Bandièra01 1180x150: Comuna de Tolosa

Actualitats

Israèl fa pression suls Estats Units per qu’accèpten l’independéncia del Curdistan Meridional

Netanyahu a assegurat lo sosten d’Israèl a l’independéncia curda davant una delegacion de membres del Congrès dels Estats Units

Massud Barzani es lo president del Curdistan del Sud (qu'es lo que fa partida de l’estat iraquian)
Massud Barzani es lo president del Curdistan del Sud (qu'es lo que fa partida de l’estat iraquian)
Lo govèrn d’Israèl fa pression suls Estats Units per qu’accèpten l’independéncia del Curdistan Meridional, çò rapòrta lo Jerusalem Post. Segon l’article, lo primièr ministre Benjamin Netanyahu comuniquèt a una comission de trenta tres parlamentaris republicans estatsunidencs qu’el èra entièrament en favor de la creacion de l’estat curd independent e que los curds èran “de personas coratjosas e pròoccidentalas” amb los quals los israelians partejavan de valors.
 
D’autre latz, qualques foncionaris curds vesitèron Jerusalem e demandèron que l’estat d’Israèl sostenguèsse lor independéncia, coma o avián tanben demandat a Washington.
 
Lo govèrn del Curdistan Meridional (dins las frontièras de l’estat iraquian) a convocat un referendum unilateral d’independéncia lo 25 de setembre que ven. E mai los Estats Units e l’Union Europèa li ajan demandat que lo referendum se faga pas, lo govèrn autonòm curd a pas accedit a aquela demanda.





abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
5.

Notícia que costa de creure, però benvinguda sigui, avuere si hi ha un estat nou mes al Món.
A Cat. mentres a lluitar...que aviat ens toca!
Visca la Terra...Lliure!
L'Ernest, "El Tàrrega".

  • 0
  • 0
Manjacostel
4.

De que faràn los Turcs? E la Siria? Alara polida manòbra israeliena per trucar los turcs, e subretot atissar Iran.

  • 0
  • 0
francesc palma
3.

Per nosaltres tamben, que l'acceptin !

  • 3
  • 0
Ali Verd Bram
2.

Israèl, campion internacional de la causa dels pòbles alienats ? E ben, pecaire, tot arriba !…

  • 5
  • 0
lachaud
1.

Per los kurdes se far sostener per Israel es tombat dins los arpias d'un raminagrobis dau mens tant que Netanyau sera au poder.
Israel a finançat e sostengut Al quaida coma Deiche emben lo sosten daus governaments occidentaus. Aura que los Etats-Unis an cambiat de politic au Moien Orient, Israel es isolat mas sostengut per las tres cent familhas que dominan lo monde.
Per los kurdes. mielh vau un accòrd bastard emben los pais arabas (Iran, Irak...) que devenir una colonia d'Israel. Quò empescha pas lo referendum.

  • 4
  • 3

Escriu un comentari sus aqueste article