Bandièra01 1180x150: Comuna de Tolosa

Actualitats

Cauma generala contra la discutida lei del trabalh de Macron

La CGT considèra que la reforma significa una reculada des dreches del trabalh e un còp contra l’estat social

| Elena Biserna
Divèrsas organizacions e sindicats, en particular la CGT, faguèron ièr dimars, 12 de setembre, una jornada de cauma generala dins tot l’estat francés —dont las vilas màgers d’Occitània— contra la reforma del còde del trabalh que vòl menar a bon tèrme lo president Emmanuel Macron. La dicha lei del trabalh prevei de flexibilizar los licenciaments e los recrutaments. Una nòrma discutida que la vòl impausar Macron per decret e aplicar dins la davalada qu’arriba.
 
Lo secretari general de la CGT, Philippe Martinez, afirmèt qu’amb aquela mobilizacion se cercava que la classa obrièra e los ciutadans mostrèsson lor refús de la lei del trabalh, que sa tòca es de “respondre a las exigéncias de las grandas entrepresas e del MEDÈF”, valent a dire l’organizacion patronala.
 
La CGT considèra que la reforma significa una reculada des dreches del trabalh e un còp contra l’estat social.
 
Tant la Confederacion Francesa Democratica del Trabalh (CFDT) coma Fòrça Obrièra (FO) decidiguèron de non participar pas a la cauma, puèi qu’estiman d’aver obtengut d'importantas concessions dins las negociacions amb l'executiu.

 
 
 
 



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Retalhar los sous, las ajudas als malals e mai febles, los contractes de feina, los drets laborals,...... Sindicats, trebalhaires, anats tots units a la vaga contra lo govern dels banquiers !

  • 2
  • 0
Méfi! 31
2.

La lei trabalh, Macron vòl l'impausar non pas per decret (decision del govèrn), mès ordonància, ço es per vòte en blòc sens debat al parlament.
Las consultas amb los sindicats son acabadas e lo projecte es pas brica discutit mès contestat.

  • 7
  • 0
Alij Huppé Commune (Makhronad), lieu-dit (Fihon-du-Bois)
1.

Es en marcha, la vèsi venir, fraires meus ! Sentissi que d'aicí 2050 vendrà la desliurança. La vèsi venir desempuèi Giscard fins a Mélenchon. Nos metèm d'a genolhs, prestam lo cuol a flor e mesura que passan los ans e vendèm ja nòstres enfants. Avèm plan rason d'investir per lor tranquillitat d'esperit : aital auràn pas mai besonh de trantalhar, debatre, manifestar, que la Vertat contenguda dinc un sol libre s'ocuparà de lor benaise a tot nivèl. An sabut i far totis, d'esquèrra coma de dreita. Va voliái pas véser mas es en marcha. Mercejatz los que son a nos vendre e mai nosautres d'èsser tant... alienats.
A ! La vèsi clar aqueste còp ! Se sonarà "Republica Pretenduda Reformada" e sa nòva lei... shària" !

  • 7
  • 0

Escriu un comentari sus aqueste article