Lo 16n Festenal de Polifonias de la nauta Val d’Aude prepausa un programa de tria:
 
— lo divendres 25 d’agost, a l’Espaci Catar de Quilhan: recital de Cocanha,
 
— lo dissabte 26 d’agost, en la glèisa de Ginòlas: recital de Vox Bigerri,
 
— divendres 1r de setembre, a l’Espaci Catar de Quilhan, lo trio femenin de Corsega Malincka,
 
— lo dissabte 2 de setembre, en la glèisa de Nebiàs, las voses bascas d’Oldarra,
 
— lo dimenge 3, a l’Espaci Catar de Quilhan, lo còr bulgar Mesechinka.
 
De mai, un estagi de cant se tendrà dissabte 26 d’agost a Esperasan. De segur e coma de costuma, los organizaires del GESPPE cantaràn en primièra partida de cada rendètz-vos.
 
Lo festenal aviá per costuma de cantar dins las glèisas del ròdol: aquò balha mai d’ample als cantaires e mai de proximitat pels escotaires, mas l’evescat e lo rector de l’endreit voldrián sonque de cançons religiosas dins aqueles luòcs. Los cònsols de Ginòlas e de Nebiàs an refusat aquestas interdiccions e an decidit de contunhar de dobrir las pòrtas de las glèisas al festenal.
 
 
 
 
Alan Roch
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hiram
1.

Quora i aurà recitals profans dins los temples maçonics (e dins los locals de las seccions socialistas) ?

  • 5
  • 0

Escriu un comentari sus aqueste article