CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de julhet

Actualitats

Dimenge, 24 de setembre de 2017, 03h00 Societat,Politica,Internacional

L’occitanisme se mobiliza per sosténer lo referendum de Catalonha e Aran

Las manifestacions de protèsta contra l’autoritarisme del govèrn espanhòl acompanhan divèrsas mòstras de solidaritat


Comentaris 11 comentaris    
Marrit Flac Bon Plan bon Fabulós (11 vòtes)
carregant En cargar


Qualques desenats de personas manifestèron divendres passat a Pau lor solidaritat amb lo pòble catalan. L’acamp se tenguèt davant lo consolat espanhòl e seguissiá la crida de l’esquèrra revolucionària occitana de la Tor deu Borrèu. Los manifestants mostrèron lor supòrt “al pòble de Catalonha après lo còp d’estat contra las institucions catalanas e los refuses envèrs la populacion de se poder exprimir sul desir d’independéncia a travèrs d’un referendum”.
 
Participèron a la manifestacion de representants del Partit Occitan, dels verds franceses, de La França Insomesa, del movement Ensemble, de simpatizants de la Republica Espanhòla, del movement de sosten a Palestina, e una bona representacion d’artistas e musicians occitans.
 
Los manifestants critiquèron “los metòdes emplegats pel govèrn de Madrid dignes de son passat franquista” e “las politicas d’intervenir pas en l’afar espanhòl de part d’Euròpa e França”. D’autre caire, felicitèron lo pòble catalan per “la lor determinacion unida e pacifica d’acarà’s a Madrid e a un desplegament policièr jamei vist despuish ua bèra pausa”. Dins aquel sens, afirmèron quitament que Catalonha es “un pòble hrair que’ns mòstra lo camin de la dignitat e la libertat”.
 
Après las presas de paraula, l’acte finiguèt coma aviá començat, amb una vibranta cantada revolucionària ont sonèt, demest d’autres, L’Estaca dins sa version en occitan de Bearn.
 
 
A Tolosa
 
Dimècres passat, mentre que l’estat espanhòl deteniá de nauts foncionaris de la Generalitat de Catalonha e li ne preniá qualques sètis, e que lo mond manifestava per centenats de milièrs a Barcelona, se creèt a Tolosa un collectiu nomenat Occitània per la Democracia en Catalonha e manifestèron davant lo consolat espanhòl de la Ciutat Mondina.
 
“Sèm aicí per la democracia”, çò declarava un pòrtavotz del collectiu a La Dépêche en precisant que “las institucions de Catalonha son estadas atacadas per la polícia espanhòla”.
 
 
Peticion a Juncker
 
De son costat, Iniciativa per Occitània a lançat una campanha de signaturas en linha “per la libertat e l’estat de drech en Catalonha”. La peticion es adreiçada al president de la Comission Europèa, Jean-Claude Juncker, e li demanda que demòre pas silenciós.
 
Los signataris dison a Juncker que “se lo mot «Euròpa» a encara un sens, podètz pas restar mut e inactiu fàcia a aquesta negacion dels principis mai fondamentals de l’estat de drech e de la libertat civila”
 
“S’agís pas pus d’un «afar intèrn» a l’estat espanhòl, ne va desenant de l’onor d’Euròpa e de sa mission”, çò conclutz la peticion.
 

 
Per quant a ela, l’Assemblada Nacionala Occitana (ANÒC) a publicat un comunicat que condemna las operacions actualas de l’estat espanhòl, defend lo drech dels catalans de votar se vòlon un estat independent, e revendican que l’estat que ne sortisca siá binacional e se nomene “Catalonha e Aran”.
 
D’autres movements occitanistas coma País Nòstre se son mobilizats per sosténer lo referendum en Catalonha e Aran. 


Comunicat de l'Institut d'Estudis Araneses

De son costat, l'Institut d'Estudis Araneses-Acadèmia Aranesa de la Lenga Occitana, a publicat un comunicat que sosten lo "Dret de decidir deth pòble catalan e aranés, e refuse es eveniments que viu actuaument Catalonha, a on fòrça catalans e es institucions catalanes an estat caushigadi enes sòns drets e libertats"


 
Sardenha, Astúrias e endacòm mai
 
De fach, las mòstras internacionalas de sosten a Catalonha an luòc per tot lo Mond, entre las qualas poiriam soslinhar las accions del Conselh Regional de Sardenha e e dels movements d’esquèrra d’Astúrias.
 
Lo Conselh Regional de Sardenha aprovèt fa qualques jorns una mocion qu’exprimís la solidaritat amb lo pòble de Catalonha. En mai d’aquò, de deputats sardes an demandat al govèrn de l’illa qu’estampe e sèrve de bulletins de vòte e de material electoral per assegurar lo referendum de Catalonha e Aran.
 
Enfin, en Astúrias, qualques movements de l’esquèrra sobeiranista acampats dins lo sit apelat Llar La Llegra, an mostrat lor solidaritat amb lo pòble catalan. En mai d’aquò, l’espaci Llar La Llegra es a estampar de bulletins de vòte que se distribuiràn en Catalonha e Aran lo jorn del vòte.
 
 
 




abonar los amics de Jornalet
 



publicitat



Comentaris

27 de setembre 23.11h

#9 Se era vila (eth consòu e eth son conselh municipau) de Perpinà "ditz vive la France", autant plan coma eras vilas de Tarba, Banhèras e Lorda (en aquera "vive la France fille ainée de l'église").
Dempush quauques dias en eras carrèras de Perpinyà, beth pialèr de gent an manifestat entath Principat de Catalunya, e auèi madeish que i a actes publics enà vila.
Ja i a dias que eths batlles/maires deths departament 66 se son amassadis en solidaritat damb eths 720 requisits pera policia... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

27 de setembre 13.42h

#3 Pais dels drets de l'òme, òc, mas jos resèrva qu'aquel òme accepte de venir parisenc, parisianista e parisianofila. Que s'aquela clausa implicita es pas complida, es pas la pena d'i soscar !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

26 de setembre 15.02h

Eth occitanisme que's mobilisa peth referendum en Catalonha mès era villa de Perpinhan que ditz viva França !


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

26 de setembre 01.45h

#2 #5 #6 ...E aqueth elegit que arren... e aqueth politician que tampòc... e aquera institucion que ni ditz... e er'auta que ni hè......
E cada un de nosautis ? Què ?
Beth temps a qu'èi comprès qu'eths nòstis "representants" non m'arrepresenten cap.... Alavetz que m'i presentarèi jo madeish, coma en 2010 "per l'estatut", e cada 11 de setembe enqui'a enguanh.
Aqueste còp que herèi de volontari eth dia deth referendum, damb eths companh de Catalunya.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 21.33h

#6 Où, Ah ! Où, Ah, La Diga, La Diga, ! Où, Ah ! Où, Ah, La Diga, Gagà !


Valoriza aqueste comentari:   votar positiu 10   votar negatiu 1
Respondre comentari replica Comentari inadeqüat   Formulari d'abús de comentari

25 de setembre 21.22h

#5 Solide ! Paris e Madrid ne'n tremòlan mai d'esglasi !


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 09.37h

#2

E Ràdio Lenga d'Òc, e lo Teatre de la Rampa e Calandreta e Aprene ?


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

24 de setembre 22.01h

Tà çò qui ei deu sostien internacionau senhalem las quauquas 32000 personas qui desfilèn a Bilbao lo 16 de seteme passat en favor deu referendum en Catalonha.


Valoriza aqueste comentari:   votar positiu 17   votar negatiu 0
Respondre comentari replica Comentari inadeqüat   Formulari d'abús de comentari

24 de setembre 14.37h

#2 Es a esperar los òrdres de París...
Viv lô Frôns, peï dé droa d'l'òm!


Valoriza aqueste comentari:   votar positiu 24   votar negatiu 7
Respondre comentari replica Comentari inadeqüat   Formulari d'abús de comentari

24 de setembre 13.14h

E l'IEO ? E l'OPLO ? E la Delgà, "presidenta d'Occitanie" qu'a pas l'èr de saupre qu'i-a d'occitans en Catalonha (Aran) e de catalans en "Occitanie" (Catalunya Nord) ???


Valoriza aqueste comentari:   votar positiu 25   votar negatiu 11
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

"Anatz enfants de lor patria"

Lo 14 de julhet de 1789, una còla de revolucionaris prenguèron una preson de París e ne liberèron los qualques presonièrs que i aviá. Aquò marquèt ...
giny

Lo temps

Mapa
  • nuvols Agen
  • nuvols Aush 23 13
  • nuvols Bordèu 23 14
  • sol Briançon 20 9
  • nuvols_parcials Caors 24 13
  • nuvols Carcassona 21 14
  • nuvols Clarmont-Ferrand 22 13
  • nuvols Confolent 22 14
  • sol Gap 27 15
  • nuvols La Canau 23 14
  • nuvols_parcials La Gàrdia 30 22
  • nuvols_parcials La Torre de Pèlitz 25 17
  • nuvols Limòtges 22 14
  • nuvols Lo Borg Sant Dalmatz 25 17
  • nuvols Lo Puèi de Velai 19 13
  • sol Marselha 31 21
  • nuvols Montpelhièr 29 22
  • nuvols Naut Aran 20 11
  • sol Niça 23 9
  • nuvols Nimes 30 21
  • nuvols Pau 22 14
  • nuvols Peireguers 22 14
  • nuvols Rodés 24 12
  • sol Tolon 29 17
  • nuvols Tolosa 24 15
  • sol Valença 23 15

giny

giny

giny

giny

giny

publicitat

lateral 2 teveoc

Entrevista

Avèm passat set meses que parlar de questions de lenga i èra... dangierós

Xavier Moral responsable dels afars occitans e de la promocion de la lenga dels signes catalana a la Direccion Generala de Politica Lingüistica de Catalonha

Avèm passat set meses que parlar de questions de lenga i èra... dangierós
publicitat

LATERAL2 300X250: CAOC



publicitat

LATERAL2 330x60: Casteth Paums

Fotografias

  • Gavotina marítima: trofèu d'August e vila vielha d'A Torbia

  • Agaits tolosans. © Franc Bardòu

    Agaits Tolosans

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Rocavion (Val Ges). © Cristòu Daurore

    Rocavion (Val Ges)

  • © Xavi Gutiérrez Riu

    Baish Ador

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Franc Bardòu

    Tèrra albigesa

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Valadas. © Xavi Gutiérrez Riu

    Valadas

  • Concèrt del 20n anniversari de Gric de Prat

  • Asuèlhs comengeses. © Franc Bardòu

    Asuèlhs Comengeses

  • País de Rasés. © Franc Bardòu

    País de Rasés

  • Valadas. © Xavi Gutiérrez Riu

    Valadas

  • Omenatge a Aragon. © Franc Bardòu

    Omenatge a Aragon

  • © Asalaís Moniguet

    Montpelhièr la lengadociana

  • Aison. © Andrea Celauro

    País d'Aison (Val d'Estura)

  • © Magalí Barceló

    Santa Gabèla: quatrena fèsta del fogal rural La Gabèla

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

giny

Vidèos

Las mai...

publicitat

LATERAL2 300X250: CAOC

giny

Sondatge

As festejat lo 14 de julhet?


14%



86%




Vots 126 vòtes

comentaris 4

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)