Actualitats
Campanha del CRAN contra la memòria dels esclavatgistas
Après l'episòdi tragic de Charlottesville, lo Conselh Representatiu dels Associacions Negras vòl que se lève los noms de carrièras e los monuments que rendan omenatge als negrièrs e esclavatgistas
Lo 12 d’agost passat, una femna de 32 ans, Heather Heyer, foguèt assassinada per un jove faissista, perque aquesta protestava contra una manifestacion de l’extrèma drecha estatsunidenca, dobèrtament supremacista blanca. Los manifestants supremacistas passavan per carrièras perque refusavan que la municipalitat levèsse l’estatua del general Robert E. Lee, un dels caps de la revòlta dels estats sudistas confederats contra la volontat dels estats del nòrd d’abolir l’esclavatge dels afroamericans.
Una iniciativa del CRAN
En respondent al president francés Macron que declarava son supòrt "als que luchan contra lo racisme e la xenofobia", lo Conselh Representatiu dels Associacions Negras (CRAN) prepausèt lo 23 d'agost que se levèsse tanben dins l'estat francés los noms de carrièras o d'establiments escolars e los monuments que rendon omenatge a las personalitats qu'organizèron o participèron activament a la Tracha dels Negres, lo trafec que deportèt de populacions d'Africa per que foguèsson esplechadas coma esclaus en America e dins las colònias europèas. En lor plaça, suggerisson que se remembre las personalitats de totas originas que se consagrèron a luchar contra lo racisme e l'esclavatge.
Entre los negrièrs e esclavatgistas, lo CRAN ataca en particular Colbert, lo ministre de Loís XIV que, cèrtas, autorizèt lo Canal de las Doas Mars imaginat per Pèire-Pau Riquet, mas que tanben organizèt, de França estant, lo comèrci colonial restacat a l'esclavatgisme e foguèt l'autor de la primièra version del Còde Negre. Aqueste codificava e assajava de justificar per las colònias francesas l'umilianta condicion de las populacions negras asservidas, privadas dels dreches umans mai fondamentals.
Occitània tanben rend omenatge als negrièrs e esclavatgistas
Òr, segon Louis-Georges Tin, l'intellectual martiniqués president del CRAN contactat per Jornalet, tres vilas occitanas rendon omenatge a Colbert e a d'autres esclavatgistas e negrièrs. I a una Carrièra Colbert a Tolosa, una autra a Marselha, que tanben a un licèu professional Colbert e una carrièra que se recòrda d'un negrièr, Jòrdi Ros [Georges Roux]. De segur, es mai que mai Bordèu, que profechèt durant de sègles del trafec dels esclaus negres, que sembla d'onorar la memòria d'aquela trista epòca; d'efièch, lo CRAN compta 24 noms de carrièras, corses, plaças o passatges consagrats a las personas que s'enriquiguèron del patiment de millions de negres africans.
Bensai Occitània auriá un dever de memòria devèrs d’autras personalitats.
Una iniciativa del CRAN
En respondent al president francés Macron que declarava son supòrt "als que luchan contra lo racisme e la xenofobia", lo Conselh Representatiu dels Associacions Negras (CRAN) prepausèt lo 23 d'agost que se levèsse tanben dins l'estat francés los noms de carrièras o d'establiments escolars e los monuments que rendon omenatge a las personalitats qu'organizèron o participèron activament a la Tracha dels Negres, lo trafec que deportèt de populacions d'Africa per que foguèsson esplechadas coma esclaus en America e dins las colònias europèas. En lor plaça, suggerisson que se remembre las personalitats de totas originas que se consagrèron a luchar contra lo racisme e l'esclavatge.
Entre los negrièrs e esclavatgistas, lo CRAN ataca en particular Colbert, lo ministre de Loís XIV que, cèrtas, autorizèt lo Canal de las Doas Mars imaginat per Pèire-Pau Riquet, mas que tanben organizèt, de França estant, lo comèrci colonial restacat a l'esclavatgisme e foguèt l'autor de la primièra version del Còde Negre. Aqueste codificava e assajava de justificar per las colònias francesas l'umilianta condicion de las populacions negras asservidas, privadas dels dreches umans mai fondamentals.
Occitània tanben rend omenatge als negrièrs e esclavatgistas
Òr, segon Louis-Georges Tin, l'intellectual martiniqués president del CRAN contactat per Jornalet, tres vilas occitanas rendon omenatge a Colbert e a d'autres esclavatgistas e negrièrs. I a una Carrièra Colbert a Tolosa, una autra a Marselha, que tanben a un licèu professional Colbert e una carrièra que se recòrda d'un negrièr, Jòrdi Ros [Georges Roux]. De segur, es mai que mai Bordèu, que profechèt durant de sègles del trafec dels esclaus negres, que sembla d'onorar la memòria d'aquela trista epòca; d'efièch, lo CRAN compta 24 noms de carrièras, corses, plaças o passatges consagrats a las personas que s'enriquiguèron del patiment de millions de negres africans.
Bensai Occitània auriá un dever de memòria devèrs d’autras personalitats.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ua galejada sinistra qu'avem aiqui dab totas aqueras "repentances" e ensags de tornar fèr era Istòria. Que de simplismes e de pelejadas que nos divisan e n'an cap rason d'èster : era Istòria no torna cap passar eths plats ! Filhs qu'èm dera colonizacion romana, atau qu'ei, entr'autas realitats dera Istòria nosta, dam eth negatiu e eth positiu.
Avètz pas finit de far fugir aquelis que pensan diferentament ? N'avètz far fugir tant e mai de monde, que parlavan pas exactament coma vosautres. E desempuèi l'espelida dal Jornalet ! Los perpauses d'Alij son pas racistas, de cap de biais ! Son corrèctes e plan virats. Fa plan la part de las causas.
Diriái que soi puslèu d'acòrdi ande el. E puèi, se vòl s'exprimir en francés a un moment, qu'es aquò que fa problèma ? Se contunhatz coma aquò, Jornalet vendrà lèu un blòg ont regnarà un sol biais de pensar. Es aquò la democracia ? Demoratz entre vosautres e subretot que Jornalet afique al portal las règlas dal plan-pensar segon una minoritat de blogaires. Atal sauprem a qual es reservada la dintrada. Reprodusissètz-vos entre vosautres, tirans de la pensada, que n'es aquò qu'aimatz melhor ! E mai ieu que descubriguèri aqueste blòg (mercés a mon nebot !), e mai ieu me faretz fugir. Sètz de mai en mai pietadoses sus aquel blòg ! E Jornalet que seguís les bramaires-taisaires... Es polida la neutralitat jornalistica... !
#21 E aquel nom d'escais d'Alij Huppé, es benlèu per azard que l'avètz causit ? Tsss...
#21 Où, l'Alij, se te sentisses melhor a paralr en francès as qu'a d'anar sus radio-courtoisie o sul blog de Soral, podràs delirar tant que vols e seran ravits de causar amb un tipe que se fai sonar "Alij" !!
#21 Un còp de mai, Alij-Némar : dins aquèu article "Campanha del CRAN contra la memòria dels esclavatgistas" a cap de moment s'i parla d'islam. Per la bona e simpla rason qu'aquèu article es pas sus l'islam. I-a pas que vos qu'i vesètz aquò, qu'es l'obsession vòstra. Dins un article sul rescaufament climatic o sus leis ondas gravitacionalas capitarètz encara a nos charrar dau perilh islamic !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari