Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Jorn del referendum d’independéncia en Catalonha e Aran

Vos prepausam çai jos de ligams utils per seguir l’actualitat de la jornada d’uèi, a la minuta

Uèi es lo jorn del referendum d’independéncia de Catalonha e Aran, lo vòte pus insolit de l’istòria d’aquel territòri que ven precedit d’accions e mobilizacions epicas a causa de la repression de l’estat espanhòl, puèi qu’aqueste a declarat lo vòte illegal e ensaja de l’empachar. 
 
Los ciutadans se son organizats per defendre los burèus de vòte, que lo ministèri public a ordenat de sagelar. Las urnas e los bulletins de vòte, perseguits durant tot lo mes de setembre per las fòrças de l’òrdre, seràn meses en plaça, o pas... De tot biais, que se passe çò que se deu passar, es fòrça probable que se proclame l’independéncia de Catalonha e Aran dins qualques jorns.
 
L’estat a mandat en Catalonha 12 000 agents de la dicha Polícia Nacionala espanhòla e de la Gàrdia Civila amb la tòca d’empedir lo vòte. Tanben en Aran s'es refortida la preséncia de la polícia espanhòla e de la Gàrdia Civila, e mai s’es un territòri amb una preséncia policièra fòrça nauta.  Las autoritats espanhòlas an enebit lo vòl d’avionets e d’elicoptèrs sus la vila de Barcelona. Es probable qu’ensagen d’evitar d’imatges aerians de mobilizacions encara pus grandas.
 
Durant la setmana que ven de passar los pompièrs an manifestat nombroses per defendre lo referendum, las carrièras son estadas presas cada jorn per de mond que demandan de democracia, los estudiants an fach la cauma pus multitudinària de l’istòria, lo public dels teatres s’es mes a cantar d’imnes e crida “Independéncia”, los ciutadans an fach repicar de caçòlas cada ser a 22h en fasent de rambalh per tot lo país, los trabalhadors del pòrt an decidit de servir pas los vaissèls que lòtjan los policièrs espanhòls e fan sonar las sirenas durant la nuèch per lor empedir que dormiscan, los païsans an pres las carrièras amb lors tractors.... las manifestacions en favor del vòte de uèi son estadas unicas. De soslinhar cossí lo pòble a superat la repression. Mentre que de policièrs confiscavan de milièrs d’afichas, las carrièras èran plenas d’afichas artisanalas qu’encoratjavan lo mond a votar. Mentre que se barrava plusors sits web, los informaticians ajudavan a metre en marcha d’autres sits....
 
La jornada de uèi es imprevisibla, e cargada d’actualitat. La còla de Jornalet prepararem dins la nuèch que ven lo rapòrt de la jornada per la una de diluns, mas ara vos prepausam çai jos de ligams utils per seguir l’actualitat de la jornada d’uèi, a la minuta.
   
 
Tanben podètz seguir l’actualitat via Telegram sus aqueste ligam, e via Whatsapp en vos abonant al numèro +49 1579 2380486.
 
 
 




abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
28.

Ens han apallissat, ens han tirat per terra, ens han vexat, però la veu i la força d'aquest poble es tan gran, que no l'han poguda fer callar, em votat i em dit: Independència-llibertat, ni tota la CEE, ni spain, ni ningú te dret a dir-nos el que podem o no podem fer, volem ésser lliures, hi ho serem!
Ja ningú pot dir el contrari la voluntat del poble es la que es, i així serà!
Visc ala terra...Lliure!
Ah, i Despertaferro1
L'Ernest, "El Tàrrega".

  • 0
  • 0
jordi jordi
27.

Pot molt ben ésser que l'enquesta la contesti, en un 46%, un robot informàtic propietat de les forces d'ocupació espanyoles a Catalunya.

  • 1
  • 0
francesc palma
26.

Felicitacions a totas las heroina e herois catalanas qu' han defensat la nostra Magnífica Nacion. Visca la Republica Catalana !

  • 3
  • 0
Alan Roch Carcassona
25.

Entrevista de Gerard Onesta, observator internacional :

http://www.20minutes.fr/monde/2142791-20171001-referendum-catalogne-vu-catalans-larmes-sang

  • 10
  • 0
Guilhèm Thomas Tolosa
24.

46% de las personas qu'an votat lo sondage sul siti del Figaro (mai de 10 000 a l'ora d'ara) estiman que lo poder central a rason d'emplegar la violéncia.


Barbaria ? O desinformacion ?

  • 21
  • 0

Escriu un comentari sus aqueste article