Bandièra01 1180x150: Comuna de Tolosa

Actualitats

Macron assegura a l’ÒNU que l’Acòrdi de París sul clima “serà pas renegociat”

Dins son primièr discors a l’Assemblada Generala, lo president francès diguèt que respectava la decision de Trump, mas que França contunhariá de l’aplicar

Lo president francés, Emmanuel Macron, prononcièt dimars passat son primièr discors a l’Assemblada Generala de l’ÒNU, e o faguèt en tot mostrar sa fermetat a manténer l’Acòrdi de París per arrestar lo cambiament climatic. Lo messatge de Macron s’adreiçava mai que mai al president estatsunidenc, Donald Trump, qu’aviá anonciat de quitar l’acòrdi. “Recularem pas. Respectam prigondament la decision dels Estats Units. La pòrta serà totjorn dobèrta mas los autres estats contunharem de seguir l’acòrdi de París”, çò assolidèt.
 
Macron aguèt d’autras discordàncias amb Trump, especialament sus Iran. Segon lo president francés, es una “error grèva” de denonciar sens ofrir d’alternativa l’acòrdi nuclear de las poténcias internacionalas amb lo govèrn iranian. Trump aviá parlat qualques oras abans a l’Assemblada Generala, tanben dins son primièr discors, per criticar l’acòrdi que permetiá de restrénher lo programa nuclear iranian, que lo qualifiquèt de “vergonha”. Segon Macron, l'acòrdi es “solide” e “essencial per la patz”. E soslinhèt que de lo respectar pas seriá “irresponsable”.
 
Lo president francés mençonèt tanben la crisi del pòble rohingya en tot denonciar lo “netejatge etnic” que patisson.
 
 

 




abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
10.

#8 Exacte, mercé. De costuma o corregissi mas aqueste còp a escapat a mon atencion...

  • 1
  • 0
Emmanuel Macron Palais de l\\\'Elisi
9.

#8 klima, klimatos o clima, climatis

  • 1
  • 0
pèir
8.

*climat : clima. En francès la T non es pas etimologica.

  • 1
  • 0
Emmanuel Macron Palais de l\'Elisi
7.

Lo monde tot es darrièr ièu, mès respecti los fenhants que me vòlen pas seguir.
Aquel Trump vòl jogar del con amb ièu...mès arrestará pas lo monde en camin.

  • 2
  • 0
lachaud
6.

Macron parla mas China fai. China es lo pais que developpa lo mai las alternativas ecologicas coma lo fotovoltaic. Trump parla belcòp tanben. Trump e Macron parlan au nom de pais que son pus los mestres dau monde e que son menaçats per un crash financier e economic per se balhar un ròtle mai important. Quò es tot; quò vai pas pus lonh. Dins aqueus desbat i a ren a en tirar perque lo dejos de l'afar es catada e plan catada.

  • 4
  • 0

Escriu un comentari sus aqueste article