Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranCastièro

“Aran vò votar”. Presentacion del manifèst de Les

Lo manifèst reclama que las institucions aranesas s’engatgen mai pel referendum d’independéncia del 1r d’octòbre venent e la sobeiranetat plena d’Aran

Se presentèt dimècres a Vielha (Castièro) lo Manifèst de Les, que reclama que las institucions aranesas s’engatgen mai pel referendum d’independéncia del 1r d’octòbre venent e la sobeiranetat plena d’Aran.
 
La presentacion la menèron a bon tèrme dins la sala Era Audiovisuau de la capitala aranesa plusors elegits araneses, dont la deputada Mireia Boya, lo cònsol màger de Les Emílio Medan, l’èx-cònsol de Vielha Àlex Moga, l’èx-cònsol de Salardú Jaume Geli, e de membres d’Esquèrra Republicana e de Podèm. L’eveniment tenguèt la preséncia e lo sosten del conselhièr de la presidéncia de la Generalitat de Catalonha, Jordi Turull, qu’assegurèt dins son parladís que i auriá d’urnas dins totas las comunas d’Aran e que totes los araneses poirián votar.
 
Lo Manifèst, escrich a Les (Quate Lòcs) lo 14 d’agost passat, reclama a las institucions d’Aran que s’engatgen pel referendum, e als elegits e representants de Catalonha qu’escoten e accèpten las decisions dels araneses. En mai d’aquò, recòrdan qu’Aran es un subjècte politic reconegut per la lei, saludan lo procès catalan e lo drech de totes los pòbles del Mond de decidir lor avenidor, e planhon la manca de volontat politica de las institucions espanhòlas.
 
Lo manifèst a recebut ara mai de 120 adesions, que seràn lèu publicadas sus Internet.

 

Aué TV



 
De legir sus La Vanguardia: Políticos del Aran reclaman a JxSí y la CUP modificar la ley de Transitoriedad para reconocer su soberanía
 
 
 
 
 
 
 
 
 

 

 

 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bòn Marselha
1.

Mercés amics dau Manifèst de Les. Tornatz donar d'espèr per que viugue amb un camin de vida -e non se mòre- la lenga occitana.
Sensa Aran, l'Occitània costat francés a pauc de draias d'espèr encuei...

  • 7
  • 0

Escriu un comentari sus aqueste article