Bandièra01 1180x150: Comuna de Tolosa

Actualitats

Referendum d’independéncia de Catalonha e Aran: lo bulletin de vòte, lo sit web e totas las informacions son tanben en occitan

Tot es publicat dins las tres lengas oficialas, e doncas tanben en lenga nòstra

Après una sesilha parlamentària maratoniana que permetèt d’aprovar una lei per organizar un referendum d’independéncia, lo govèrn de la Generalitat de Catalonha signèt dimècres a 22h30 lo decret de convocacion del vòte. Puèi s’es publicat cossí serà lo bulletin de vòte, un sit web informatiu e una seguida d’informacions. Tot apareis dins las tres lengas oficialas, e doncas tanben en occitan. Dins aquel sit web, referendum.cat, se tròba tanben la possibilitat de s’inscriure coma volontari per collaborar amb los prètzfaches del referendum.
 
La campanha electorala durarà 15 jorns, del 15 de setembre a mièjanuèch fins al 29 de setembre. Lo disabte 30 de setembre serà consagrat a la jornada de reflexion e lo 1r d’octòbre se poirà votar dins los burèus que lo govèrn de la Generalitat aurà meses en plaça.
 
Lo bulletin de vòte,  que serà tanben en occitan, pausa la question “Voletz que Catalonha vengue un estat independent en forma de republica?”, e las opcions de responsa son “òc” e “non”.
 
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
9.

SÍ / ÒC

  • 7
  • 0
Emmanuèl Isopet
8.

#7 Auretz remarcat que lo sufixe -òl (de carcinòl, d'espanhòl, montanhòl…) es tipicament occitan !

  • 3
  • 0
cesc guer tarragona
7.

ELS CATALANS TENIM UN ORIGEN COMU AMB ELS OCCITANS. ELS OCCITANS VAN PORTAR LE NOSTRA LENGA, E LA NOSTRA TOPONIMIA, ENCARA QUE L´ACTUAL CATALA SERIA MES CORRECTE DIRLI LENGA CATANYOLA, PER INFLUENCIA DE ESTA OCUPANT.

  • 19
  • 1
Andrieu
6.

#4 òc, e com l'aranés es pas una lenga, l'adreça del sit web en aranés s'acaba per /nl , nl com non-lenga.

  • 0
  • 0
Umor! 31
5.

#3 Jornalet aplica lo principi de las malas.
Coma son per que Catalonha se fasque la mala, son tanben per que Aran se fasque la maleta, e mai qu'Occitània la maletassa.
L'un dins l'autre, tot se cab.

  • 6
  • 2

Escriu un comentari sus aqueste article