Bandièra01 1180x150: Comuna de Tolosa

Actualitats

SocietatPoliticaInternacional

Barcelona: los trabalhadors del pòrt refusan de servir los vaissèls que lòtjan los policièrs espanhòls

Dos fèrris i son acostats per lotjar dos milièrs d’agents de la polícia espanhòla e la Gàrdia Civila. A Tarragona n’i a un autre

| Portuaris CNT
Los descargaires del pòrt de Barcelona an decidit de servir pas las naus acostadas dempuèi dimècres passat, ont se lòtjan dos mila agents de la Gàrdia Civila e de la dicha Polícia Nacionala espanhòla. Los descargaires faguèron ièr de matin una assemblada dels trabalhadors e anoncièron lor decision sus Twitter, una decision que prenguèron “en defensa dels dreches civils”.
 
Los dos naviris en question son dos fèrris menats a Barcelona per lotjar los milièrs d’agents que l’estat espanhòl a desplaçats devèrs Catalonha per empachar lo referendum e reprimir las institucions del país. A Tarragona i es acostat un autre vaissèl alestit per lotjar un milièr de policièrs de mai.
 
Segon un òrdre del Ministèri de l’Interior espanhòl, totes los agents de la polícia espanhòla, dicha nacionala, e de la Gàrdia Civila, destinats en Catalonha son privats de vacanças fins al 5 d’octòbre.
 
 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Que pesquen a veire se pica qualque gerret, cabot o sorell o esparrai o una saupa o un crancs peluts de merdera . A ! es que son esteparis e ne sabon pas.

  • 5
  • 0
Bernatmm tarba
2.

#1 Auèi, sus VilaWeb, que pareishèc un article entà d'esplicar tot çò que calià hèr, o de què mauhisar-se en aguestis dias.
Parla deras rumors, deras votz que se hen corre entà manejar era gent, entà copar e deshèr totera bona organisacion dera societat.
Eth prumer conselh qu'ei de non hèr cas de totis eths messatges non clarament identificadis e d'origina desconeishuda. TOT Çò QUE COMENÇA PER : "Pareish que", "Ce ditz", "Quauqu'un a vist", "Un amic assabentat m'a condat"... QU'AC CAU HORABANIR, E SUSTOT NON HÈR PASSAR A D'AUTIS !!!!!! Çò que ajudarià aths que volen espaurugar o barrejar-mos.

  • 1
  • 0
fabre muret
1.

Pareis que i a de trens cargats de carris d'assault que circulan suls camins de fèrre. Es que vòlon far paur o es que Rajoy es prèst de far rajar la sang?

  • 8
  • 2

Escriu un comentari sus aqueste article